UEFA.som sayti ijodkorlari o‘tgan hafta «Milan»ning 18 yoshli golkiperi - Janluiji Donnarummani suhbatga chorlab, uning katta chorlovlarga nechog‘li tayyor ekanligini aniqlashga urinishdi.
Sir emas, ko‘plab mutaxassislar ayni payt aynan shu yosh iste’dodni afsonaviy Janluiji Buffonning Italiya terma jamoasidagi vorisi sifatida e’tirof etyaptilar.
Ayniqsa, «Yuventus» faxriysi xalqaro faoliyatini yakunlagach, bu boradagi fikrlar o‘z-o‘zidan ko‘paymoqda.
- Janluiji, Kastellammara-di-Stabiyada tug‘ilib-ulg‘aygansiz. Aytingchi, futbol mavzusi ochilganida, xayolingizga avvalo, nima keladi?
- Futboldagi mashg‘ulotlarni sifatsiz maydonlarda boshlaganman. Tabiiyki, har bir to‘pga tashlanish va «seyv» ma’lum darajada og‘riqli bo‘lgan. Muhimi, shunday sharoit chinakamiga chiniqish va toblanishimga xizmat qilgan.
- Bolalik davridagi futbol tomoshalaridan qanday lahzalar xotirangizda muhrlanib qolgan?
- Doimo «Milan»ga muxlislik qilganman va jamoa o‘yinlarini sira o‘tkazib yubormasdim. Chunonchi, «rossonerlar» ijrosidagi futbolni chinakam jang sifatida qabul qilardim.
Misol uchun, qaysidir o‘yinchi penaltidan gol urolmasa, alamdan hattoki, yig‘lardim. Onam neapollik, shunday ekan, «Milan» - «Napoli» qarama-qarshiligi oilamiz uchun haqiqiy spektakl hisoblanardi.
- Xo‘sh, «Milan»ning qaysi futbolchisi kuchliroq taassurot uyg‘otgan?
- Kaka.
- Boshqalar-chi?
- Hujumchi Andrey Shevchenko ham juda zo‘r edi.
- Yaxshi, endi kumiringiz - Janluiji Buffon haqida: yoshligingizdayoq «Milan» posboni emas, aynan uni tanlagansiz, shundaymi?
- Ha. Jiji men uchun mukammal namuna edi. Barcha jabhalar, jumladan, kundalik hayotda ham adashimga o‘xshashni xohlardim, shunga intilardim. Chempion har joy - maydonda ham, uning tashqarisida ham birinchi bo‘lishi kerak!
- Qiziq, Buffonning o‘zi sizga nechog‘li ta’sir ko‘rsatgan, nimalarni o‘rgatgan?
- Biz Italiya terma jamoasida bevosita tanishdik. Bungacha uning oddiy muxlislaridan biri edim. Keyinchalik Jiji bilan bitta maydonda o‘ynash, mashq qilishdek ulkan baxtga muyassar bo‘ldim.
Hozirgacha buyuk adashimning har bir harakatini diqqat bilan kuzatishga intilaman. Uning futbol tarixidan munosib joy olgani - ayni haqiqat.
Demakki, o‘zimga kumir - ibrat namunasi tanlashda adashmaganman. Umuman, mahorat cho‘qqisiga ko‘tarilishni maqsad qilgan darvozabon mohir kasbdoshlariga qarab yuqoriga intilishi shart.
- Buffon ilk marta o‘yiningiz haqida iliq fikr bildirganida, o‘zgacha xursand bo‘lgandirsiz...
- Jijining o‘z intervyularida bir necha marta meni tilga olganidan xabardorman. Darhaqiqat, bu juda yoqimli. Yana nima deyishim mumkin...? Seni shunday buyuk chempion maqtagach, faqat xursandchilik va faxrlanish hissini tuyasan.
- 18 yoshda mashhur darvozabon vorisiga aylanish qanday hissiyotlarni uyg‘otadi?
- Chindan ham, ko‘plab mutaxassislar Buffon o‘rnini munosib egallashimni taxmin qilishmoqda. Biroq buning uchun nihoyatda ko‘p ter to‘kishim kerak, har holda, xotirjamlikka berilish yaramaydi.
Yuksak saviyani saqlab qolish katta va tinimsiz mehnat talab qiladi. Asosiysi, meni Jijining vorisi sifatida ko‘rishayotganiga ortiqcha e’tibor qaratmayman. Shuning barobarida uning darajasiga ko‘tarilish uchun mashaqqatli yo‘lni bosib o‘tishga tayyorman.
- Agar Buffonga xos fazilatlardan birini tanlash imkoniyati berilsa, qay birini ma’qul ko‘rardingiz? DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
