“Nasaf” – “So‘g‘diyona” (1:2) uchrashuvi yakuniga yetgach, o‘yin yakunlariga bag‘ishlangan matbuot anjumani bo‘lib o‘tdi. Matbuot anjumanining dastlabki qismida “So‘g‘diyona” jamoasi bosh murabbiyi Sergey Luchshan va jamoa yarim himoyachisi Doniyor Hasanovlar ishtirok etishdi.
Sergey Lushan: - Biz O‘zbekistonning eng kuchli jamoalaridan biri – “Nasaf”ni mag‘lubiyatga uchratdik. “Nasaf” bilan o‘ynash hamisha qiyin, bunga “Bunyodkor” klubida ishlagan paytim ham guvohi bo‘lganman. Lekin men g‘alabadan xursandman, o‘yinimiz borgan sari mazmun kasb etmoqda. Biz shunday davom etamiz.
Bizning zaxiramiz juda nochor, ham yoshlar tarkibida to‘p suradigan futbolchilarimizdan foydalanishga majbur bo‘ldik. Bu yosh futbolchilarimiz o‘zlarini ko‘rsatishga harakat qilishayapti. Kelgusida tarkbimizni yana to‘ldirish rejamiz bor. Asosiy e’tibor mahalliy futbolchilarga qaratiladi. Agar “Nasaf” klubi bilan kelishuvga erishsak, Sanjar Rashidovni jamoaga qaytarmoqchimiz. Albatta, bu futbolchi bilan “Nasaf” klubi o‘rtasidagi shartnoma o‘zaro kelishuvga asosan bekor qilinsa. Bu futbolchi transferga ruxsat berilgunga qadar biz bilan mashg‘ulotlarda qatnashib turadi.
Bungacha bizning ayrim yosh o‘yinchilarimiz, “Nasaf”ning yetakchi o‘yinchilarini faqat teleekran orqali ko‘rishgan. Bunday tajribali futbolchilarga boy jamoaga qarshi o‘yinda, futbolchilarda hayajon ham charchoq ham bo‘ladi. Ko‘pchilikka bizning futbolchilarimiz vaqtni cho‘zgandek ko‘ringandir. Ammo takror aytaman, “Nasaf”dek jamoaga qarshi o‘ynash oson emas. Qolaversa, biz hozir kuchaytirilgan tarzda mashg‘ulotlar o‘tkazayapmiz. Avval bunday mashg‘ulotlar jamoamizda bo‘lmagan. Agar bugun “Nasaf” hisobda oldinda borganda edi, biz ham aytgan bo‘lardik, vaqtni cho‘zishayapti deb. Futbolchilarimiz qo‘ldan kelgancha o‘ynashdi, shaxsan menda ularga nisbatan hech qanday e’tiroz yo‘q.
Maqsadimiz, Superligada jon saqlash. Ammo kuchli oltilikka kirishga ham harakat qilib ko‘ramiz.
Doniyor Hasanov: - Avvalom bor assalomu alaykum. Bugungi g‘alabamizga asosiy sabab, murabbiymizning tanlagan taktikalari bo‘ldi. Biz murabbiyimizning ko‘rsatmalarini to‘liq bajarishga harakat qildik. Bizni bugun Jizzaxdan kelib, qo‘llab-quvvatlagan muxlislarimizga ham rahmat aytaman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
