Bombardir.ru sayti 2018 yilga o‘zgacha joziba baxsh etishi mumkin bo‘lgan futbolchilar haqidagi turkum maqolalarini boshladi.
Ilk qahramon - Risharlison. 14 yasharligida jinoyatchilar qo‘lida halok bo‘lishiga bir bahya qolgan yigitcha 20 yoshida kamtarona «Uotford» yulduziga aylanib, butun Angliyani lol qoldirmoqda.
Braziliyaning janubi-sharqida joylashgan Nova-Venesiya shahri sohillarining go‘zalligi bilan ko‘zni quvontiradi, keng tarqalgan jinoyatchilik va qashshoqlik esa ushbu hudud obro‘siga putur yetkazadi.
Mabodo u yerga borib qolsangiz, yo qurol tovushini eshitasiz yoki narkosavdogarlarga duch kelasiz. Risharlisonni esa bunday yovvoyi muhit aslo tashvishga solmasdi.
«Orqa tomonida hovlisi bor mo‘’jazgina uyda yashardik. Ko‘pchilik giyohvand moddalarini biznikida yashirishar, ular do‘stlarim bo‘lgani sabab hech narsa deyolmasdim.
O‘zim esa ushbu zararli illatga aralashmasdim. O‘sha paytlardagi tanishlarimdan aksariyati hozir qamoqda o‘tirishibdi», - deya eslaydi 20 yoshli braziliyalik.
Risharlison narkosavdoga aralashib qolishi mumkinligini tan oladi: jinoyat olamidan chetda yurishiga murabbiylari sababchi bo‘lishdi, ular parallel ravishda polisiyada ishlab, yosh futbolchiga hayotiy saboq berishardi. Risharlisonning oilasida undan tashqari ikki ukasi va singlisi bor edi.
Giyohvand moddalar savdosi yaqinlarini qashshoqlikdan qutqarishi mumkinligini ta’kidlashsada, bolakay noqonuniy biznesga aralashishni xohlamadi. Uyida hattoki yegulik uchun pul qolmaganda qahramonimiz ko‘chada muzqaymoq va shokolad sotish bilan shug‘ullandi.
14 yoshida ro‘y bergan voqea uning hayotiga nuqta qo‘yishi ham hech gap emasdi: «Ittifoqo, bir yigit peshonamga to‘pponcha tiradi, chunki meni narkosavdogar deb o‘ylab, joyini egallab olishimdan cho‘chigan ekan». Unga hayot qiyinchiliklarini yengishda futbol yordam berdi.
Risharlisonning otasi havaskorlar jamoasida to‘p surib, hamisha professionallikka intilgan, ammo niyatiga yetolmagandi. Shunga qaramay, orzusini to‘ng‘ich o‘g‘li orqali ro‘yobga chiqardi.
«Etti yoshga to‘lganimda otam menga 10ta to‘p sovg‘a qildi. U yaxshi futbolchi bo‘lishimni xohlagandi. Amakim bilan televizor orqali APL o‘yinlarini kuzatarkanman, ekrandagi jozibadan zavq olardim.
Shunda yaqinlarimga «Tez orada meni u yerda ko‘rasizlar», dedim», - xotiralari bilan o‘rtoqlashdi «Uotford» a’zosi.
16 yoshga to‘lganida Risharlisonga bir yo‘la ikki klub - «Avai» va «Figeyrense» rad javobini berishdi. O‘smir uyga qaytarkan, besamar ko‘rikdan unga faqat oyog‘idagi yara-chaqalar qoldi, xolos.
Yosh futbolchining ko‘zidan yoshlar to‘kildi, tushkunlikka tushib qoldi. Mazkur holatda unga faqat yaqinlarining qo‘llab-quvvatlashi yordam berdi.
Hammasi agent Renato Velasko bilan uchrashgandan so‘ng o‘zgarib ketdi. «Ilk haftadayoq u menga bir juft butsa berdi. Bunga qadar o‘ng kelgan poyabzalda to‘p surardim», - hujumchi hamon agentidan minnatdor.
Velasko yigitchaga ishondi: shu tariqa Risharlison dastlab «Real Noroeste» klubi bilan dastlabki professional shartnomasini imzoladi, so‘ngra «Amerika Mineyro» safiga qo‘shildi.
U yerda ham agenti unga ko‘maklashishda davom etdi: «17 yoshimda «Amerika Mineyro»ga o‘tganimda, Velaskoning rafiqasi Bela-Orizontiga borib, meni parvarishladi, qornimni to‘yg‘azdi».
«Amerika Mineyro» akademiyasi bo‘lajak yulduzning uyidan 350 mil uzoqlikda joylashgandi. 12 soatli yo‘l uchun avtobus kirasiga do‘sti pul berardi. «Och edim, qaytish uchun mo‘ljallangan chipta pulini yegulikka sarflagandim. Cho‘ntagim bo‘sh edi, boshqa ilojim yo‘q edi. Aks holda, uyga yayov qaytishga to‘g‘ri kelardi», - deya kulib eslaydi Risharlison.
Braziliyalik imkoniyatdan unumli foydalanib, tez orada futbol orqali pul topa boshladi: «Amerika Mineyro»dagi maoshi nafaqat qashshoqlikdan qutulish, balki otasiga uy sotib olib berishda ham asqotdi.
O‘tgan yilning yozida Risharlison Angliyaga borib, tumanli o‘lkaga shunchalik tez moslashdiki, tez orada APL kashfiyotlaridan biriga aylandi. Haftada uch marta ingliz tili kursiga qatnaydi, qadrdon yurtini unchalik sog‘inmayapti.
Bo‘sh vaqtini David Luis hamda Villian hamrohligida o‘tkazadi: PlayStation o‘ynaydi, barbekyu pishiradi, samba raqsini qoyillatadi.
Uning transferiga sarflangan 11,5 million funt sterling asta-sekin qoplanmoqda: Risharlison «Uotford» tarkibidagi yarim mavsum davomida 12 ochko to‘pladi (5ta gol, 7ta samarali uzatma).
Kutilganidek, ushbu futbolchini buyuk braziliyaliklarga qiyoslash boshlandi. «Yo‘q, men «yangi Ronaldo» yoki «yangi Romario» bo‘lmoqchimasman. Meni ular emas, havaskorlar jamoasida o‘ynaydigan amakim ko‘proq ilhomlantiradi. Risharlison sifatida o‘z tariximni yaratmoqchiman», - deydi hujumchi.
Qahramonimizning eng katta yutug‘i - DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
