Bugun Osiyoning 8ta shahrida qit’a chempionlar ligasining yangi mavsumi pley-off bahslari bo‘lib o‘tadi. Diqqatga sazovor jihati shundaki, bugun o‘tkaziladigan uchrashuvlarning 2tasida O‘zbekiston klublari ham ishtirok etishadi.
O‘zbekiston vise-chempioni – Qarshining “Nasaf” klubi o‘z uyida Iordaniyaning “Al Faysali” jamoasini qabul qiladi. Yana bir jamoamiz – “Paxtakor” esa Qatarda “Al G‘arafa” klubi mehmoni bo‘ladi. Mazkur ikki o‘yinda g‘olib chiqadigan jamoalar 2018 yilgi Osiyo chempionlar ligasi guruh bosqichida ishtirok etish imkoniga ega bo‘lishadi.
Ta’kidlash joizki, “Nasaf” ushbu raqibi bilan oldin ham tuqnash kelgan. O‘shanda yana bir nufuzli musobaqa – OFK kubogi-2011ning nimchorak finalida yo‘llari kesishgan jamoalar bahsida ammanliklar Qarshida 2:1 hisobida mag‘lub etilgandi. “Nasaf” bu gal ham Iordaniya jamoasidan ustun ekanini isbotlashga urinib ko‘radi.
Bugungi bellashuvni qarshiliklar ko‘k rangli liboslarda, mehmonlar esa oq-qora rangdagi liboslarda o‘tkazishadi. Uchrashuvni yaponiyalik FIFA hakami Xiryuki Kimura boshqaradi. Unga qanotlarda hamyurtlari Ochi Shinji va Takagi Takumilar yordam berishadi.
OCHL-2018. Pley-off uchrashuvi
“Nasaf” (Uzbekiston) – “Al Faysali” (Iordaniya)
30.01.2018. Qarshi sh., “Markaziy” stadion. 16:00da
Bosh hakam: Xiryuki Kimura (YAponiya)
Qanot hakamlari: Ochi Shinji, Takagi Takumi (ikkalasi ham Yaponiyadan)
Zaxira hakami: Nasrullo Kabirov (Tojikiston)
Nazoratchi: Ali Hamad Badaviy (BAA)
Uchrashuv komissari: Dorji Mindu (Butan)
“Paxtakor” esa “Al G‘arafa”ga qarshi o‘yinda sariq liboslarda, mezbonlar bo‘lsa oq liboslarda maydonga tushadi. O‘yinda iroqlik hakamlar brigadasi ishlaydi. Mohannad Qosim Isi Sarray mazkur uchrashuvda bosh hakam sifatida ishlaydigan bo‘ldi.
OCHL-2018. Pley-off uchrashuvi
“Al G‘arafa” (Qatar) - “Paxtakor” (O‘zbekiston)
30.01.2018. Doha sh., 22:00da
Bosh hakam: Mohannad Qosim Isi Sarray (Iroq)
Qanot hakamlari: Muayad Muhammad Ali, Vaziq Obayd Svaydi (Iroq)
Zaxira hakami: Zaid Tamir Muhammad (Iroq).
Nazoratchi: Omar Musa Xalaf Lum (Iordaniya).
Uchrashuv komissari: Sivakumar (Singapur).
Kecha bo‘lib o‘tgan o‘yinoldi matbuot anjumanlarida har ikki o‘zbek klubi bosh murabbiylari ham bugungi o‘yinlarda faqat g‘alabaga umid qilishayotganini ta’kidlab o‘tishdi:
- Ushbu o‘yinni, mavsum boshidagi o‘yin bo‘lganligi uchun ham finalga tenglashtirgan bo‘lar edim. Biz nasib etsa guruh bosqichiga chiqish masalasini hal qilamiz. Buni juda hohlaymiz. O‘yin kuni hamma futbol ishqibozlarining e’tibori bizga qaratiladi. Bu bizdan katta ma’suliyat talab qiladi. Bu ma’suliyatni hammamiz his qilib turibmiz. Yangi futbol mavsumini g‘alaba bilan boshlash ishtiyoqidamiz, - dedi “Nasaf” ustozi Ro‘ziqul Berdiyev.
- Bu bir bellashuvdan iborat to‘qnashuvdir. Ikkinchi imkoniyat berilmaydi. Maqsadimiz g‘alaba qozonish va bunga bor kuchimiz bilan intilamiz. Futbolda har qanday holat sodir bo‘lishi mumkin. Raqibimiz o‘yinlarini tahlil qilib chiqdik. Bu biz uchun mavsumdagi birinchi rasmiy uchrashuvga aylanadi. Bahsga hozirlik ko‘rish uchun tayyorgarlik jarayonini o‘tkazdik. Rasmiy o‘yinlar amaliyoti borligi "G‘arafa"ga kichik ustunlik berar, ammo biz mavsumni yangi kuch hamda g‘alaba bilan boshlash yo‘lida borimizni beramiz, - deya fikr bildirdi “Paxtakor” bosh murabbiyi Shota Arveladze.
Umid qilamizki, har ikki klubimiz ham bugun o‘zbekistonlik futbol ishqibozlariga ajoyib g‘alabalar taqdim etishadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
