Xabaringiz bor, ertaga 1 dekabr kuni Rossiya Federasiyasi poytaxti Moskva shahridagi Kreml saroyida 2018 yilgi Jahon chempionatiga qur’a tashlash marosimi bo‘lib o‘tadi.
Marosimni taniqli rossiyalik teleboshlovchi Mariya Komandnaya va angliyalik sobiq futbolchi Gari Lineker olib borishadi. 32ta terma jamoani guruhlarga bo‘lishda ularga Pele, Diyego Maradona, Fabio Kannavaro, Diyego Forlan kabi futbol afsonalari va yulduzlari yordam berishadi.
Yurtimizdagi millionlab futbol muxlislarining qiziqishlaridan kelib chiqqan holda, “UzReport TV” telekanali Jahon chempionati 2018 ga qur’a tashlash marosimi translyasiya huquqini xarid qildi. Ertaga Toshkent vaqti bilan soat 20:00dan boshlab “UzReport TV” hamda “Futbol TV” telekanallarida qur’a tashlash marosim jonli efirda namoyish qilinadi.
Dunyoning 32ta kuchli terma jamoasi mundialning guruh bosqichidagi o‘z raqiblarini bilib olishadi.
Jahon chempionati 2018ga qur’a tashlash marosimini o‘tkazib yubormang!