Rossiya-2018 mundialida debyutant sifatida ishtirok etadigan Panama milliy jamoasi aslida 2014 yilgi jahon forumidayoq ko‘rinish berishi mumkin edi.
Biroq mamlakat futbolining chin afsonasi Deli Valdes va uning shogirdlari so‘nggi pallada yo‘llanmani qo‘ldan chiqarishgandi. Mana, hozirgi jamoa nihoyat, tarixiy natijaga erishdi.
«Hali ko‘p ishlashimiz kerak, ammo ayni pallada g‘alaba nashidasini surishga haqlimiz», - deydi Valdes. KONKAKAF zonasidagi JCH-2018 saralashi. Guruh bosqichining so‘nggi turi. Raqib Kosta-Rika termasi. Hisob - 2:1.
Hakamning final hushtagi yangrashi bilan «Rommel Fernandes» stadioni maydoni odamlar bilan to‘lib ketdi - Panama termasi murabbiylar shtabi vakillari, futbolchilar, arena xodimlari va albatta, muxlislar...
Ular oradan ma’lum vaqt o‘tgach, birgalikda baralla hayqirishdi: «Nihoyat, jahon chempionatidamiz!» Mamlakat futboli tarixidagi eng yaxshi futbolchi Xulio Sesar Deli Valdes ham o‘zgacha shodlangani aniq.
Zero, 2013 yili uning olamshumul g‘alabani tantana qilishiga bir bahya qolgandi.
FIFA.com sayti jurnalistlari panamaliklarni alohida tabriklash bahonasida 50 yoshli Valdesni suhbatga chorlashdi va u o‘z faoliyati hamda mamlakat futboli ravnaqi yo‘lidagi 6ta asosiy burilish nuqtasi haqida gapirib berdi.
Ibtido
- Kattalar doirasidagi faoliyatim boshlangan vaqt Panama futboli hali professional maqomda emasdi. Deylik, millionlar o‘yini mamlakatimizda muhimlik nuqtai nazaridan uchinchi yoki to‘rtinchi sport turi hisoblanardi.
Har holda, ommaviylik bobida beysbol, basketbol va boksdan orqada edi. Shuning uchun professional futbolga xorijiy davlat - Urugvayda qadam tashlaganman. Akam maxsus stipendiya olish huquqiga ega bo‘lgach, o‘ynash uchun Argentinaga ketgandi.
U vaqtida «Argentinos Xuniors» sharafini himoya qilgan. Xullas, akamning yordami bilan xorijga chiqdim. Boshida Argentina chempionati to‘rtinchi divizionida to‘p surdim, 1989 yili esa Montevideoning «Nasyonal» klubi safiga qo‘shildim. O‘shanda 22 yoshda edim.
Yevropa tomon yurish
- Urugvayda 4,5 yil o‘ynaganimdan so‘ng Italiyaga yo‘l oldim va «Jenoa» hamda «Kalyari» jamoalarida faoliyat yuritdim. Bu vaqtga kelib, Panamada tanilib ulgurgandim. Ke-yinchalik Fransiyada «PSJ», Ispaniyada «Ovyedo» va «Malaga» klublari uchun o‘ynadim.
Yevropa milliy birinchiliklarida to‘p suradigan kam sonli panamaliklar qatori mamlakatimizni tanitishga harakat qilganman. O‘ylaymanki, o‘sha vaqt o‘z o‘yinlarimiz bilan milliy futbolimizning yangi darajaga chiqishiga o‘ziga xos turtki berganmiz.
JCH - olisdagi orzu
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
