O‘zbekiston futboli rivojlangan mamlakatlar qatoriga kirmasada, hamisha iqtidorlarga boy bo‘lgan. Dekabr oyida terma jamoaning yetakchi o‘yinchilaridan biri Temur Kapadze faoliyatini yakunladi.
Ertami-kechmi Ahmedov va Denisov kabi futbolchilar ham butsalarini mixga ilishadi. Shunday ekan, ularning o‘rnini egallashi mumkin bo‘lganlar ro‘yxatiga nazar tashlashga qaror qildik.
Quyida 1993 yilning 31 dekabridan so‘ng tug‘ilgan iqtidorlar bilan tanishishingiz mumkin.
10. Igor Chikrizov
Pozisiyasi: hujumchi
Prototipi: Aleksandr Geynrix, Pedro Pauleta
Tug‘ilgan sanasi: 2002 yil 11 yanvar
Klubi: «Paxtakor» akademiyasi.
O‘zbekiston futbol federasiyasining eng yaxshilarni taqdirlash marosimida «Yilning eng yaxshi yosh futbolchisi» sovrini Igor Chikrizovga nasib qildi.
Albatta, bu qaror ko‘plab o‘zbekistonlik muxlislarning ajablanishlariga sabab bo‘ldi. Jumladan, ijtimoiy tarmoqlarda bunga nisbatan e’tirozlar ko‘p bo‘ldi. Lekin ushbu sovrinni Javohir Siddiqovga emas, balki Chikrizovga berishlarining o‘ziga xos sabablari bor.
O‘tgan mavsumda 15 yoshli futbolchi «Paxtakor»ning o‘smirlar jamoasi safida o‘ynadi va ko‘plab turnirlarning eng yaxshisi bo‘ldi. An’anaviy tarzda o‘tkaziladigan Kaluga Junior Cup musobaqasida to‘purarga aylandi. O‘smirlar terma jamoasiga esa bir qadam qoldi.
9. Akrom Komilov
Pozisiyasi: chap qanot himoyachisi
Prototipi: Vitaliy Denisov, Marselo
Tug‘ilgan sanasi: 1996 yil 14 mart
Klubi: «Bunyodkor»
«Bunyodkor»ning yosh himoyachisi Vitaliy Denisovning o‘rniga birinchi nomzoddir. Komilov «Bunyodkor» maktabi tarbiyalanuvchisi hisoblanadi.
Uni Denisovga tenglashtirishda sal qizishdik. To‘g‘ri, ular bir xil pozisiyada to‘p surishadi. Lekin baribir, turlicha futbolchilardir.
Komilov jismonan biroz zaifroq, shuningdek, uzoqqa to‘p uzatish va bosh bilan o‘ynash borasida Vitaliydan ortda qoladi. Boshqa tarafdan esa, pressingda yaxshi ishlaydi va himoyalanishda kuchli. Bir so‘z bilan aytganda, 4-3-3 yoki 4-2-3-1 sxemasiga juda mos tushadi.
8. Husniddin G‘ofurov
.jpg)
Pozisiyasi: o‘ng qanot vingeri
Prototipi: Sanjar Tursunov, Rahim Sterling
Tug‘ilgan sanasi: 1994 yil 29 iyul
Klubi: «Lokomotiv»
Bu futbolchining tarixi juda qiziq. Birinchi liga vakili «NBU-Osiyo»da o‘ynab yurgan yosh futbolchini Serbiyaning «Yavor» (Ivanisa) klubi skautlari payqab qolishdi.
Bu kamtarona klub 3000 kishiga mo‘ljallangan stadionda to‘p suradi. Xullas, o‘zgarishlar G‘ofurovga ijobiy ta’sir qildi: u jamoa safida yaxshi mavsumlarni o‘tkazdi, «Yavor» bilan Serbiya kubogi finaliga qadar yetib bordi. Shundan so‘ng «Mladost» a’zosiga aylandi.
Bir necha kun oldin Husniddin Toshkentning «Lokomotiv» klubi bilan bitim tuzdi. «Temiryo‘lchilar» uning transferini 120 million yevro evaziga sotib olishdi. Kelajakda «Lokomotiv» bu futbolchini xorij klubiga foyda evaziga sotib yuborishi mumkin.
7. Javohir Siddiqov
Pozisiyasi: markaziy yarim himoyachi
Prototipi: Leonid Koshelev, Pol Pogba
Tug‘ilgan sanasi: 1996 yil 8 dekabr
Klubi: «Qo‘qon-1912»
«Kuchli to‘rtlik»da o‘ynamaydigan futbolchilardan biri. Javohir futbol saboqlarini «Paxtakor» akademiyasida o‘rgangan. Lekin asosiy tarkibga kirish qiyin bo‘lgani uchun yosh futbolchi «Qo‘qon-1912»ga yo‘l oldi.
No‘’mon Hasanov qo‘l ostida Siddiqov o‘sishda davom etdi. Asta-sekin zaxira vakilidan asosiy tarkib o‘yinchisiga aylandi. Dekabr oyida O‘zbekiston olimpiya terma jamoasi bilan Tailanddagi turnirda ishtirok etib, musobaqaning eng yaxshi futbolchisi bo‘ldi.
6. Zabihillo O‘rinboyev
Pozisiyasi: markaziy hujumchi
Prototipi: Zayniddin Tojiyev, Edinson Kavani
Tug‘ilgan sanasi: 1995 yil 30 mart
Klubi: «Paxtakor»
Temur Hakimov va Abbos Maxstaliyevlardan farqli o‘laroq, O‘rinboyev ruhan baquvvat. Bu futbolchi o‘z vaqtida Italiyaga yo‘l olishi mumkin edi.
Jumladan, «Napoli» ko‘rigida bo‘lib qaytgan. Unga qadar O‘rinboyev «Bunyodkor» akademiyasida o‘qigan. O‘tgan mavsumda esa «Olmaliq» va «Paxtakor»da to‘p surdi.
Shu o‘rinda aytish joizki, Zabihillo ikkita yoshlar terma jamoasi bilan jahon chempionati chorak finaliga chiqqan. Xitoyda bo‘lib o‘tayotgan U-23 Osiyo chempionatida esa O‘zbekiston terma jamoasini sardor sifatida maydonga olib tushmoqda.
5. Aziz G‘aniyev
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
