“Nasaf” bu yilgi Superliganing 3-tur uchrashuvini safarda Navoiy shahrining “Qizilqum” jamoasiga qarshi o‘tkazadi.
"Ajdarlar" oldida yana bir qiyin uchrashuv kutib turibdi. Bu jamoalar o‘rtasidagi Navoiyda bo‘lib o‘tadigan uchrashuvlar juda keskin kechadi. “Nasaf”, Navoiydan so‘nggi bor 2015 yili g‘alaba bilan qaytgan.
Uchrashuv 18 mart yakshanba kuni Navoiy shahridagi “Yoshlar” sport majmuasida soat 20:00da boshlanadi.
O‘zbekiston Superligasi-2018. 3-tur
“Qizilqum” (Navoiy) – “Nasaf” (Qarshi)
18.03.2018. “Yoshlik” SM. 20:00da
Bosh hakam: Valentin Kovalenko (Toshkent)
Qanot hakamlari: Ruslan Serazitdinov (Toshkent), Alisher Usmonov (Toshkent)
Zaxira hakami: Shuhrat Rajabov (Buxoro)
Nazoratchi: Aleksandr Popov (Toshkent)
Uchrashuv komissari: Aleksey Frolov
O‘zaro uchrashuvlar tarixidan
Mazkur jamoalarning o‘zaro uchrashuvlari tarixiga nazar tashlasak, “Qizilqum” va “Nasaf” jamoalari hozirgacha 36 marta ro‘baru kelishgan. Ushbu bahslarning 21 tasida qarshiliklarning qo‘li baland kelgan bo‘lsa, 6 uchrashuvda navoiylik futbolchilar g‘alaba qozonishgan. 9 uchrashuvda tomonlar durangga imzo chekishgan.
To‘plar nisbati bo‘yicha ham “Nasaf” ustunlik qilmoqda: 38-68.
Endi mazkur jamoalar o‘rtasidagi eng yirik hisoblar haqida to‘xtaladigan bo‘lsak, jamoamiz “Qizilqum” ustidan 7:1, 5:2 va 4:0 ko‘rinishida g‘alabaga erishgan. “Qizilqum”ning “Nasaf” ustidan eng yirik hisobdagi g‘alabasi 3:1 ko‘rinishida.
O‘tgan yilgi o‘zaro Qarshida o‘tgan so‘nggi uchrashuvda, muxlislar 2ta golga guvoh bo‘lishgan. "Nasaf" gollarini Bahrom Abdurahimov va Igor Golbanlar kiritishgan.
"Nasaf" Ro‘ziqul Berdiyev boshchiligida hali biron marta, hoh Qarshida bo‘lsin, hoh Navoiyda bo‘lsin, “Qizilqum” jamoasiga mag‘lub bo‘lgan emas.
Navoiyda bo‘lgan o‘zaro uchrashuvlarga oid
O‘zaro o‘yinlar qaydnomalarini varaqlasak, qarshiliklar Navoiyda o‘tkazilgan 18 uchrashuvning 7tasida g‘alaba, 6tasida durang va yana 5 uchrashuvda mag‘lubiyatga uchragan. Yana bir qiziqarli fakt, “Qizilqum” jamoasi o‘z maydonida so‘nggi marta 2008 yilda “Nasaf”ni mag‘lubiyatga uchratgan. O‘tgan yilgi chempionatdagi Navoiyda bo‘lib o‘tgan uchrashuvda 1:1 durang natijasi qayd etilgan. Bo‘lajak uchrashuv Navoiydagi o‘zaro 19-uchrashuv sifatida tarixga kiradi.
“Nasaf” so‘nggi bor “Qizilqum” jamoasini Navoiyda 2015 yili 2:1 hisobida mag‘lubiyatga uchratgan.
Navoiyda bo‘lgan so‘ngi besh uchrashuv
10.08.2013. “Qizilqum” – “Nasaf” 0:1
06.06.2014. “Qizilqum” – “Nasaf” 1:1
26.08.2015. “Qizilqum” – “Nasaf” 1:2
25.06.2016. “Qizilqum” – “Nasaf” 3:3
29.04.2017. “Qizilqum” – “Nasaf” 1:1
Mazkur jamoalarning o‘rinbosarlari o‘rtasidagi uchrashuv, 17 mart shanba kuni Navoiy shahridagi “Kimyogar” stadionida bo‘lib o‘tadi. Uchrashuv soat 15:30da boshlanadi.
Barcha futbol ishqibozlarini ushbu uchrashuvlarga taklif etib qolamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
