O‘zingizga ma’lum, 5 mart kuni “Markaziy” stadionimizda yana bir katta futbol uchrashuvi bo‘lib o‘tadi. Bu yilgi Osiyo chempionlar ligasining 3-turida “Nasaf” Qatarning “Al Sadd” klubini qabul qiladi. Dunyo futboli ishqibozlariga ma’lum va mashhur bo‘lgan Xavi Ernandes Qarshiga tashrif buyuradi.
Quyida guruhimizdagi raqibimiz Qatarning “Al Sadd” klubi haqida umumiy ma’lumotlar bilan tanishtiramiz.
“Al Sadd” klubi 1969 yili tashkil bo‘lgan. Uy uchrashuvlarini Doxa shahridagi “Jassim Bin Xamad” stadionida o‘tkazadi.
Jamoaga 2015 yildan buyon portugaliyalik 71 yoshli murabbiy, Jezualdu Ferreyra ustozlik qilmoqda.
Raqibimiz Qatarning eng nomdor klubi bo‘lib, mamlakatning rekord darajadagi sovrindori hisoblanadi. O‘z tarixida “Al Sadd” o‘n uch karra Qatar yuduzlar ligasi chempioni, o‘n besh karra mamlakat kubogi sohibi, ikki marta Osiyo chempionlar kubogi va ligasida g‘olib bo‘lgan. 2011 yili klublar o‘rtasidagi jahon chempionatida bronza medalini ham qo‘lga kiritgan. Bundan tashqari ham ko‘plab musobaqalarda sovrindor bo‘lgan.
“Al Sadd” 2016/2017 yilgi mavusumda Qatar yulduzlar ligasida 2-o‘rinni egallagan va bu yilgi Osiyo chempionlar ligasida ishtirok etish huquqini qo‘lga kiritgan.
Raqibimiz ayni paytda mamlakat chempionati turnir jadvalida 19ta uchrashuvdan so‘ng 46 ochko to‘plab, 2-pog‘onani band etib turibdi. Qatar yulduzlar ligasida 12ta jamoa ishtirok etmoqda. “Lokomotiv”ning OCHLdagi guruhdoshi “Al Duhail” jamoasi esa mamlakat chempionatida peshqadamlik qilmoqda.
“Al Sadd” 1 mart kuni QYULsining 19-turida peshqadam “Al Duhail” jamoasi bilan kuch sinashdi va 4:3 hisobida mag‘lub bo‘ldi.
O‘zingizga ma’lum, bu yilgi Osiyo chempionlar ligasida “Al Sadd” muvaffaqiyatli ishtirok etmoqda. O‘tgan ikki uchrashuvda ham qatarliklar g‘alaba qozonishdi va 6 ochko bilan “S” guruhida peshqadam bo‘lib turibdi.
Jamoaning 11-raqamdagi jazoirlik hujumchisi Bag‘dod Baunedjax o‘tgan ikki uchrashuvda ham dubl qayd etib, to‘purarga aylangan. 16-raqamdagi yarim himoyachi Bualim Xoki hisobida esa bitta gol bor.
Albatta, “Al Sadd”ning hozirgi paytdagi eng nomdor o‘yinchisi bu Xavi Ernandesdir. 38 yoshli ispaniyalik futbolchi mana ikkinchi yildirki, jamoa sharafini himoya qilmoqda.
U futbolchilik bilan bir qatorda jamoa bosh murabbiyiga yordamchi murabbiy ham hisoblanadi. “Barselona” klubi akademiyasining tarbiyalanuvchisi bo‘lgan Ernandes Xavi, butun futbolchilik davridagi ikkinchi klubda to‘p surmoqda. “Al Sadd” klubiga kelguncha, faqat “Barselona”da o‘ynagani ham diqqatga sazovordir. Raqibimiz safida bungacha, Xavidan tashqari yana bir ispaniyalik mashhur futbolchi, Raul ham faoliyat yuritgani futbol ishqibozlariga ma’lum.
Hozirgi paytda “Al Sadd” tarkibida Eronlik, Jazoirlik, Ispaniyalik va Bahraynlik legioner futbolchilar bor. Bular 24-raqamdagi himoyachi Murtoza Ganji, 5-raqamdagi yarim himoyachi Jugurtha Hamroun, 11-raqamdagi hujumchi Bag‘dod Baunedjax, 6-raqamdagi yarim himoyachi Xavi Ernandes va 65-raqamdagi yarim himoyachi Axmad Sayyorlardir. Yana bir futbolchi borki, Qatar fuqarosi bo‘lsada, o‘zi asli portugaliyalik 2-raqamdagi himoyachi Pedro Miguyeldir.
Qatarning “Al Sadd” jamoasi OCHL-2018 guruh bosqichi uchun 28 nafar futbolchini ro‘yxatdan o‘tkazgan. Ularning 3 nafari darvozabonlar, 10 nafari himoyachilar, 11 nafari yarim himoyachilar va 4 nafari hujumchilardir.
“Al Sadd”ning OFK ro‘yxatidan o‘tgan futbolchilari.
Darvozabonlar:
1.Saad Alshiyb
21.Saud Abdulla
22.Meshal Barsham
Himoyachilar:
2.Pedro Miguyel
3.YOsir Abubakr Iso
7.Musab Xotr
12.Xamid Ismoil
13.Ibrohim Majid
14.Abdukarim Hasan (s)
20.Salim Ali Alxajri
24.Murtoza Ganji
34.Xatim Kamol
37.Axmad Suhail
Yarim himoyachilar:
5. Hamroun Jugurtha
6.Xavi Ernandes
8.Ali Asad
10.Hasan Alhaydus
16.Bualim Xoki
18.Abdulla Aljalobi
25.Jassim Alshamari
65.Axmad Sayyor
73.Muxammad Alvaxxob
87.Saud Ibrohim
Baha Elleti
Hujumchilar:
11.Bag‘dod Baunedjax
17.Hasan Axmad
96.Akram Afif
99.Ali Freydon
Eslatib o‘tamiz, OCHL 3-tur doirasidagi “Nasaf” – “Al Sadd” uchrashuvi, 5 mart dushanba kuni “Markaziy” stadionda bo‘lib o‘tadi. Uchrashuv soat 18:30da boshlanadi.
Suratlar manbasi klub rasmiy sayti
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
