Superliga 8-turining yana ikki uchrashuvi o‘tkazildi. Poytaxtdagi o‘yinda “Paxtakor” “Navbahor”ni qabul qildi. Namangandan yetib kelgan ming nafarga yaqin muxlislarning doimiy qo‘llab-quvvatlashi natijasidan “Navbahor” o‘yinni ko‘tarinki ruhda o‘tkazdi. Turgan gapki, maydon egalari ham bo‘sh kelishmadi. Har ikkala jamoa tomonidan bir qator xavfli vaziyatlar yaratildi, biroq ulardan bor-yo‘g‘i bittasidan unumli foydalanish mezbonlarga nasib etdi. Jaloliddin Masharipovning chiroyli uzatmasini Tiago Bezerra golga aylantira oldi.
Shuni ham ta’kidlash joizki, ushbu mavsumda “Paxtakor”ga eng ko‘p muxlis tashrif buyurishi aynan shu turda qayd etildi – 17465.
Jizzaxdagi o‘yin ham shiddatliligi, keskinligi bilan poytaxtdan qolishmadi. Uchrashuvning boshidayoq Murod Xolmuhammedov penaltidan gol urib, jamoadoshlarini hisobda oldinga olib chiqdi. Ikkinchi bo‘limda mezbonlar hisobni tenglashtirishga muvaffaq bo‘lishdi. Uchrashuv yakuniga sanoqli daqiqalar qolganda esa Murod Xolmuhammedov to‘psiz xolatda raqibiga nisbatan ataylab qo‘pollik qildi. Bosh hakam yordamchilari bilan maslahatlashgan holda futbolchiga qizil kartochka ko‘rsatib yubordi. Uning qaroridan norozi bo‘lgan qo‘qonliklar bosh murabbiyi No‘’mon Hasanov qanot hakamiga nisbatan qo‘pollik qildi, bu ham yetmagandek, bosh hakamga ham “bisotidagi” e’tirozlarini to‘kib-sochdi. Natijada bosh hakam uni ham maydon tashqarisiga “kuzatib qo‘ydi”.
8-tur
"PAXTAKOR" - "NAVBAHOR" - 1:0 (0:0)
25 aprel. Toshkent shahri. "Paxtakor" stadioni. 17465 tomoshabin.
Hakamlar: SH.Qosimov (Toshkent), H.SHodmonov (Buxoro), A.Burov (Buxoro).
"Paxtakor": Eldorbek Suyunov, Vladimir Kozak, Marko Simich, Sherzod A’zamov, Akmal Shorahmedov, Azim Ahmedov (Rostin Griffits, 90+2), Dilshod Rahmatullayev, Jaloliddin Masharipov (Jasur Yaxshiboyev, 82), Bahrom Abdurahimov, Tiago Bezerra, Ismoil Gonsalvesh.
"Navbahor": Akbar To‘rayev, Oston O‘runov (Dilshod Jabborov, 80), Aziz Turg‘unboyev, Zohir Pirimov (Behruz Sa’dilloyev, 81), Azamat Allaniyozov (Sardor Sulaymonov, 64), Mirzohid G‘ofurov, A’zam Aliyev, Davron Hoshimov, Jahongir Mehmonov, Tomislav Payovich, Darko Stanoyevich.
Gol: T.Bezerra (77).
Ogohlantirishlar: J.Masharipov (73), B.Abdurahimov (87), M.Simich (90) – T.Payovich (73), J.Mehmonov (74), D.Jabborov (81), D.Stanoyevich (86).
Nazoratchi – Sulton Zaylobiddinov (Farg‘ona).
Komissar – Roman Chernikov.
“SO‘G‘DIYONA” – “QO‘QON-1912” -1:1 (0:1).
25 aprel. Jizzax shahri. “So‘g‘diyona” stadioni. 7942 tomoshabin.
Hakamlar: V.Seytlin (Toshkent), R.Fozilov (Namangan), M.Nexochin (Namangan).
“So‘g‘diyona”: Dilshod Hamroyev, Azamat Isroilov (Farhod Mirahmatov, 72), Elyor Orifov, Dilmurod Karimov (Jahongir Abdumo‘minov, 41), Doniyor Hasanov (Alisher Ziyovuddinov, 74), Sardorbek Azimov, Shohruz Norxonov, Akmal Xolmurodov, Tohir Shamsiddinov, Izzat Abdullayev, Ruslan Melziddinov.
“Qo‘qon-1912”: O‘tkir Yusupov, Nosir Otaqo‘ziyev (Bahodir Pardayev, 65), Javohir Siddiqov, Oybek Rustamov, Quvondiq Ro‘ziyev, Suhrob Berdiyev, Murod Xolmuhammedov, Aleksandr Merzlyakov, Igor Taran ( Muhammadanas Hasanov, 76), Marko Milich, Milan Spremo.
Gollar: S.Azimov (57) – M.Xolmuhammedov (6-pen.).
Ogohlantirishlar: E.Oripov (5), T.SHamsiddinov (45+1), A.Ziyoviddinov (85) – S.Berdiyev (22).
Chetlatish: M.Xolmuhammedov (90+3).
Nazoratchi – Radik Serazetdinov (Toshkent).
Komissar – Erkin Baxtiyorov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
