Jahon chempionati boshlanishi arafasidagi FIFA kunlari Superligamizga ham ta’sir o‘tkazdi. Milliy jamoamiz ayni shu qisqa tanaffus vaqti Montevideoda Urugvay termasiga qarshi tarixiy o‘rtoqlik uchrashuvi o‘tkazdi.
Yakshanba kuni esa chempionatimiz o‘yinlari yana davom ettirildi. Xullas, 15-tur uchrashuvi oldidan «Lokomotiv» hujumchisi Marat Bikmayevdan maxsus intervyu oldik.
- Marat, qisqa muddatli dam olish kunlari qanday o‘tdi? Ortda qolgan o‘yinlarni tahlil qildinglarmi?
- Ha, albatta. Lekin o‘yinlar natijalariga yopishib olish yaramaydi. Chunki ular endi tarixga aylandi.
- To‘g‘riku-ya, lekin «Lokomotiv» keragidan ko‘p ochko yo‘qotdi. Shaxsan siz omadsiz o‘yinlarni qanday izohlaysiz?
- Hammasiga o‘zimiz aybdormiz. Jamoamiz yutqazgan yoki durang qayd etgan uchrashuvlarda raqiblar bizdan kuchli o‘ynashganini tasdiqlay olmayman. Shunchaki, aksariyat gollarni raqiblarga o‘zimiz sovg‘a qildik.
Xatolarimiz sabab, darhaqiqat, haddan ko‘p ochko yo‘qotdik. Endi o‘sha yo‘qotishlar o‘rnini to‘ldirish kerak. Agar qolgan uchrashuvlarda o‘z o‘yinimizni namoyish etsak, mavsumni ijobiy natija bilan yakunlaymiz.
- Umuman, yangi formatdagi turnir ma’qul kelyaptimi?
- Yomon emas, lekin o‘rtada tanaffus yuzaga kelgani yaxshi bo‘lmadi. Har 3-4 kunda o‘ynashga o‘rganib qolgandik.
Mana, terma jamoa o‘yini sabab, Superligada oldindan rejalashtirilmagan tanaffus yuzaga keldi. Murosasiz o‘yinlarning ko‘paygani esa ko‘pchilik qatori meni ham xursand qilyapti.
- Maosh va mukofot pullarini vaqtida olyapsizlarmi? Balki shu narsa ham natijalarga salbiy ta’sir ko‘rsatayotgandir?
- Yo‘q. Buning ta’siri past. Agar hammasi moliyaviy ta’minotga bog‘liq bo‘lganida, bu «Bunyodkor»ning natijalarida aks etardi. «Qaldirg‘ochlar» moliyaviy qiyinchilikka qaramay, turnir jadvalida bizdan yuqorida borishyapti.
Demakki, omadsizlikka faqat va faqat o‘zimiz sababchimiz. Boshqa hech kim va hech qanday omil aybdor emas.
- Klub rahbariyatining yondashuvi qanday? Chempionatning qolgan qismida vaziyatni ijobiy tomonga o‘zgartira olasizlarmi?
- Rahbariyat har holda, xursand emas. Lekin boshqa tomondan, rahbarlar ham vaziyatni to‘g‘ri tushunib, ruhiyatni ko‘tarishga harakat qilishyapti. O‘ylashimcha, hammasi o‘z qo‘limizda. Qaysidir ma’noda chempionatni boshidan boshlaymiz.
Natijalarni ijobiy tomonga o‘zgartirishga qodirmiz, menimcha. Oldinda xorij yig‘ini bor. An’anaga sodiq qolgan holda, Belarus poytaxti Minsk shahrida o‘quv-mashg‘ulotlar o‘tkazamiz. Shu maqsadda 19 iyun kuni safarga jo‘nab ketamiz.
Tabiiyki, u yerda mahalliy klublar bilan bir nechta nazorat uchrashuvlari o‘tkazamiz. Ayni shu o‘yinlar orqali chempionatning qolgan qismiga tayyorgarlik ko‘ramiz.
- Demak, sizningcha, chempionlik uchun hali imkoniyat bor, shundaymi?
- Yangi formatga ko‘ra, kuchli oltilikka kiradigan jamoalarning deyarli barchasida oltin medal yutish imkoniyati saqlanib qoladi. Hozir birinchi galda, shu olti jamoa qatoriga kirib olishimiz kerak. Albatta, shunday bo‘lishiga ishonaman.
Ikkinchi bosqichga o‘tishda 6ta jamoaning turnir jadvalining quyi qismidagi klublar bilan o‘yinlaridagi ochkolari olib tashlanadi. Bu holatda yetakchilardan ortda qolib ketmasligimiz kerak.
Aks holda, chempionlik poygasiga qaytishimiz ancha qiyin kechadi. Hammasi to‘rtinchi davra uchrashuvlarida hal bo‘ladi.
- Terma jamoamizdagi o‘zgarishlarni ham kuzatib boryapsizmi?
- Yoshlarga katta e’tibor qaratilayotganini olqishlash mumkin. Kelajak yoshlar qo‘lida. Jahon chempionati ishtirokchilari - Senegal, Marokash, Eron va Urugvay terma jamoalariga qarshi o‘yinlar yangi tarkib uchun katta tajriba maktabi vazifasini o‘tab berdi. Bunday o‘yinlar qanchalik ko‘paysa, futbolchilar mahorati shunchalik oshib boraveradi.
- Rossiyada JCH-2018 boshlanish arafasida turibdi. Mundialdan nimalar kutyapiz? Qaysi terma jamoaga muxlislik qilasiz?
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
