Chirchiq shahridagi Jaloliddin Manguberdi sport majmuasida yozgi biatlon bo‘yicha O‘zbekiston chempionati yakunlandi.
S.Nichipurenko xotirasiga bag‘ishlangan musobaqaning erkaklar o‘rtasidagi sprint dasturi 4000 metr masofada o‘tkazilib, uni Surxondaryo viloyati vakili, sport ustasi Vitaliy Slastyon 15 daqiqa 59 soniyada bosib o‘tdi. Undan 14 soniya ortda qolgan farg‘onalik Muzaffar Mamasoliyev ikkinchi o‘rinni qo‘lga kiritdi. Buxorolik sportchi Uyg‘un Zamonov esa finishga peshqadamdan 26 soniya kechroq yetib kelgan.
Chempionatning ikkinchi kuni ta’qib poygalari ham murosasiz ko‘rinish oldi. Dastlabki o‘rin sohiblari ta’qibchilarini yetib olishlariga imkon yaratishmadi. Vitaliy Slastyon yana birinchi, Muzaffar Mamasoliyev esa ikkinchi bo‘lib marraga yetib kelishdi. Uchinchi o‘ringa esa namanganlik Doniyor Qurbonaliyev sazovor bo‘ldi. Qisqa tanaffusdan sung yana mamlakat chempionatida qatnasha boshlagan iqtidorli sportchi Murod Hojiboyev to‘rtinchi o‘ringa ko‘tarildi.
“Musobaqalarda 15 yoshli sportchilarni ham startga chiqib, kattalar o‘rtasidagi chempionatda yetakchilik uchun kurashganini O‘zbekiston birinchiliklarining samarasi sifatida qarash mumkin. Bundan tashqari, yosh sportchilarning terma jamoamiz tarkibida jahon kubogi va chempionatlarida tajriba orttirgan sportchilarimizga qarshi tengma-teng kurash olib borayotgani respublikamizda iqtidorli yoshlarning ko‘pligi, ularni saralash va xalqaro musobaqalarga tayyorlash uchun hali ko‘p mehnat qilishimiz kerakligini ko‘rsatmoqda”, – deydi chempionat bosh hakami, respublika texnik va amaliy turlari markazi bosh direktori o‘rinbosari SH.Ismatullayev.
Chempionatning ayollar o‘rtasidagi sprint bahslari 3000 metr masofada tashkil etildi. Unda samarqandlik sportchilar yetakchilik qilishdi. Madina Sagatova (15 d. 57 s), Sevara Choriyeva (18d. 07 s) hamda E’zoza Xoshimova (18d.52s) kuchli uchlikdan joy olishdi. Aynan shu sportchilar ta’qib poygalarida raqiblarini quvib yetishlariga imkon berishmadi. Har ikkala yo‘nalishda Toshkent, Namangan, Farg‘ona viloyati sportchilari yetakchilarning asosiy ta’qibchilari bo‘lishdi.
Umumjamoa hisobida Samarqand viloyati sportchilari birinchi o‘rinni qo‘lga kiritdilar. Ikkinchi va uchinchi o‘rinlar mos ravishda Surxondaryo va Farg‘ona viloyati biatlonchilariga nasib qildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
