Bugun Shveysariyaning Nyon shahrida Yevropa chempionlar ligasi va Yevropa ligasining yarim final bosqichiga qur’a tashlash marosimi bo‘lib o‘tadi.
Unga ko‘ra, Yevropa ligasiga Toshkent vaqti bilan soat 15:00da, Yevropa Chempionlar ligasiga esa soat 16:00da qur’a tashlanadi.
Siz marosimni FUTBOL TV telekanali orqali jonli efirda tomosha qilishingiz mumkin.
Qayd etish kerak, chorak final bosqichidan so‘ng "Real Madrid", "Liverpul", "Roma"va "Bavariya" klublari yarim final yo‘llanmasini qo‘lga kiritishgan.
Yarim finalning birinchi o‘yinlari 24 va 25 aprel kunlari, javob bahslari esa 1 va 2 may kunlari bo‘lib o‘tadi.
Final uchrashuvi esa 26 may kuni Kiyevdagi "Olimpiyskiy" stadionida bo‘lib o‘tadi.
Yevropa ligasida esa chorak final o‘yinlaridan so‘ng "Arsenal", "Atletiko", "Zalsburg" va "Marsel" klublari yarim final yo‘llanmasini qo‘lga kiritishdi va bugun ular o‘z raqiblarini bilib olishadi.
Eslatib o‘tamiz, Yevropa ligasining yarim finalning birinchi o‘yinlari 26 aprel, javob bahslari esa 3 may kuni bo‘lib o‘tadi.
Final uchrashuvi 16 may kuni Liondagi "Stad de Lion" stadionida bo‘lib o‘tadi.