“So‘g‘diyona”ga qarshi bahsda alamli mag‘lubiyatdan so‘ng barchaning «Navbahor»dan hafsalasi pir bo‘lgani rost. “Lochinlar” qandaydir «fantastik» daqiqalarda darvozadan bir emas, ikki emas naq uchta to‘p olib chiqdi.
To‘g‘risi, men Sergey Lushan kelgach «So‘g‘diyona» kuchaydi, degan fikrdan yiroqman. Jamoalar oddiy o‘yin ko‘rsatishdi, gollar ham soddagina. Darvoza ishg‘ol qilingan vaziyatlarda gol mualliflaridan ko‘ra - jamoani goldan saqlab qolishi lozim bo‘lganlar katta sahnaga chiqdi. Bolalarcha xatolar oqibatida shunday holat vujudga keldi.
Dangal gapni aytganda, «So‘g‘diyona» bilan Jizzaxda o‘tadigan ko‘p o‘yinlar biroz g‘alati o‘tadi. «Navbahor» Jizzaxda yutib turib mag‘lub bo‘lishi bu odatiy hol, tarix sahifalari bundan darak beradi. O‘sha 5:4 hisobi bilan yakunlangan o‘yinda ham jizzaxliklar irodali g‘alabaga erishgandi. «So‘g‘diyona» - o‘ta noqulay va «qulay» raqib. Tushinganlar tushindi.
Eshitishimizga qaraganda, bugun yoki erta “Navbahor”da navbatdan tashqari yig‘ilish bo‘lishi kutilmoqda. Yig‘ilishning asosiy masalasi mag‘lubiyat va Ilhom Mo‘minjonov. Kim biladi deysiz, balki Mo‘minjonov jamoani tark etar? Bilmadik!
Voqealar rivojidan biroz ilgarilaymiz. Deylik, jamoamiz dastlabki bosqichda kuchli oltilikka kirdi. Shunda kechagi mag‘lubiyat jamoamiz uchun sariq chaqagayam arzimasligi mumkin. «So‘g‘diyona»ning hozirgi salohiyati tan olish kerak, kuchli oltilikka tortmaydi. Shu bois «Navbahor» imkon boricha yuqori o‘rindagi jamoalardan ochko tortib olishi kerak. Hozircha buni yaxshi uddalamoqda «Navbahor». Keyingi turda «Bunyodkor» dog‘da qoldirilsa, vaziyat rejadagidek tus oladi.
Mana «Neftchi» qator mag‘lubiyatlarga uchramoqda, lekin murabbiylar o‘zgarmadi. Lushan kelgani bilan «So‘g‘diyona» baribir autsayder bo‘lib qolaveradi. Shuning uchun, ikkinchi bosqichgacha yoki mavsum yakunigacha Mo‘minjonov qolishi kerak. Yarim yo‘lda jamoani qabul qilib oladigan yangi murabbiy biz kutgan natijani qo‘lga kirita olishiga kafolat yo‘q. Bu «osh»ni Mo‘minjonov pishirgan, o‘rgilab ham o‘zi yeydi. Shunchaki, jamoaga ishonishda davom etish lozim. Hali hech narsa yo‘qotilmadi, do‘stlar!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
