Krishtianuga Lionel saboq bergan, Messiga - oqsoqol qariya, Neymar esa tasodifan kashf etilgan.
Golden Boy sovrini o‘z sohibiga topshirilayotgan pallada Sokker.ru ijodkorlarini bir savol qiziqtirib qoldi: «Futbol yulduzlari qanday kashf etiladi?».
Darhaqiqat, bir talay bolakaylar orasidan eng iqtidorlisini qanday aniqlash mumkin? Mahoratli yoshlar oqimi tobora kuchaymoqda.
Mana, Mbappe, «Siti»dagi Jezus va «Borussiya»dan «Barselona»ga «quyon» bo‘lgan Dembeleni yaqqol ortda qoldirgan holda yilning eng yaxshi yosh futbolchisi unvonini qo‘lga kiritdi.
Ha, Kilian «PSJ»dan avval «Monako» tarkibida ham chempionat va YECHLda yorqin o‘yinlarni namoyish etdi. Xo‘sh, fransiyalik noyob iqtidor sohibini, umuman, hozirda butun dunyoni o‘ziga qaratayotgan mashhur yulduzlarni kim kashf etdi?
Endigina rivojlanib kelayotgan, hayotga chanqoq, lekin turfa tabiatli bolakaylar orasidan aynan futbolni birinchi o‘ringa qo‘yadiganlarni payqay oladigan mutaxassisning portreti qanday?
Buning uchun u qandaydir qobiliyat sohibi bo‘lishi kerakmi yoki shunchaki omadli bo‘lish yetarlimi? Balki, ular kuchli intuisiya sohiblaridir?
«Qiltiriq» Ronalduning ustozlari
«Sporting»ga Madeyradan kelgan ozg‘in bolakayning ilk murabbiyi - Leonel Pontes. Shogirdini «Ronaldo» deb chaqirishlarini shu mutaxassis taqiqlab qo‘ygandi.
Uning fikricha, braziliyalik mashhur hujumchi bilan familiyadosh bo‘lish Krishtianuning kelajak faoliyatiga salbiy ta’sir ko‘rsatishi mumkin edi.
Chunki, Ronaldu bolaligidayoq o‘ziga bino qo‘ygan, asabiylashgan kezlarida hatto o‘qituvchilariga ham stul uloqtirishdan tap tortmaydigan yigitcha edi. U tengdoshlariga yakkakurashlarda doimo mag‘lubiyatga uchrardi.
Ammo yengilganini hech tan olmas, yuz marta yiqilsa ham o‘rnidan turib, kurashni davom ettirardi. Shu sabab, Krishtianu mehnatsevar bo‘lib ulg‘aydi.
O‘zicha qo‘shimcha mashg‘ulotlarni o‘ylab topgani uchun jarimaga tortishganida ham shug‘ullanishni to‘xtatmadi. Yosh futbolchiga orolda ustozlik qilgan jismoniy tarbiya o‘qituvchisi Afonsuning guvohlik berishicha, Ronaldu doimo o‘zidan 1-2 yosh kattaroq bolalar bilan bellashardi.
Men dunyoning eng yaxshi futbolchisi bo‘laman, qabilidagi maqtanchoqligini jamoadoshlari doimo kinoya bilan qarshi olishardi. Shuningdek, Krishtianuga qadrdon jamoasi «Andorinya»ning sardori bo‘lmish tutingan otasi ham yaqindan yordam bergan, amakivachchasi yonma-yon to‘p surgandi.
Otasi Joze Aveyru sardorning jonajon do‘sti edi. Endi esa otasi ham, 8 yoshligidayoq undan buyuk futbolchi chiqishini bashorat qilgan Fransishku Afonsu ham yonida emas. Krishtianu ularni tez-tez yodga olib turadi.
Mitti Messiga ishonch bildirganlar
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
