— Xavyer Maskerano La-ligada 2015/2016-yilgi mavsumda 2694 daqiqa, 2016/2017-yilgi mavsumda 1916 daqiqadan biroz ko‘proq vaqt o‘ynadi. O‘tgan yilning may oyidayoq «Barselona»dagi faoliyatini yakunlash haqida o‘ylay boshladi. U jamoaning yangi futbolchisi Samuyel Umtiti bilan raqobatlasha olmayotgan edi.
— Maskeranoning shartnomasi muddati 2019 yilning oxirigacha bo‘lib, unga ko‘ra yiliga 5,5 million yevro maosh olardi. Kompensasiya miqdori esa 100 million yevroni tashkil etardi. Klub bu sharoitlarni 33 yoshli futbolchi uchun ideal deb hisobladi.
— Noyabr oyining oxirida Maskerano rahbariyat bilan uchrashib, qishki transfer mavsumida qo‘yib yuborishlarini iltimos qildi. «Barselona»dagilar futbolchining iltimosini rad etib, uning tajribasi jamoa uchun muhim ekanini eslatishdi. Maskerano mavsum davomida atigi 12 o‘yinda maydonga tushgan bo‘lsa-da, aslida jamoaning to‘rtinchi raqamli markaziy himoyachisi hisoblanadi.
— Jarayonni tezlashtirish uchun Maskerano oshkora tarzda «Barselona» faoliyatini davom ettirish uchun yomon variant ekanligini e’lon qildi. «Men yaqinda klubdan ketishim haqida aytdim. Hech kimni ayblamayman. Yetakchilik rolini yo‘qotdim. Doimiy o‘yin amaliyotining yetishmasligi natijasida so‘nggi oylarda jarohat oldim. Oldin hech qachon bunday voqea sodir bo‘lmagan edi», — degan u.
— Aynan o‘sha kunlarda Maskeranoning klubdagi asosiy raqobatchisi jarohat oldi. Umtiti mushaklari shikastlangani sababli bir oydan ortiq vaqtini tiklanish bilan o‘tkazdi. «Barselona» klubi vakili Gilermo Amora Maskeranoga hurmatini saqlagan holda, birgina futbolchi deb klub o‘z manfaatidan voz kechmasligini bildirdi.
— «Barselona» Maskeranoga fevralgacha kutishni taklif qildi. O‘sha paytda futbolchining agenti argentinalik murabbiy Paulo Souza boshqarayotgan Xitoyning «Tyanszin Syuanszyan» klubi bilan muzokara olib borardi. Maskerano Osiyo futboliga moslashish va 2018 yilgi jahon chempionatiga tayyorgarlik ko‘rish uchun vaqt kerak bo‘lishini aytib, jamoani iloji boricha tezroq tark etishni xohladi.
— 23 yanvarga kelib Umtiti deyarli tiklandi va «Barselona» Maskerano uchun xayrlashuv bazmini tashkil qildi. Maskerano o‘sha paytda Xitoydagi yo‘nalishini o‘zgartirdi. Endi u Manuel Pellegrini ishlaydigan «Xebey Chayna Forchun»ga o‘tishga tayyorgarlik ko‘rardi.
— Endi «Barselona» Maskeranoni shoshiltira boshladi. «AS»ning xabariga ko‘ra, klub futbolchidan imkon qadar tezlik bilan barcha tashkiliy ishlarni tamomlab, 28 yanvarga qadar Filipe Koutinoga 14-raqamni bo‘shatib berishni so‘radi.
— 24 yanvar kuni Xitoyning «Xebey Chayna Forchun» klubi rasmiy sayti Xavyer Maskeranoni sotib olganini e’lon qildi. Ma’lumotlarga qaraganda, 2 yilga mo‘ljallangan transfer qiymati 5,5 million yevroga teng. Bu vaqtda futbolchi 19 million yevro maosh oladi.
— Kecha Ispaniya kubogi doirasida «Espanyol»ga qarshi bahsdan oldin Maskerano «Kamp Nou» stadionida jamoa va muxlislar bilan xayrlashdi. U «Barselona» safida 334 ta o‘yinda maydonga tushdi, 18 ta sovrinni qo‘lga kiritgan himoyachi klub uchun bitta gol urgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
