Bugun “Nasaf” Namanganda mamlakatimiz milliy chempionati, Superliganing 5-tur uchrashuvini “Navbahor” jamoasiga qarshi o‘tkazadi.
Mazkur jamoalar chempionatda o‘zaro, 43-marta kuch sinashadi.
O‘zbekiston Superligasi-2018. 5-tur
“Navbahor” (Namangan) – “Nasaf” (Qarshi)
07.04.2018. “Markaziy" stadion. 20:00da
Bosh hakam: Vladislav Seytlin (Toshkent)
Qanot hakamlari: Timur Galeev (Toshkent), Aleksandr Sidorov (Toshkent) Zaxira hakami: Rustam Lutfullin (Toshkent).
Nazoratchi: Sayfiddin Ermatov (Toshkent).
Komissar: Baxtiyor Namozov.
Bungacha bo‘lib o‘tgan o‘zaro 42 uchrashuvning 22tasida “ajdarlar” g‘alabaga erishishgan. 11ta o‘yinda “lochinlar”ning qo‘li baland kelgan. Qolgan 9ta bahsda jamoalar murosa ko‘chasini tanlashgan. To‘plar nisbati 60-75 “Nasaf” foydasiga.
Mazkur jamoalar bugungacha Namanganda 21 marta kuch sinashishgan. Navbatdagisi o‘zaro 22-uchrashuv bo‘ladi. Bo‘lib o‘tgan 21ta uchrashuvning 9tasida “Navbahor” g‘alabaga erishgan. 4tasida “ajdarlar” g‘alaba qozongan. 8 uchrashuvda murosa ko‘chasi tanlangan. Namangandagi o‘zaro uchrashuvlarda darvozalarga 66ta to‘p kiritilgan. To‘plar nisbati 42-24 “Navbahor” foydasiga.
“Nasaf” Namangandan so‘nggi bor 2013 yili uch ochko bilan qaytgan. Namangandagi o‘tgan yilgi o‘zaro uchrashuvda “Navbahor” kichik 1:0 hisobida g‘alabaga erishgan. 2001 yili Namanganda bo‘lgan o‘zaro uchrashuvda darvozalarga eng ko‘p, sakkizta to‘p kiritilgan. Bu uchrashuvda “Navbahor” 6:2 hisobida g‘alabaga erishgan.
Namangandagi so‘nggi besh uchrashuv natijasi
25.11.2017. “Navbahor” - “Nasaf” 1:0
11.06.2016. “Navbahor” - “Nasaf” 2:2
10.05.2015. “Navbahor” - “Nasaf” 1:1
06.04.2014. “Navbahor” - “Nasaf” 1:0
30.03.2013. “Naavbahor” - “Nasaf” 1:2
Bugungi uchrashuv ko‘pchilikda juda katta qiziqish o‘yg‘otmoqda. Bunga sabablar ham yetarli. “Navbahor” o‘z maydonida amaldagi chempionnni mag‘lub etgan bo‘lsa, “Nasaf”ning tajovuzkor va tezkor hujumlarga boy o‘yinlari, mamlakatimizning aksariyat futbol ishqibozlarini o‘ziga rom etib keladi.
Bugun joriy chempionatimizdagi eng qiziqarli uchrashuvlardan biri bo‘lishiga shubha qilmasa ham bo‘ladi. Chunki, har ikkala jamoa buni maromiga yetkazishga qurbi yetadigan jamoalardir.
Eslatib o‘tamiz, mazkur uchrashuv bugun soat 20:00da Namangan shahridagi “Navbahor” markaziy stadionida boshlanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
