Bugun tunda «Espanyol» klub Ispaniya kubogi chorak final bosqichi doirasida «Barselona»ni qabul qiladi.
Ernesto Valverde mazkur o‘yinda Andresa Inyesta xizmatidan foydalana olmaydi. Yarim himoyachi "Real Sosyedad"ga qarshi bahsda jarohat olgan. Shuningdek, Xavyer Maskerano ham chap oyog‘ida og‘riq his qilayotgani uchun qaydnomaga kiritilmadi.
Shuningdek, Samuel Umtiti, Pako Alkaser, Filippe Koutinyo va Usmon Dembele jarohatlanganlar safida qolmoqda. Nelson Semedu esa sog‘aydi va safga qaytdi.
Jamoaning yangi futbolchisi Yerri Minaning hujjatlari rasmiylashtirilmoqda va uning debyuti keyinroqqa suriladigan bo‘ldi. Jerar Deulofeu esa murabbiyning qaroriga ko‘ra tarkibga kiritilmadi.
«Barselona»ning «Espanyol»ga qarshi o‘yin uchun kengaytirilgan tarkibi quyidagicha:
Mark-Andre ter Shtegen, Yasper Sillessen, Nelson Semedu, Jerar Pike, Ivan Rakitich, Serxio Buskets, Denis Suares, Luis Suares, Lionel Messi, Rafinya Alkantara, Paulinyo Bezerra, Jordi Alba, Lyuka Din, Serxi Roberto, Andre Gomesh, Aleysh Vidal, Tomas Vermalen, Karles Alenya (№26).
Eslatib o‘tamiz, “Espanyol” – “Barselona” uchrashuvi 18 yanvar kuniga o‘tar kechasi soat 01:00 da boshlanadi.