JCH-2018 "A" guruhi vakillari Saudiya Arabistoni va Misr terma jamoalari o‘rtasidagi uchrashuv nihoyasiga yetdi.
Guruh autsayderlari o‘rtasidagi o‘yin so‘nggi daqiqalardagi gol evaziga saudiyaliklarning g‘alabasi bilan yakunlandi. Kutilmaganda saudiyaliklar nisbatan sifatliroq futbol ko‘rsatgan bo‘lsalarda, hisobni misrliklar ochishdi. 22 daqiqasida Muhammad Saloh maydon markazidan sherigi uzatgan to‘pni ikki himoyachi orasida o‘ziga o‘nglab ola bildi va darvozabon ustidan oshirib qo‘ydi. Gol muallifi nimagadir golni nishonlamadi.
Uch daqiqa o‘tib, Misr yulduzi yana gol urishi mumkin edi, ammo mo‘ljalda biroz adashdi. 33-daqiqada Trezege Salohdan qulay uzatma qabul qilib oldi, ammo gol ura olmadi.
40-daqiqada saudiyaliklar hisobni tenglashtirish uchun 99 foizlik imkoniyatdan foydalana olmadilar - Al Muvallad penaltini golga aylantira olmadi. El Hadari to‘pni qaytardi.
Birinchi bo‘limga qo‘shib berilgan vaqtda saudiyaliklar yana penalti tepish imkoniyatiga ega bo‘ldilar. Al Gabr Al Muvalladga qo‘pol o‘ynadi deb penalti belgilagan hakam o‘z qaroriga ishonmay videotkarorni ko‘rib, penalti rostan ham borligini ko‘rsatdi. 11-metrlikdan Al Faraj adashmadi va hisobni tenglashtirdi.
Ikkinchi bo‘lim ham kurashlarga boy bo‘ldi. Hisob durang bilan yakunlayotgan vaqtda, ya’ni hakam qo‘shib bergan vaqtning 4-sida saudiyaliklar raqib jarima maydoni ichida o‘ziga xos "tiki-taka" o‘ynadilar va bu Salim Al Dosarining goli bilan tugadi.
Shu tariqa osiyoliklar JCH-2018da yagona g‘alaba bilan qaytadigan bo‘ldilar, Muhammad Salohning Misri esa uchta mag‘lubiyat bilan.
JM-2018
A guruhi
Saudiya Arabistoni – Misr 2:1 (1:1, 1:0)
Gollar: 0:1 – 22 Saloh, 1:1 – 45, penalti Al Faraj, 2:1 – 90 Al Dosari.
Saudiya Arabistoni – Al Mosaylem, Al Breyk, Havsafiy, Havsaviy, Al Shahroniy, Otayf, Baxebri (Asiriy, 65), Al Mo‘g‘aviy, Al Faraj, Al Dosari, Al Muvallad (Al Shahriy, 79).
Misr – El Xadari, Fatxi, Gabr, Xegazi, Abdel-SHafi, El Nenni, Hamed, El Said (Uarda, 45), Saloh, Trezege (Kahrabo, 81), Muhsin (Suyuhiy, 64).
Ogohlantirishlar: Gabr (45), Fatxi (86).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
