Matbuot anjumanining ikkinchi qismida “Navbahor” bosh murabbiyi Ilhom Mo‘minjonov va jamoa posboni Botirali Ergashevlar ishtirok etib, jurnalistlarning savollariga javob qaytarishdi.
Ilhom Mo‘minjonov: - Birinchi navbatda futbolchilarimizni namoyish etgan o‘yinlari uchun kattakon rahmat aytaman. Yigitlar qo‘llaridan kelganicha harakat qilib, jamoamizning yaxshi o‘yinlaridan birini o‘tkazishdi deb o‘ylayman.
Bugun bizga omad yetishmadi. Aks holda Azamat Allaniyozov va Azizbek Turg‘unboyevlar tomonidan yo‘llangan zarbalardan keyin to‘p darvoza ustuni va to‘siniga tegib qaytdi. Bu futbol maydon tekis to‘p yumaloq deb bejizga aytishmaydi.
Keyingi o‘yinlarga yanada yaxshiroq tarzda tayyorgarlik ko‘rishda davom etamiz. Nenad Nias hozirgi kunda o‘zining optimal sport formasiga kira olmayapti. Garchi beshta tur ortda qolgan bo‘lsada hujumchimiz gol ura olgani yo‘q.
Bugungi uchrashuvda u maydonga kichik jarohat bilan tushgandi. Uning harakatlaridan qoniqish hosil qilmadik. O‘ylaymanki, keyingi uchrashuvlarda o‘zini ko‘rsatadi degan umiddaman. Himoya chizig‘imizdan ko‘nglim to‘lmoqda.
Bu xotirjamlikka berilishimiz uchun sabab bo‘lmasada, beshta o‘yinda darvozamizdan atigi ikkita to‘p o‘tkazib yubordik xolos. O‘tgan mavsumdagi ko‘rsatkichlarimiz yomonroq edi. Qanday holat bo‘lishidan qat’iy nazar hujumchilarimizga gol urish uchun imkoniyatlar beramiz.
Agarda Inas gol urishni uddalay olmasa, uni zaxiradan qoldirishga majbur bo‘lamiz. Ro‘zimboy Ahmedovni qachon maydonga qaytishi aniq emas. Garchi jarohatdan holi bo‘lsada, hozircha tiklanish jarayonini o‘tkazmoqda.
Ayni paytda ixtiyorimizda mavjud va sog‘ bo‘lgan Inas, Allaniyozov va Sardor Sulaymonov kabi hujumchilarimiz bor. Navbatdagi turlarda ularni imkon qadar samarali tarzda foydalanishga harakat qilamiz. Ahmedovni ham safga qaytishini intizorlik bilan kutib qolamiz.
Shu paytga qadar urgan gollarimizni standart vaziyatlardan urganmiz. Bugun ham jarima zarbalaridan keyin raqib darvozamini nishonga olishga urinib ko‘rdik. Lekin, bu borada aniqlik yetishmadi.
Oldinda bizni jiddiy o‘yin kutib turibdi. “So‘g‘diyona” bilan o‘tadigan uchrashuvga munosib tarzda hozirlik ko‘rgan holda gollar urib yutuq bilan qaytishga harakat qilamiz.
Oston O‘runov nafaqat jamoamizning balki Superliganing ham eng yosh futbolchilaridan biri sanaladi. Futbolchimiz ko‘p hollarda jamoaga foyda keltirish borasida ko‘p narsani o‘ziga olmoqda. Buning oqibatida to‘p oshirishlarda ko‘p xatoga yo‘l qo‘ydi.
O‘runov o‘yindan-o‘yinga sifat borasida qo‘shib boradi. Bugungi bahs so‘nggida biroz charchab qolgani uchun uni o‘rniga maydonga tajribali futbolimiz Dilshod Jabborovni tushirdik.
Keyingi o‘yinlarda Oston yanada yaxshiroq harakat qiladi deb o‘ylayman. Yosh bo‘lishiga qaramay, ayni paytda u eng yaxshi yarim himoyachilarimizdan biri sanaladi.
Botirali Ergashev: - O‘yin keskin kurashlarga boy tarzda o‘tdi. Raqib darvozasi oldida yuzaga keltirilgan vaziyatlarda birozgina omadimiz yurishmadi deb o‘ylayman.
Himoyada bexato harakat qilgan bo‘lsakda, hujumlarimizni samarali tarzda yakunlay olmadik.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
