Kuni kecha O‘zbekiston birinchiligida ishtirok etayotgan "Yangiyer" futbol klubi futbolchilaridan ochiq xat kelib tushdi...
Xatning mazmuni shunday:
O‘zbekiston futbol federasiyasi
prezidenti U.M.Ahmadjonovga
Hurmatli Umidjon Mahamadjonovich, avvalambor, sizni O‘zbekiston futbol federasiyasi prezidenti lavozimiga tayinlanganingiz bilan samimiy tabriklab, mustahkam sog‘liq, kelgusi mehnat faoliyatingizda omadlar tilaymiz.
O‘zbekiston futbol federasiyasini o‘z boshqaruvingizga olgach, juda qisqa muddat ichida ko‘plab ijobiy ishlarni amalga oshirdingiz. Ta’kidlash joizki, siz futbol tili bilan aytganda “Fair Play”ga amal qilyapsiz. Ya’ni, halollik tarafdorisiz! O‘zbek futbolidagi har qanday muammoni bee’tibor qoldirmayapsiz. Aslida, muammoning katta kichigi bo‘lmaydi. Qachonki u bartaraf etilsa, shundagina oldinga qo‘yilgan maqsadga erishish mumkin. Biz mamlakat birinchiligida qatnashayotgan “Yangiyer” jamoasi a’zolari ham bunday kamchiliklardan holi emasmiz. Ma’lumki, Sirdaryo zamini o‘zbek futboliga ko‘plab iqtidor egalarini yetkazib bergan. Ular orasida o‘smirlar va yoshlar o‘rtasida jahon chempionati va Osiyo birinchiligida o‘z so‘zini aytgan charm to‘p ustalari borligi quvonvarli hol, alabatta. O‘z o‘rnida jamoamiz a’zolari bilan Sirdaryo futboli va “Yangiyer” jamoasining avvalgi shon shuhratini tiklashga bel bog‘langanmiz. Biroq jamoamiz moliyaviy muammolar girdobiga tushib qolgan. Tarkibdagi barcha futbolchilar yil boshida klub bilan shartnoma tuzishgan. O‘zaro kelishuv esa yuridik hujjat hisoblanadi. Biroq uning bandlari klub rahbariyati tomonidan bajarilmayapti, ya’ni, biz o‘z vaqtida oylik maosh hamda mukofot pullarini olmayapmiz. Ba’zi kunlarda esa safar uchrashuvlariga borsak, ovqatlanmaymiz ham...
Aytingchi, bunday holatda qanday qilib futbol o‘ynab, oilani tebratish mumkin?! Kezi kelganda, futbolchilar orasida oilalilar ham borligini unutmaslik lozim. Tokaygacha, Sirdaryo viloyati hokimligi va klubga mas’ullar o‘z ishiga panja orasidan qarashadi? Hademay joriy yilgi mamlakat birinchiligi o‘z poyoniga yetadi. Ba’zi jamoalar esa yangi mavsum rejalarini ishlab chiqishgan. Bizda esa kelgusi taqdirimiz qanday kechishini bilmaymiz. Hatto jamoamiz a’zolari bilan hisob-kitob ishlari amalga oshirilmagan.
Umidjon Mahamadjonovich, yuqorida ko‘rsatilgan muammolarni ijobyuiy hal qilishda bizga amaliy yordam berasiz, degan umiddamiz.
Hurmat bilan “Yangiyer” futbol jamoasi a’zolari:
Akbar Sattayev, Zafar Qoraqulov, Asilbek Mansurov, Nodir Davlatov, Artur Mamatkazin, Uyg‘un Bobonazarov, Ma’ruf Toshev, Javohir Komilov, Husan Olimjonov, Abdumutal Tursunqulov, Amirxon Ibragimov, Bunyod Shodiyev, Tursunmurod Hamdamov, Sharof Aytboyev, Shahzod G‘ofurbekov, Abror Hakimov, Avaz Suyundiqov, Fahriddin Holiqberdiyev, Elbek Jumanov, Aziz Jo‘raboyev
PS: Stadion.uz sayti “Yangiyer” jamoasi bilan bog‘liq muammolarni o‘z nazoratiga olib, klubning kelgusi taqdirini kuzatib boradi. O‘ylaymizki, O‘FF rahbariyati "Yangiyer" futbolchilarining e’tirozini bee’tibor qoldirmaydi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
