Shu haftaning 12-13 iyul kunlari Pepsi Superliganing qoldirilgan 14-tur uchrashuvlari bo‘lib o‘tadi. Bu turda “Nasaf” Navoiy shahrining “Qizilqum” jamoasi bilan bahslashadi. Uchrashuv 13 iyul juma kuni “Markaziy” stadionida bo‘lib o‘tadi va soat 21:00da boshlandi.
Pepsi Superligasi, 14-tur
“NASAF” – “QIZILQUM”
13.07.2018. “Markaziy” stadion. 21:00da
Bosh hakam: Olim To‘ychiboyev (Farg‘ona)
Qanot hakamlari: Maksim Nexochin (Namangan), Sherzod A’zamov (Toshkent)
Zaxira hakami: Isxoq Ibragimov (Nukus)
Nazoratchi: Noil Lutfullin (Toshkent)
Komissar: Baxtiyor Mametov.
O‘zaro uchrashuvlar tarixidan
Mazkur jamoalarning o‘zaro uchrashuvlari tarixiga nazar tashlasak, “Qizilqum” va “Nasaf” jamoalari hozirgacha 37 marta kuch sinashgan. Ushbu bahslarning 22 tasida jamoaning qo‘li baland kelgan bo‘lsa, 6 uchrashuvda navoiylik futbolchilar g‘alaba qozonishgan. 9 uchrashuvda tomonlar durangga imzo chekishgan.
To‘plar nisbati bo‘yicha ham “Nasaf” ustunlik qilmoqda: 70-39.
Endi mazkur jamoalar o‘rtasidagi eng yirik hisoblar haqida to‘xtaladigan bo‘lsak, jamoa “Qizilqum” ustidan 7:1, 5:2 va 4:0 ko‘rinishida g‘alabaga erishgan. “Qizilqum”ning “Nasaf” ustidan eng yirik hisobdagi g‘alabasi 3:1 ko‘rinishida.
Shu yilning 18 mart kunida Navoiyda o‘tgan o‘zaro uchrashuvda, jamoa 2:1 hisobida zafar quchgan edi.
Jamoa Ro‘ziqul Berdiyev boshchiligida hali biron marta, hoh Qarshida bo‘lsin, hoh Navoiyda bo‘lsin, “Qizilqum” jamoasiga mag‘lub bo‘lgan emas.
Qarshida bo‘lib o‘tgan o‘zaro uchrashuvlarga oid
Mazkur jamoalar Qarshida jami 17 marta o‘zaro bahslashgan. Ularning 14tasida jamoa g‘alaba qozongan, bir uchrashuvda “Qizilqum” jamoasi kichik 1:0 hisobida g‘alabaga erishgan. Bu uchrashuv 2008 yili bo‘lib o‘tgan. Qolgan 2 uchrashuvda murosa ko‘chasi tanlangan. Qarshidagi uchrashuvlarda jami darvozalarga 59 marta gol kiritilgan. Gollar nisbati bo‘yicha ham ustunlik “Nasaf” tomonida: 45-14.
Bo‘lajak uchrashuv jamoalarning Qarshidagi 18-uchrashuvi sifatida tarixga kiradi.
Qarshidagi so‘nggi besh uchrashuv natijasi
2017 yil. “Nasaf” – “Qizilqum” 2:0
2016 yil. “Nasaf” – “Qizilqum” 2:0
2015 yil. “Nasaf” – “Qizilqum” 3:1
2014 yil. “Nasaf” – “Qizilqum” 2:0
2013 yil. “Nasaf” – “Qizilqum” 7:1
Yuqorida ta’kidlaganidek, “Qizilqum” jamoasi so‘nggi bor 2008 yili Qarshidan uch ochko bilan qaytgan. Ushbu uchrashuv 23-tur doirasida bo‘lib, 4 oktyabr kuni o‘tgan va “ma’danchi”lar kichik 1:0 hisobida zafar quchishgan.
Mazkur jamoalarning o‘rinbosarlari o‘rtasidagi uchrashuv, 12 iyul payshanba kuni Sputnik qo‘rg‘onidagi yoshlari qarorgohida bo‘lib o‘tadi va soat 18:30da boshlanadi.
Barcha futbol ishqibozlarini ushbu uchrashuvlarga taklif etib qola.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
