Kecha JFL in Tashkent futbol maktabiga Germaniyadagi JFL in Schlotheim maktabi katta murabbiyi Xerald Frits tashrif buyurdi va seminar boshlandi. O‘zbek murabbiylari bilan qisqa tanishuvdan so‘ng, birinchi kunning asosiy mavzusi e’lon qilindi.
Seminarning dastlabki kunida Xerald Frits tomonidan futbol uchrashuvi bo‘lib o‘tadigan kunda bolalar bilan olib boriladigan ishlarga asosiy e’tibor qaratildi. Bu jarayonni nemis murabbiyi uch bosqichga bo‘ldi - o‘yindan oldin, o‘yin vaqtida va o‘yindan so‘ng bajariladigan ishlar.
O‘YINDAN OLDIN - bolalar murabbiy har qanday holatda ham maydon holatini o‘rganib chiqishi shart. So‘ngra bolalar bilan maydon holati va bo‘lajak o‘yin haqida yana bir bor gaplashib olinadi. Har doim o‘yindan oldin forma, ekipirovka, ichimlik va tibbiy yordamni tayyorlab qo‘yish lozim. Ota onalar bilan har doim muloqotda bo‘lib turish lozim.
O‘YIN VAQTIDA - murabbiy o‘yin vaqtida bolalarni ruhan qo‘llashi kerak. Ularga erkinlik, ijodkorlik va mustaqil qaror qabul qilish imkonini berish shart. Dribling ishlatib, to‘pni yo‘qotgan bolani urishib, so‘kish mutlaqo kerak emas. Bu faqat uning zarariga ishlaydi va ruhiy jarohat keltiradi. Lozim bo‘lgan taqdirda o‘yindan so‘ng to‘g‘ri tushuntirish mumkin bo‘ladi. Keyin bolalar ham o‘zaro bir-birini kamsitmasligi lozim. Murabbiy bunga yo‘l qo‘ymasligi kerak.
Tanaffus vaqtida bolalarga dam olish imkonini berish va yengil ko‘rsatma berib o‘tish kerak.
O‘YINDAN KEYIN – murabbiy bolalar bilan birga stadionni tozalab ketish lozim. Bu ularni shaxs sifatida tarbiyalashda muhim ahamiyat kasb etadi. Bolalar o‘zidan keyin yomon narsalar qoldirmasligi lozim. Bu – tarbiya.
Mag‘lubiyatga uchralgan o‘yindan so‘ng bolalarni ruhan qo‘llash lozim. O‘yin tahlilini esa ikki-uch kundan so‘ng qilgan ma’qul. Tanqidni faqat yengilidan boshlash lozim.
Xerald Frits tomonidan birinchi kun o‘tilgan darsning qisqacha mazmuni shundan iborat bo‘ldi. Bundan tashqari, ushbu jarayon amaliyotda qanday qo‘llanishi kerakligi ko‘rsatib o‘tildi. Nemis murabbiyi JFL in Tashkent futbol maktabida 20 kun davomida seminar o‘tkazadi va barcha darslar mazmuni www.jfl-tashkent.uz sayti orqali yoritib boriladi.
Eslatib o‘tamiz, JFL in Tashkent futbol maktabiga 5 yoshdan 14 yoshgacha bo‘lgan bolalar qabuli davom etmoqda.
Murojaat uchun telefonlar: +99895 1959890, 83712689438, +99890 9999890
Rasmiy sayt: www.jfl-tashkent.uz
Email: info@jfl-tashkent.uz
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
