«Barselona» yangi mavsum oldidan maoshlar vedomostini qisqartirish va ayrim futbolchilarni sotish bo‘yicha faol ish boshladi.
Ispaniyaning Sport nashri ma’lumotiga ko‘ra, kataloniyaliklar moliyaviy imkoniyatlarni kengaytirish, 1:1 qoidasiga qaytish va transfer bozorida to‘liq faoliyat yuritish uchun jamoa xarajatlarini kamaytirishni rejalashtirmoqda. Bu sport direktori Dekuning rejalarini amalga oshirishda muhim shart sifatida baholanmoqda.
Qayd etilishicha, «ko‘k-anorranglilar» yozgi ilk transferini allaqachon e’lon qilgan bo‘lib, jamoaga Entoni Gordon kelib qo‘shildi. Shuningdek, klub hujumchi Xulian Alvares bo‘yicha muzokaralarda ham sezilarli ilgarilagan. U Robert Levandovski ketganidan keyin markaziy hujumchi pozisiyasi uchun asosiy nomzod sifatida ko‘rilmoqda. Bundan tashqari, «Barselona» erkin agent maqomidagi Bernardu Silva bilan shartnoma imzolash ustida ham ish olib bormoqda.
Bu rejalarni amalga oshirish uchun klub joriy moliyaviy yilni ijobiy balans bilan yakunlashi kerak. Shu sababli rahbariyat Deku va Boyan Krkich boshchiligida bir qator ehtimoliy "tozalash"lash bo‘yicha ishlarni tezlashtirgan.
Jamoani tark etishga eng yaqin futbolchilardan biri — Ansu Fati. «Barselona» tarbiyalanuvchisi yaqin kunlarda rasman «Monako» futbolchisiga aylanishi kutilmoqda. Kataloniya klubi uning transferidan 11 million yevro ishlab olish va kelajakdagi ehtimoliy sotuvdan foiz saqlab qolishni rejalashtirmoqda.
Ketishi mumkin bo‘lgan yana bir futbolchi — Runi Bardagji. 20 yoshli shvesiyalik vinger ko‘proq o‘yin amaliyotiga ega bo‘lishni istamoqda, ammo uning pozisiyasida Lamin Yamal harakat qilmoqda. Xans-Diter Flik bilan suhbatdan keyin futbolchi kelasi mavsumdagi roli cheklangan bo‘lishi mumkinligini tushunib yetgan. Bardagji ijara asosida ketishga tayyor, biroq «Barselona» uni keyinchalik qayta sotib olish huquqi bilan sotish variantini afzal ko‘rmoqda.
Klub shuningdek Mark Kasadoning kelajagini ham muhokama qilmoqda. Yarim himoyachi ona jamoasida qolishni xohlayotgan bo‘lsa-da, maydon markazidagi kuchli raqobat sabab ketish ehtimolini ham istisno etmayapti. Uning agenti Jorje Mendeshda Yevropa va Saudiya Arabistoni klublaridan takliflar mavjud. «Barselona» futbolchiga bosim o‘tkazmaydi, ammo ehtimoliy transfer uchun kamida 20 million yevro talab qilmoqchi.
Alohida e’tibor markazidagi masala — Mark-Andre ter Shtegenning kelajagi. Uning «Jirona»dagi ijarasi jarohat va jamoaning elita divizionini tark etgani sabab omadsiz kechdi. Darvozabon erkin agent sifatida ketishni istamayapti, klub esa har ikki tomonni qoniqtiradigan yechim izlamoqda.
Eng ehtimoliy ssenariy sifatida yana bir ijara varianti ko‘rilmoqda. Biroq bunday holatda «Barselona» futbolchining maoshining bir qismini to‘lashga majbur bo‘ladi.
Manba ma’lumotiga ko‘ra, Ter Shtegenning jismoniy holati va 2028 yilgacha amal qiladigan shartnomasi sabab uning masalasini 30 iyunga qadar hal qilish juda mushkul vazifa bo‘lib turibdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
