Fransiyaning “France Football” nashri “Oltin to‘p–2017” mukofoti sohibiga qachon topshirilish kunini ma’lum qildi.
Unga ko‘ra, joriy yilning 7 dekabr kuni “Oltin to‘p” sovrini o‘z egasiga topshiriladi. Yaqin kunlarda sovringa asosiy nomzod sifatida uchta futbolchi tanlab olinadi.
Mazkur nomzodlar orasida shubhasiz, Krishtianu Ronaldu, Lionel Messi, Neymar kabi futbolchilar sovringa asosiy da’vogar sifatida e’tirof etilishadi.
Dunyoning “eng qimmat futbolchisi” hisoblanmish Neymar hozircha “dunyoning eng yaxshi futbolchisi” bo‘la olmagan.
Demak, yuqorida nomi ko‘rsatilgan futbolchilar orasida ushbu sovrinni olish uchun katta raqobat kechadi. Biz voqealar rivojini kuzatib boramiz.
“Oltin to‘p–2017” nomzodlar quyidagicha ko‘rinish olgan:
Darvozabonlar: Yan Oblak ("Atletiko"), Janluijji Buffon ("Yuventus"), David de Xea ("Manchester Yunayted").
Himoyachilar: Serxio Ramos ("Real"), Mats Xummels ("Bavariya"), Leonardo Bonuchchi ("Milan"), Marselo ("Real").
Yarim himoyachilar: Luka Modrich ("Real"), Kevin De Bryuyne ("Manchester Siti"), Toni Kroos ("Real"), Sadio Mane ("Liverpul"), Eden Azar ("Chelsi"), Isko ("Real") Kilian Mbappe ("PSJ"), Ngolo Kante ("Chelsi"), Filippe Koutinyo ("Liverpul"), Dris Mertens ("Napoli"), Antuan Grizmann "Atletiko").
Hujumchilar: Neymar ("PSJ"), Paulo Dibala ("Yuventus"), Luis Suares ("Barselona"), Robert Levandovski ("Bavariya), Xarri Keyn ("Tottenxem"), Edin Jeko ("Roma"), Radamel Falkao ("Monako"), Lionel Messi ("Barselona"), Pyer-Emerik Obameyyang ("Borussiya" D), Edinson Kavani ("PSJ"), Karim Benzema ("Real"), Krishtianu Ronaldu ("Real").
Ma’lumot uchun, jahonning eng yaxshi futbolchisiga beriladigan sovringa so‘nggi 9 yil davomida Lionel Messi hamda Krishtianu Ronaldular ega chiqib kelishadi. Messining “Oltin to‘p”lari Ronaldunikidan bitta ko‘p.
Bundan avval, Krishtianu Ronaldu 2008, 2013, 2014 va 2016 yillarda “Oltin to‘p”ni qo‘lga kiritgan. Messi esa 2009, 2010, 2011, 2012 va 2015 yillar butun jahonda “tengsiz futbolchi” deya topilgan.
Eslatib o‘tamiz, Madridning “Real” klubi hujumchisi Krishtianu Ronaldu xalqaro futbol federasiyasi (FIFA) tashkiloti tomonidan topshirilgan “The Best” sovriniga loyiq ko‘rilib, asosiy raqobatchisi Lionel Messi bilan bu borada tenglashib olgandi.
Akmalxon Eshonxonov
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
