O‘zbekiston chempionatining 5-turiga start berildi. Buxoroda bo‘lib o‘tgan "Buxoro" va "Paxtakor" o‘rtasidagi o‘yin keskin kurashlarga boy kechdi.
Ayniqsa, birinchi bo‘lim xavfli vaziyatlarga boy kechdi. Shota Arveladze shogirdlari o‘z mahoratlari evaziga raqibga nisbatan ustunlikka ega bo‘lgan bo‘lsalar, mezbonlar ishtiyoq evaziga g‘alaba uchun to‘p tepishdi. Uchrashuvdagi golga tortadigan ilk xavfli vaziyatni mehmonlar yaratishdi. Bahsning 8-daqiqasida Yaxshiboyev o‘ng qanotdan ajoyib uzatma bilan to‘pni Gonselveshning boshiga "qo‘ndirdi". Ismoil yaqin masofadan zarba berdi. To‘p esa Asilbek Omonovning qo‘li-boshi aralash shundoqqina ustun yonidan o‘tib ketdi. Portugaliyalik futbolchi va Arveladze boshlarini changallab qolishdi.
Shundan keyin paxtakorchilar golga tortadigan vaziyatlar yaratishda davom etishdi. "Buxoro" futbolchilari 2ta vaziyatda darvoza naq chizig‘i ustidan to‘pni qaytarishga muvaffaq bo‘lishdi. Uchrashuvning 30-daqiqasida buxoroliklar hisobni ochishlari mumkin edi. Salomov aniq pas orqali jarima maydonchasida ochilgan Nasimovni to‘p bilan ta’minladi. Bahodir aniq zarba berishning uddasidan chiqa olmadi.
O‘yinning 37-daqiqasida hakam "Buxoro" darvozasi tomon penalti belgiladi. Ammo Ismoil Gonsalseshning zarbasidan keyin to‘p to‘sin ustidan o‘tib ketdi. Birinchi bo‘lim tugashiga 2 daqiqa qolganida Baqoyev shogirdlari o‘ng qanotdan samarali hujum tashkil qilishdi. Amonov o‘ng qanotdan jarima maydonchasiga kirib kelib, orqaroqqa uzatma berdi. Salamat Quttiboyev esa aniq zarba bilan hisobni ochdi.
Ikkinchi bo‘limda o‘yin sur’ati o‘zgardi. Maydon egalari butun jamoa bo‘lib himoyalandi. Natijada toshkentliklar raqib mudofaasini yorib o‘tishga qiynalishdi. Arveladze amalga oshirgan o‘zgarishlar ham naf keltirmadi.
Shu tariqa, "Buxoro" o‘z ochkolarini 9taga yetkazib, vaqtinchalik bo‘lsa-da jadvalning 3-pog‘onasiga ko‘tarilib oldi. "Paxtakor" hisobida ham shuncha ochko mavjud.
O‘zbekiston superligasi, 5-tur
"BUXORO" - "PAXTAKOR" - 1:0 (1:0)
Gol: Salamat Quttiboyev (42)
"Buxoro": Omonov, Amonov, Quttiboyev, Salomov (s), Shixov, Nasimov, Filiposyan, Mullajonov, Hasanov, Ismoilov, Ruseskiy
Zaxira: Tursunboyev, B.Omonov, Klisura, Jo‘rayev, Olimov, Erkinov, Berdimurodov, Qahramonov, Ibrohimov
"Paxtakor": Suyunov, Kozak, Simich (s), A’zamov, Shorahmedov, Griffits, Ahmedov, Yaxshiboyev, Masharipov, Bezerra, Gonsalvesh
Zaxira: Lobanov, Rahmatullayev, Iskanderov, Abdurahimov, Hakimov, Tojiyev, Ibrohimov, Andreev, Sayfiyev
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
