Yevropa chempionlar ligasining yarim final bosqichi doirasida dastlabki o‘yin bo‘lib o‘tdi. O‘yindan oldin "Roma" vakillari dadil fikr bildirishgandi: "Messi boshchiligidagi "Barselona"ni to‘xtatdik, Salohning "Liverpul"ini qanday yengishni bilamiz".
Bahsning dastlabki 30 daqiqasi rimliklar ustunligi ostida o‘tdi. Ular ko‘proq hujum uyushtirishdi, gol urishni istashdi. "Roma" o‘z maqsadiga yetishi mumkin edi, ammo Kolarov olis masofadan yo‘llagan zarba "Liverpul" posbonining qo‘li orqali to‘singa tegib qaytdi.
Aynan ilk yarim soatdan keyin mersisaydliklar "qutura" boshladi. Rimliklar to‘xtatishi kerak bo‘lgan Salohga imkoniyat berib qo‘yildi. Muhammad uchrashuvning 36-daqiqasida 15 metrlardan chap oyoqda aylanma zarba bilan to‘pni "Roma" darvozasining naq "to‘qqizligi"ga "mixlab" qo‘ydi! Saloh bu golni katta xursandchilik bilan nishonlamadi.
U keyingi golda ham sobiq jamoasiga nisbatan hurmatni saqladi. Birinchi bo‘lim tugashi arafasida mirslik futbolchi raqib posboni bilan yakkama-yakka vaziyatga chiqib ketdi va to‘pni uning ustidan oshirib qo‘ydi — 2:0!
Saloh bu bilan cheklanib qolmadi. U ikkinchi bo‘limda jamoasining keyingi ikkita goliga assistentlik qildi. Har safar u chap qanotdan jarima maydonchasiga kirib bordi hamda, dastlab Manega, keyin esa Firminoga golli uzatmani amalga oshirdi. Hujumchilar Salohning uzatmalarini ko‘kka sovurishmadi.
Faqatgina beshinchi golda Saloh ishtirok etmadi. Burchakdan yetkazilgan uzatmani Roberto Firmino hujumchi bosh bilan darvozaga joylab qo‘ydi — 5:0.
Ushbu goldan keyin Klopp jamoa yetakchisi Muhammad Salohni keyingi o‘yinlar uchun saqlash qaror qildi shekilli, uni zaxiraga oldi. Shundan keyin "chalajon" holatdagi "bo‘rilar" ikkita gol urishga muvaffaq bo‘lishdi. O‘yinning asosiy vaqti tugashiga 9 daqiqa qolganida Nainggolan jarima maydonchasiga ajoyib uzatma berdi. Himoyachilar uzatmani qaytara olishmadi, Jeko esa to‘pni ko‘kragi bilan o‘ziga bo‘ysindirdi va birga-bir vaziyatda darvozani ishg‘ol qildi. Oradan 4 daqiqa o‘tib mezbonlar darvozasi tomon penalti belgilandi: Nainggolan yo‘llagan zarba natijasida to‘p Milnerning qo‘liga tegdi. Diyego Perotti davrozabonga hech qanday imkoniyat qoldirmadi.
5:2. Javob bahsida 2 may kuni Rimda bo‘lib o‘tadi. "Roma" chorak finalda 1:4 hisobidagi mag‘lubiyatdan chiqib ketdi. Bu safar "Liverpul" bunga yo‘l qo‘yarmikan? Ko‘ramiz.
YECHL, yarim final, dastlabki o‘yin
Liverpul Angliya – Roma Italiya 5:2 (2:0)
Gollar: 1:0 – 35 Saloh, 2:0 – 45 Saloh, 3:0 – 56 Mane, 4:0 – 61 Firmino, 5:0 – 68 Firmino, 5:1 – 81 Jeko, 5:2 – 85, penalti Perotti.
Liverpul – Karius, Lovren, Robertson, Aleksander-Arnold, van Deyk, Firmino (Klavan, 90), Oksleyd-CHemberlen (Veynaldum, 18), Saloh (Ingz, 75), Milner, Mane, Xenderson.
Roma – Alisson, Manolas, Jezus (Perotti, 67), Kolarov, Fasio, Strotman, Florensi, Under (SHik, 46), de Rossi (Gonalon, 67), Nainggolan, Jeko.
Ogohlantirishlar: Jezus (26), Aleksander-Arnold (39), Lovren (74), Xenderson (85), Fasio (88).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
