Daholarga boqib, bo‘lajak daholarni tarbiyalash haqida o‘ylash - ulug‘ saodat.
Prezident Shavkat Mirziyoyevning Muhammad al Xorazmiy, Mirzo Ulug‘bek nomida ixtisoslashtirilgan maktablarni tashkil etish haqidagi Qarorlari ayni shu maqsad yo‘lida tashlangan ezgu qadamdir.
Daho ajdodlarimiz bilan faxrlanish barobarida ularga munosib vorislarni, ya’ni yangi daholarni kamol toptirish zamon talabidir.
FIFAning daho futbolchilarni sharaflash marosimidan avval shunday o‘y-kechinmalar xayolimizdan o‘tdi. Zo‘rga qoyil qolish - mardning ishi.
Bugun Lionel Messi va Krishtianu Ronaldu - futbol dunyosining ikki quyoshi. Shu bois, ikkisi galma-gal yilning eng yaxshi futbolchisi sifatida e’tirof etilmoqda.
Har holda, shunday xulosaning ehtimoli katta. Yo‘q, gap Ronaldu ortda qolgan mavsumda qo‘lga kiritgan sovrinlarda ham emas.
Misol uchun, 2010 yili Andres Inyesta, 2014 yili esa Manuel Noyer jahon chempioni bo‘la turib ham, yilning eng yaxshi futbolchisi maqomiga erishishmagan.
Umuman, muxlislar-u mutaxassislar Messi va Ronaldu o‘rtasidagi kimo‘zar poygasiga boshqalar aralashmasligiga allaqachon ko‘nikishdi.
Xullas, futbol dunyosi Messi va Ronaldu raqobatida tenglik yuzaga kelishini istamoqda. Istak esa natija uchun muhim ruhiy holat va sovrinlardan ustun. Ochig‘i, tenglik ta’minlanmasa, shundoq ham nisbiy adolat buziladi.
Mana, 10 yildirki, Janubiy Amerika va Yevropa futboli o‘z dahosini olqishlash, biridan ikkinchisini baland qo‘yish bilan band. Agar muvozanat saqlanmasa, «ko‘hna qit’a»ning qahri kelishi aniq.
Ayniqsa, Kataloniyadagi siyosiy vaziyat Yevropa liderlariga yoqmay turgan paytda Messining yilning eng yaxshi futbolchisi bo‘lishi dargumon.
Aslida hech bir gap-so‘zsiz Ronalduning eng yaxshi maqomini olishi nisbiy adolat tantanasi sanaladi. Kataloniyadagi vaziyat shu qarorni qat’iylashtiradi, xolos.
Xo‘sh, Messi va Ronaldu Davomi