Ha, portugaliyalik va braziliyalik ikki benazir yulduz tug‘ilgan ayyomini bir kunda nishonlaydi.
Darhaqiqat, ajoyib taqdir: zamonamizning eng buyuk futbolchilari - Krishtianu Ronaldu va Neymar bir sanada dunyo yuzini ko‘rishgan - 5 fevralda. Bu yil «PSJ» vakili 26 yoshga to‘ldi, «Real» yetakchisi esa 33ga.
Futbol nuqtai nazaridan qarasak, o‘rtadagi farq nisbatan katta. Ko‘pchilik anchadan buyon Ronaldu va Lionel Messidan keyin jahon futboli taxti aynan Neymarga nasib etishini ta’kidlamoqda.
Qiziq, braziliyalikning faoliyati portugaliyalik yulduznikiga taqqoslaganda, qanday rivojlanmoqda?
Xullas, tug‘ilgan kun bahonasida ikkisining 26 yoshgacha bosib o‘tgan yo‘lini o‘zaro solishtirib ko‘rsak, tarozu pallasi qaysi tomonga og‘arkin?
Debyut
Neymar. Braziliyalik futbolchi professional darajadagi debyutini Ronalduga nisbatan birozgina yoshroq bo‘lgan vaqti nishonlagan. Aniqroq aytsak, u jonajon klubi - «Santos» tarkibida ilk marta 17 yoshu 1 oyligida ko‘rinish berdi.
2009 yilning mart oyidagi bu debyuti San-Paulu shtati chempionati doirasida «Oeste» klubiga qarshi kechgan o‘yinga to‘g‘ri kelgandi. Neymar yana 2 oydan so‘ng Braziliya «A» seriyasida ham ilk marta maydonga tushdi.
Ronaldu. Portugaliya futboli javohiri «Sporting» tarkibida ilk marta 2002 yilning avgustida katta o‘yin mazasini tatib ko‘rdi. O‘shanda 17 yoshu 6 oylik bo‘lgan Krishtianu Yevropa Chempionlar Ligasi uchinchi saralash bosqichida «Inter»ga qarshi kechgan o‘yin tugashiga 3 daqiqacha qolganida maydonga tushgandi.
Diqqatga sazovor tomoni, Ronaldu o‘sha yilning oktyabrida Portugaliya chempionatidagi ilk o‘yinidayoq «Moreyrenshe» jamoasi darvozasini 2 marta nishonga olgandi.
Milliy chempionatdagi iz
Ronaldu. Portugaliya Primerosida atigi 1 mavsum (2002|2003 yillar) o‘ynagan bo‘lajak yulduz chempionat davomida «sherlar»ning 25ta o‘yinida 3ta gol urdi. 2003 yilning avgustiga kelib, «Sporting» 18,5 yoshli iqtidorni «MYU»ga sotdi.
Portugaliya klubi bilan o‘tkazilgan o‘rtoqlik o‘yinida Krishtianu shu qadar kuchli taassurot qoldiradiki, «qizil iblislar» yulduzlari Aleks Fergyusonni tezda uni xarid qilishga ko‘ndirishadi.
Neymar.Braziliya futbolining bugungi bosh yulduzi vatanida biroz ko‘proq ushlanib turdi. «Santos» yosh yulduzini «Barselona»ga faqat 2013 yilning yozida qo‘yib yubordi.
Neymar bu vaqtda deyarli 21,5 yoshga to‘lgandi. Qisqasi, u Yevropaga yo‘l olishiga qadar Braziliya milliy chempionatida yaxshigina statistikaga erishdi. Ya’ni «A» seriyasida 103 marta maydonga tushib, o‘z hisobiga 54ta gol yozib qo‘ydi.
Yevropa top-ligalaridagi ko‘rsatkich
Neymar. Braziliyalik futbolchi Ispaniya Primerosida 25 yoshiga qadar o‘ynab, o‘tgan yozda «PSJ» safiga qo‘shildi. Xullas, u «Barselona»da 4 mavsum to‘p surdi.
Aytish joizki, bu davrda statistikasi ham chakki bo‘lmadi: Primeroning o‘zida 68ta gol (123ta o‘yinda). Neymar Fransiya ligasida samaradorlikni yanada oshirdi: 26 yoshga to‘lishiga qadar 17ta o‘yinda 18ta gol urdi.
Ronaldu. Portugaliyalikning faoliyati Neymarnikidan keskin farqlanadi. Zero, u Ispaniya birinchiligiga 24 yoshli payti bosh suqdi.
Bungacha esa Angliya premyer-ligasida 196ta o‘yin o‘tkazib, 84ta gol urgandi. La-ligadagi dastlabki 2 mavsumiga qarasak, «Real» uchun 63ta o‘yinda 66ta gol hosil qildi.
Terma jamoadagi faoliyat
Ronaldu. Ob’ektiv qaraganda, Portugaliya termasida sovrin yutish qiyin, har holda, Braziliya milliy jamoasi bilan zafar quchish imkoniyati kattaroq, baribir. Axir braziliyaliklarning umumiy saviyalari ancha baland.
Demak, Krishtianu 26 yoshga to‘lgunicha o‘z vatani milliy jamoasi libosini 80 marta kiyib, 26ta gol urishdan tashqari, 20ta samarali uzatmani amalga oshirdi. U portugallar bilan yirik turnirda g‘alaba gashtini ham surdi, ammo Yevro-2016 vaqtida yoshi 30dan oshgandi.
Neymar. «PSJ» vakili ayni paytgacha milliy jamoada 83ta o‘yin o‘tkazib, o‘z nomiga 53ta gol va 36ta samarali uzatmani yozib qo‘yishga ulgurdi.
Qolaversa, Neymarda Olimpiada-2016ning oltin medali ham bor. To‘g‘ri, Braziliyada tashkillashtirilgan JCH-2014 u va jamoasi uchun katta xafagarchilik bilan tugadi.
Klubdagi sovrinlar masalasi
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
