O‘zbekiston U-23 terma jamoasining Xitoyda bo‘lib o‘tgan Osiyo chempionatidagi g‘alabasi ,butun o‘zbek halqiga juda katta quvonch olib keldi.
Bugun Qo‘qon shahrida qahramonlar munosib tarzda kutib olindilar. Terma jamoamizning g‘alabasiga Farg‘ona viloyatining 8 nafar farzandi o‘zining munosib hissalarini qo‘shdilar. Bugun Qo‘qon shahri va atrof tumanlaridan ko‘plab muxlislar o‘zlari sevgan futbolchilar Akromjon Komilov, Oybek Rustamov hamda Dostonbek Tursunovlarni kutib olishdi.
Kutib olish tadbirlari Farg‘ona viloyatining chegarasidan boshlandi. “Qo‘qon-1912” futbol klubi vise-prezidenti , bosh direktori Baxtiyorjon Tolipov, futbolchilarning yaqin qarindoshlari hamda “Qo‘qon-1912” jamoasining “Sodiq muxlislar klubi” a’zolari va boshqa ko‘plab yurtdoshlarimiz futbolchilarni viloyat chegarasida karnay-surnay sadolari ostida olqishlar bilan kutib oldilar. Dastlab Akromjon Komilovning “Malibu”si ko‘rindi. So‘ngra birin-ketin Oybek Rustamov va Dostonbek Tursunovlar , prezidentimiz tomonidan sovg‘a qilingan “Malibu” avtomobillarida yetib keldilar. Ayniqsa futbolchilarning ota-onalari bunday manzarani ko‘rib ko‘zlarini sevinch yoshlaridan tiyib turolmadilar.
Futbolchilar muxlislar qurshovida Qo‘qon shahri tomon yo‘lga tushishdi.
Qo‘qon shahar hokimiyatiga qarashli majlislar zalida Osiyo chempionlarining muxlislar bilan uchrashuvi bo‘lib o‘tdi. Uchrashuvda “Qo‘qon-1912” futbol klubi bosh direktori B Tolipov so‘z olib futbolchilarni “Qo‘qon-1912” futbol klubi va barcha Qo‘qonliklar nomidan qizg‘in tabrikladilar.
“Sizlar millionlab futbolsevar O‘zbekistonliklar yuragidan o‘rin oldingiz. Siz ko‘rsatgan jasorat o‘zbek halqining hech kimdan kam emasligidan , o‘zbek yigitlari ko‘p narsalarga qodir ekanligidan dalolat bo‘ldi. Sizlar o‘zbek futbolining haqiqiy qahramonlari bo‘ldingiz. Biz ishonamiz kelajakda sizlar bilan jahon chempionatlarida albatta ishtirok etamiz” –dedi B Tolipov.
Uchrashuvga yig‘ilgan muxlislar ham futbolchilarga o‘zlarining cheksiz minnatdorchiliklarini izhor qildilar. O‘z navbatida Akromjon Komilov hamda Oybek Rustamovlar ham kamtarona xizmatlarini muhtaram yurtboshimiz tomonidan yuksak e’tirof etilganidan judayam xursand ekanliklarini yashirmadilar. Bunday yuksak e’tirofga munosib farzand bo‘lish uchun kelajakda ham tinmay mehnat qilishga , vatanimiz bayrog‘ini jahon chempionatlarida ham xilpirashi yo‘lida bor kuch g‘ayratlarini ishga solishga va’da berdilar. Uchrashuv judayam ko‘tarinki kayfiyatda bo‘lib o‘tdi.
Shundan so‘ng futbolchilar muxlislar qurshovida o‘z uylari tomon yo‘lga tushdilar. Qo‘qon shahridagi Komilovlar xonadonida Akromjonning kelishi haqiqiy bayramga aylanib ketdi.
“Qo‘qon-1912” a’zosi Oybek Rustamov yashaydigan Uchko‘prik tumanidagi Olmurod qishlog‘ida esa haqiqiy to‘y bo‘ldi desak yanglishmaymiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
