“Navbahor” – “Lokomotiv” o‘yinidan so‘ng matbuot anjumani bo‘lib o‘tdi.
Matbout anjumani birinchi qismida "Lokomotiv" bosh murabbiyi Andrey Miklayev va jamoa yarim himoyachisi Sadriddin Abdullayev ishtirok etishdi.
Andrey Miklayev ("Lokomotiv" bosh murabbiyi): - Shogirdlarim aslida yaxshi o‘yin namoyish etishdi. Ko‘plab hafli vaziyatlarni yaratishdi. Ammo "Navbahor" darvozaboni ancha ishonchli o‘yin namoyish etib, ko‘plab holatlarda jamoasini qutqardi. Jamoamizda ketma-ket mag‘lubiyatlardan so‘ng tushkunlik holati ham bor. Bu ham o‘yinga o‘z ta’sirini ko‘rsatdi. Namanganliklar yaratilgan vaziyatlardan samarali foydalanishdi.
Sadriddin Abdullayev ("Lokomotiv" yarim himoyachisi): - Uchrashuvda mezbonlar qarshi hujumda harakat qilib, standart vaziyatlardan foydalanishga harakat qilishdi va o‘z niyatlariga yetishdi. Jamoamizda ruhshunos yo‘q. Murabbiylarning o‘zlari yaxshi psixolog hisoblanishadi. Osiyo Chempionlar Ligasidagi mag‘lubiyatlardan so‘ng, bizda tushkunlik holati ro‘y bermoqda. Bundan hozircha chiqib keta olmayapmiz.
Matbuot anjumanining ikkinchi qismida "Navbahor" bosh murabbiyi Ilhom Mo‘minjonov va jamoa yarim himoyachisi Azizbek Turg‘unboyev ishtirok etishdi.
Ilhom Mo‘minjonov ("Navbahor" bosh murabbiyi): - G‘alaba uchun shogirdlarimga o‘z minnatdorchiligimni bildiraman. Yigitlar bugun maydonda bor kuchlarini berib o‘ynashdi. Bugungi o‘yinga astoydil tayyorgarlik ko‘rgandik, bu esa yakunda o‘z samarasini berdi. Azizbek Turg‘unboyev o‘z ustida astoydil ishlaydi. Mashg‘ulotlarda ham jarima va burchak zarbalari tepishni ko‘p mashq qiladi. Bu esa o‘z samarasini bermoqda. G‘alabamizda muxlislarning ham munosib hissalari bor. Ular stadionni to‘ldirib, jamoamizni qo‘llab-quvvatlashdi. Bu esa yigitlarga ruhiy dalda berdi.
Azizbek Turg‘unboyev ("Navbahor" yarim himoyachisi): - Avvalo, yutug‘imizga o‘zlarining munosib hissalarini qo‘shgan muxlislarga o‘z minnatdorchiligimni bildiraman. Ular 12-o‘yinchi rolini ajoyib tarzda bajarishdi. Bu esa bizga ruhiy madad bo‘ldi. Standart vaziyatlarni bajarish ustida ko‘p ishlashimda bosh murabbiyimiz Ilhom aka Mo‘minjonovning munosib hissalari bor. Ular hali yoshsan, o‘z ustingda ko‘p ishlashing kerak deydilar.
"Navbahor FK" matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
