Tajribali hujumchi Kamoliddin Murzoyev uchun bu yilgi mavsum biroz omadsiz o‘tmoqda.
Surunkali jarohatlar futbolchining o‘zi istagandek o‘yin namoyish etishiga to‘sqinlik qilyapti. Boz ustiga, uning jamoasi «Olmaliq» ham ikkinchi davrani muxlislar, murabbiylar va klub rahbariyati kutganchalik o‘tkazmayapti.
Oraliq tanaffusga 4-o‘rinda chiqib ketgan olmaliqliklar chempionat yakunlanishiga beshta tur qolgan bir paytda o‘rtamiyonalar safiga qo‘shilib qolishgan.
Viktor Kumikov boshchiligidagi murabbiylar shtabi yakun chiroyli bo‘lishi uchun astoydil harakat qilmoqda. Lekin hozircha vaziyat deyarli o‘zgarishsiz qolyapti.
Biz omadsizlik iskanjasidan batamom chiqib keta olmayotgan Kamoliddin Murzoyev bilan bog‘lanib, uning mavzu doirasidagi fikrlari bilan qiziqdik.
- Kamoliddin, muxlislar sizni biroz yo‘qotib qo‘ygandek bo‘lishdi. Bu jarohatlar ta’siridanmi yoki boshqa sabablar bormi?
- Birinchi taxminingiz to‘g‘ri. Afsuski, jarohat tufayli ko‘p vaqtimni maydondan tashqarida o‘tkazdim. Ikkinchi davrada ham asosan jarohatni davolash bilan band bo‘lyapman.
- Hozir o‘zingizni yaxshi his qilyapsizmi?
- Hali ham jarohat asoratlari bor. Lekin shunday bo‘lishiga qaramay, oxirgi ikki uchrashuvda maydonga tushdim. Og‘riq qoldiruvchi ukollar yordamida o‘ynashimga to‘g‘ri keldi.
- Bu eski jarohatmi yoki shu yil orttirib oldingizmi?
- O‘tgan yili olgandim. Hali to‘laligicha bitib ketmadi. To‘laqonli kuch bilan harakat qilganimda, yugurganimda og‘riq beryapti.
- Jarohat oyog‘ingizning qaysi qismida? Shifokorlar qanday tashxis qo‘yishyapti?
- Chap tizzamda. Shu yil qishda Germaniyada jarrohlik stoliga yotgandim, o‘sha yerda muolaja olganman.
- Surunkalimasmi?
- Yo‘q. Kuchli yuklamalardan so‘ng shamollatib qo‘yganman. Shu bezovta qiladi.
- «Olmaliq» ikkinchi davrani ko‘ngildagidek o‘tkaza olmayapti. Shaxsan o‘zingiz buning sabablarini tahlil qilib ko‘rdingizmi?
- Xabaringiz bor, bu yil jamoamiz tarkibi 70 foizga yangilandi. Klub oldiga katta vazifalar qo‘yilgandi. Birinchi davrani ijobiy ko‘rinishda yakunladik. Kuchli to‘rtlikdan joy egallab turgandik. Hamma narsa o‘z qo‘limizda edi.
Ikkinchi davraga tayyorgarlik ham yuqori saviyada tashkil etildi. Belarus davlatida xorij yig‘inini o‘tkazib qaytdik. Yig‘in doirasida bir nechta o‘rtoqlik uchrashuvlari ham o‘tkazildi. Shuningdek, safimizga tajribali futbolchilar kelib qo‘shilishdi.
Ammo ikkinchi davrada biz o‘ylagan, muxlislar kutgan natija kuzatilmayapti. Shaxsiy fikrim, omad bizdan ochiqchasiga yuz o‘girdi.
Futbolda yuqori natijaga erishish uchun bir yil kamlik qiladi. Yangi kelganlarning bir-birini to‘liq tushunib o‘ynab ketishi uchun vaqt kerak.
- Jamoada yechimini kutayotgan qanday muammolar bor? Yoki sizlarga faqat omad yetishmayaptimi? Maoshlarni vaqtida olyapsizlarmi?
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
