La-ligada oltin medalni rasmiylashtirgan «Barselona» keyingi turda azaliy raqibi - «Real»ni qabul qiladi. Tamoyilga ko‘ra, Ispaniyada g‘olibni navbatdagi o‘yinda raqib jamoa chempionlik yo‘lagi hosil qilgancha sharaflashi kerak.
Biroq madridliklar «Kamp Nou»da chempionni alohida olqishlamoqchi emaslar. Ko‘rinishidan, «Barselona» prezidenti Xosep Bartomeu chempionlik yo‘lakchasi bo‘lmasligidan ranjimoqda, shekilli. Har holda, u xorijlik kasbdoshimiz bilan suhbatda shu haqda ham gapirdi.
Andres Inyesta haqida
- Inyesta - jamoamizning muhim bo‘lagi. Raykaarddan tortib, hozirgi bosh murabbiygacha - barcha-barchalari o‘yin uslubini shu futbolchi atrofida shakllantirishgan. Andres haqida boshqa gapga hojat yo‘q.
Antuan Grizmann haqida
- «Atletiko» ixtiyorida yuqori saviyali futbolchilar ko‘p, Grizmann ulardan biridir. Jamoa shuning uchun doimo yuqori pog‘onalarda boradi. Lekin hozirgi holatda Antuan transferi masalasida hech narsa deyolmayman.
Mavsum yakuni haqida
- Hammasi qadrlaymiz - o‘yinimizni, mavsumdagi ilk sovrin hisoblangan Ispaniya kubogini, chempionlikni. Jamoaning yoz oylaridagi umumiy holati va bizda nimalar ro‘y berganini inobatga olsak, «Oltin dubl» - yuksak natija! Bunga Valverde katta hissa qo‘shdi.
Mana, Neymar o‘rniga 2 nafar futbolchi sotib olib, milliy turnirlarda g‘alaba qozondik. Ha, «Roma»dan qabul qilingan mag‘lubiyat juda og‘riqli. Jamoa hozirgacha muxlislar oldida o‘zini aybdor his qilmoqda. Lekin bu biz uchun butun mavsum davomidagi deyarli yagona mag‘lubiyat bo‘lganini unutmaslik kerak.
Valverde haqida
- Murabbiyning iste’foga chiqarishimiz xususidagi xabarlar mutlaqo asossiz. Qaytaraman, hozirgi natijalarda uning hissasi katta. Xullas, Valverde ishidan mamnunmiz.
Biz 2 yillik shartnoma ostiga imzo chekkanmiz, bu - uning loyihasi. Boshqacha aytganda, yozgi islohotlardan keyin tezda natija ko‘rsatdimi, demak, unga ishonish mumkin.
Ha, Rimda ro‘y bergan noxushlik barchamizni qayg‘uga soldi, lekin rahbariyat Valverdening salohiyatiga aslo shubha qilmaydi.
«Oltin dubl» haqida
- Bu juda muhim. Mavsumning «Madrid» uchun qanday yakunlanishi esa mutlaqo ahamiyatsiz. Demoqchimanki, raqibning natijalari yutuqlarimiz qiymatini pasaytirmaydi aslo.
Ha, bu masalada turli-tuman gaplar urchimoqda, lekin haqiqat shuki, 2004 yildan keyingi davrni olsak, «Barselona» Yevropaning eng sovrindor klubi bo‘lib turibdi.
O‘yin uslubi haqida
- Taktik chizmalar borasidagi munozara va muhokamalar zarur va foydalidir. Ha, joriy mavsum o‘yin uslubimiz biroz o‘zgardi. Buning sababi bor, albatta. Xususan, Neymarning ketgani ta’siri yaqqol sezildi.
Valverde - juda aqlli mutaxassis. U taktikaga qaysi payt qanday o‘zgartirish kiritishni yaxshi biladi. Shunday bo‘lsada, har doim imkon qadar odatiy o‘yin uslubimizga yaqin chizmaga tayanamiz.
Chempionlik yo‘lagi haqida
- Har kimning ixtiyori o‘zida. Chempionlik yo‘lagi hosil qilishni istamayotgan «Real»ni qoralashim nojoiz. Yo‘lak bo‘lmaydimi? Hechqisi yo‘q, bu katta muammo emas.
To‘g‘ri, vaqtida biz «Real»ni chempionlik yo‘lagida olqishlagandik. Hayronman, shunday qilish uchun «Madrid»ga nima xalal beradi?
Roberto Fernardes kelajagi haqida
- Fernandesga jamoa texnik kotibi va sport direktori sifatida bajargan ishlari hamda ko‘rsatgan yordami uchun minnatdorchilik bildiramiz. Mavsum yakunida o‘zaro maslahatlashamiz, mavjud variantlarni muhokama qilib, bir to‘xtamga kelamiz, albatta.
Neymarning «Real»ga o‘tishi ehtimoli haqida
- Bunga munosabatim oddiy - dunyoning eng sara futbolchilari La-ligada to‘p surishlarini istayman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
