O‘zbekiston futbol assosiasiyasi va Professional futbol ligasi tomonidan Superliga hamda Pro-Liga 2018 mavsumida ishtirok etuvchi futbol klublari faoliyatini yanada rivojlantirish uchun reglament asosida aniq talablar ishlab chiqilgan edi.
Biroq o‘tgan davr mobaynida o‘tkazilgan tekshiruvlar natijasida ayrim klublar ish faoliyati hamda stadionlarida ba’zi bir kamchiliklar aniqlandi hamda Superligada va Pro-Ligada yuzaga kelgan tanaffusdan unumli foydalanib, mazkur kamchiliklarni bartaraf etish bo‘yicha klublarga tavsiya hamda topshiriqlar berildi.
Bugundan e’tiboran dastlab Superliga, keyin esa Pro-Liga ishtirokchi klublarida PFLning maxsus ishchi guruhi amalga oshirilgan ishlarni ko‘zdan kechirishni boshladi. Dastlab ishchi guruh “Metallurg” hamda “So‘g‘diyona” jamoalarida kamchiliklarni barataraf etish bo‘yicha amalga oshirilgan ishlar bilan tanishdi.
“Metallurg” klubi 1 iyulga qadar stadionning ichki va tashqi ko‘rinishini tubdan yaxshilash, stadion yoritish tizimini 1500 lyuksgacha kuchaytirish, 2018 yil oxiriga qadar teletranslyasiyalar futbolchilar chiqib keladigan va murabbiylar joy oladigan frontga qarama-qarshi tomondan amalga oshirilishi bo‘yicha MTRK mutaxassislari bilan maslahatlashish, OAV hodimlari uchun stadionda sharoitni yaxshilash, futbolchilarni zaxiraga olish va chiqarish uchun elektron tablo olish, futzal va ayollar jamoalari uchun sharoitlarni yaxshilash hamda futbol klubi akademiyasining qurilishi bo‘yicha ish rejasini taqdim etish bo‘yicha topshiriqlar olgan edi.
PFLning maxsus ishchi guruhi “Metallurg” klubida olib borilgan ishlar bilan tanishdi. “Metallurg” klubi stadion ichki va tashqi ko‘rinishini yaxshilash, tashrif buyuruvchilarga qulayliklar yaratish maqsadida CIP o‘rindiqlar joylashgan alohida sektorni barpo etdi. Qolaversa, stadion tablosi joylashgan sektorda ham muxlislar uchun o‘rindiqlar o‘rnatildi. Stadion tashqarisida klub do‘koni faoliyat ko‘rsata boshladi. O‘yinni bevosita stadiondan yoritish maqsadida tashrif buyuradigan OAV hodimlari uchun ajratilgan maxsus media-tribunada sharoit va internet yaxshilandi. Shuningdek, stadion yoritish tizimi yangilanmoqda. Klub PHILIPS kompaniyasi tomonidan ishlab chiqarilgan yoritish moslamalarini harid qildi. Ayni paytda yoritish moslamalari va chiroqlari stadionga o‘rnatilmoqda. Qolaversa, klub akademiyasi barpo etilishi bo‘yicha loyiha tayyorlanayotgani ma’lum qilindi.
Kunning ikkinchi qismida PFL ishchi guruhi Jizzaxning “So‘g‘diyona” klubi stadioniga tashrif buyurdi. Mazkur jamoa stadion yoritish tizimini yaxshilash, elektron tablo harid qilish, 2018 yil oxiriga qadar teletranslyasiyalar futbolchilar chiqib keladigan va murabbiylar joy oladigan frontga qarama-qarshi tomondan amalga oshirilishi bo‘yicha MTRK mutaxassislari bilan maslahatlashish, futbol klubi akademiyasi bapro etilishi bo‘yicha loyiha va amalga oshirilayotgan amaliy ishlar sarhisobini topshirish bo‘yicha ko‘rsatamalar olgan edi.
Belgilangan muddat ichida “So‘g‘diyona” jamoasi stadion yoritish tizimini Superliga reglamenti talablariga muvofiqlashtirdi. Qolaversa, elektron tablo harid qilindi. Shuningdek, klubning o‘z akademiyasi faoliyatini yo‘lga qo‘yish borasida aniq loyiha ishlab chiqilgani ma’lum bo‘ldi.
P.S.: PFLning maxsus ishchi guruhi kamchiliklar aniqlangan barcha Superliga hamda Pro-Liga klublarini to‘liq tekshiruvdan o‘tkazadi va tekshiruv natijalari PFL rasmiy saytida e’lon qilib boriladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
