Polsha terma jamoasining JCH-2018 ishtirokchilari safidan joy olishida saralash bosqichining eng yaxshi to‘purari bo‘lgan Robert Levandovskining hissasi salmoqli bo‘ldi.
Lekin «oq burgut-lar»ning shiddatli parvozini ta’minlagan Adam Navalkaning ulushi mashhur shogirdinikidan kam emas.
Jamoatchilikka «diktator» nomi bilan tanilgan murabbiy hayoti davomida mashaqqatli sinovlarda toblandi. Ana shu hayotiy saboqlar keyinchalik Navalkaning asosiy quroli sifatida murabbiylikda o‘z samarasini bera boshladi.
80-yillar o‘rtalarida Adam Navalka Amerikada istiqomat qila boshladi. Ertalab soat 6:00da polshalik do‘stlari bilan mo‘’jazgina do‘konchada nonushta qilar, keyin ishga otlanardi.
U xizmat qiladigan firma Nyu-York atrofidagi elektr liniyalari yaqinida o‘sadigan daraxtlarni kesish bilan shug‘ullanardi. «Ish jarayoni tartibli, yaxshi haq to‘lanadigan, qonuniy edi.
Adam ham ko‘pchilik kasbdoshlari qatori daraxt kesar, juda mehnatsevar edi», - deya xotirlaydi Navalkaning Amerikaga ko‘chib o‘tishiga ko‘maklashgan Yanush Suroves.
Oqshomlari Adam polshalik Imigrantlardan tuzilgan mahalliy «Polish-Amerikan Iglz» jamoasida to‘p surardi. Tez orada Yonkersdan boshpana topgan Navalka rafiqasini yoniga chaqirdi, ingliz tilini o‘rgandi. Atigi to‘rt yil yashashga arang chidadi. Chunki u futbolni sevardi.
JCH-78ning umidli yoshlaridan bo‘lgan futbolchi jarohat tufayli maydonga tusholmay, ilojsizlikdan xorijga yo‘l olgandi. «Taqdirning qaltis hazilini qarangki, biz ichkilikka ruju qo‘yib, salomatligimizni barbod qilardik. Ammo jarohat olmasdik.
Adam esa futbol uchun bazmu-jamshiddan voz kechgan, doimo shifokorlar ko‘magiga muhtoj bo‘lardi... Hatto ba’zan u sog‘lom uyquga yotib, jarohat bilan uyg‘ongan paytlar ham bo‘lgan», - deb yozgandi Navalkaning «Visla»dagi jamoadoshi Anjey Ivan o‘zining avtobiografik asarida. Darhaqiqat, 1985 yilning asosiy qismini futbolchi shifoxonada o‘tkazdi, «Visla» esa quyi divizionga tushib ketdi.
Oxir-oqibat, Navalka barchasiga qo‘l siltab AQSHga yo‘l olgandi. Polshaga qaytib kelganida murabbiylikni hatto xayoliga ham keltirmagandi, o‘zini savdoga urdi.
Avvaliga «Trabant» avtomobillariga «Folksvagen» dvigatellarini moslashtirib sota boshladi. Keyin jinsi materiallari bilan savdo qiladigan do‘kon ochdi, undan kosmetika savdosiga o‘tdi. Lekin tez orada futbolsiz tura olmasligiga amin bo‘ldi.
Ha, turli jamoalarga ustozlik qilgan Navalka barchaga baravar talabchanligi va qattiqqo‘lligi bilan diktator taxallusiga ega bo‘ldi. O‘z shogirdlarini ertalab soat 6:30da mashg‘ulotlarga olib chiqar, futbolchilar och-nahor mashq qilishga majbur edilar.
Qolaversa, DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
