Farg‘onaning “Neftchi” professional klubi jamoa tarkibidagi kutilayotgan o‘zgarishlar borasida rasmiy bayonot beradi:
Ayni paytda farg‘onaliklar jamoasi JCH-2018 munosabati bilan chempionatda yuzaga kelgan tanaffus sabab qisqa ta’tilga chiqqan. Darhaqiqat, shu kunlarda jamoa safini tark etgan va klubga kelib qo‘shilishi kutilyotgan yangi futbolchilar haqida turli-xil norasmiy xabarlar mavjud.
So‘nggi yillarda “Neftchi” jamoasi yoshlar borasida muvaffaqiyatli siyosat olib bormoqda. Joriy mavsumda ham jamoaning asosiy o‘zagini yoshlar tarkibidan yetishib chiqqan maxalliy o‘yinchilar tashkil etdi. Shuningdek, mamlakatning turli-xil yosh toifasidagi terma jamoalar yig‘iniga “Neftchi”ning ko‘plab futbolchilari muntazam jalb qilib kelinmoqda.
18 iyun kuni O‘zbekistonda transfer oynasi rasman ochiladi va klublar o‘z safiga yangi futbolchilarni qo‘shib olish imkoniyatiga ega bo‘lishadi. Shu kunlarda “Neftchi”ning bir qator tajribali va yosh o‘yinchilarga Superliga klublaridan takliflar tushayotganini ma’lum qilib o‘tmoqchimiz. Xususan, Avazbek O‘lmasaliyev, Abrorbek Ismoilov, Dostonbek Tursunov, Abdujamol Isroilov, Abdurahmon Abdulhaqov hamda Alisher Samatovlarga 2-3 ta klublardan jiddiy takliflar kelib tushmoqda. Biroq “Neftchi” PFK hamda ushbu o‘yinchilar o‘rtasida amaldagi shartnomalar mavjud hisoblanadi. Shuni qo‘shimcha qilish kerakki, klub mazkur o‘yinchilarni o‘z tarkibidi saqlab qolishga intiladi. Biroq futbolchilarga kelib tushayotgan takliflarda “Neftchi” jamoasining manfaati uchun qulay bandlar bo‘lsa, jamoamizning foydasi uchun xizmati qiladigan shartlar mavjud bo‘lsagina klub o‘yinchilar borasida muzokara olib borishi mumkin.
Ayni paytda bir qator Superliga klublari kabi “Neftchi” jamoasida ham moliyaviy qiyinchiliklar mavjud. Shu sabab, ukrainalik mahoratli darvozabon Vitaliy Mirniynining jamoada qolishi katta suroq ostida turibdi. Darvozabonning o‘zi ham murabbiylar shtabi ham uni “Neftchi” klubida faoliyatini davom ettirishini istaydi. Agar klubdagi moliyaviy ahvol yaxshilanmasa, Mirniy jamoa bilan xayrlashadi. Ayni paytda darvozabon o‘z yurtida ta’tilni o‘tkazmoqda. Vitaliy bilan bog‘liq vaziyat oy oxiriga qadar o‘z yechimini topadi.
Shuningdek, “Neftchi” murabbiylar shtabi Superliganing bir necha klublaridagi o‘yinchilar bilan muzokaralar olib bormoqda. Xususan 5-6 nafar yangi o‘yinchilar “Neftchi” safiga kelib qo‘shilishi kutilmoqda. Agar yangi futbolchilar bilan muzokaralar muvaffaqiyatli yakunlansa, ular jamoaning 20 iyun kungi yig‘iniga kelib qo‘shilishadi. Voqealar rivoji davom etmoqda.
“Neftchi” klubi muxlislardan jamoa haqida tarqalyotgan turli-xil mish-mishlarga e’tibor qilmasligini so‘raydi. Jamoaga doir so‘nggi yangiliklarni klub rasmiy sayti va ijtimoiy tarmoqlarida kuzatib boring
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
