Yaqinda Toshkent viloyatining Bo‘ka tumaniga borganimda, Aleksandr Shadrinning ota-onasini yo‘qladim. Barchamiz birgalikda Sashaning qabri ustiga gullar qo‘ydik...
Uning otasi Vyacheslav Mixaylovich va onasi Larisa Fyodorovna o‘g‘illarining qanday inson bo‘lganini hayajon bilan so‘zlab berishdi.
U KELAJAGI PORLOQ FUTBOLCHI EDI
Bundan to‘rt yil avval Toshkentning «Lokomotiv» klubi va O‘zbekiston milliya termasining iqtidorli futbolchisi Aleksandr Shadrin vafot etgandi... Agar u hozir oramizda bo‘lganida bu yil 30 yoshini qarshilagan bo‘lardi!
Aleksandr Shadrin o‘z vaqtida mamlakatimizning kelajagi porloq hujumchilaridan biri sifatida tilga olinardi. U bosh jamoamizning Yaponiya termasiga qarshi uchrashuvida yagona g‘alaba goli muallifiga aylanib, O‘zbekiston futboli tarixiga kirgandi.
QISHLOQDAGI FUTBOL MAKTABI TARBIYALANUVCHISI
Aleksandr 1988 yilning 4 sent-yabrida Toshkent viloyatining Bo‘ka tumanida tug‘ilgan. U tavallud topgan kichik shaharchada 25 ming aholi istiqomat qilardi. Shadrin futboldagi ilk qadamlarini 9 yoshga to‘lganida qo‘ygan.
Unga millionlar o‘yinidagi dastlabki qadamlarni qo‘yishda bo‘kalik murabbiylar Sharofiddin Sirojiddinov hamda Faxriddin Musayev ko‘maklashishgan. Sasha o‘z jamoasi safida eng faollardan biri bo‘lib, respublika sport musobaqalari g‘olibiga aylandi. «Umid nihollari», «Barkamol avlod», «Universiada» va boshqa turnirlarda zafar quchdi.
Aleksandr o‘smirlik chog‘laridayoq ancha o‘sishga erishib, yuqori darajada to‘p sura boshladi. 2003 yili iste’dodli futbolchi tajribali futbol mutaxassisi Sergey Artyomovich Arutyunovning e’tiborini qozondi... va uning shaxsiy tavsiyasiga ko‘ra, «Chig‘atoy» sport mahoratini oshirish respublika oliy maktabiga qabul qilindi.
Shadrinning yangi murabbiyi vazifasini Viktor Moiseev bajardi. Yosh Sasha shuningdek, O‘zbekiston o‘smirlar termasi tarkibida 2004 yilgi Osiyo chempionatida qatnashish orqali mashhur edi. O‘shanda o‘zining yuqori tezligi bilan Kiyevning «Dinamo» klubi seleksionerlari diqqatini tortgandi.
O‘ZBEKISTON O‘SMIRLAR VA YOSHLAR TERMASI A’ZOSI
Shadrin turli musobaqalarning tuman, shahar va viloyat bosqichlarida ishtirok etish orqali tajriba to‘pladi, u haqda futbol mutaxassislari iliq fikrlar bildira boshlashdi.
Ko‘p o‘tmay, uning iqtidori va kurashuvchanlik xarakteri yuksak baholanib, Aleksandr O‘zbekiston o‘smirlar va yoshlar termalaridan chaqiruv oldi. Yosh Sasha ushbu jamoalarning yetakchilaridan biri sanalardi. Shu tariqa, Shadrin o‘smirlar va yoshlar darajasida muvaffaqiyatli to‘p surdi.
O‘zbekiston o‘smirlar termasi katta murabbiyi Viktor Moiseev o‘sha damlarni yodga olarkan, jumladan shunday deydi: «1988 yilda tug‘ilgan (13 yoshli) bolalardan iborat jamoamiz o‘sha yili omadli start olgandi. May oyida shogirdlarimiz Markaziy Osiyo kubogini qo‘lga kiritishdi.
Mazkur musobaqaning hal qiluvchi bahsida azaliy raqib - Qozog‘iston termasi 1:0 hisobida taslim etildi. So‘ngra Qirg‘izistonda o‘tkazilgan xalqaro turnirda birinchi o‘rinni egallashdi. O‘shanda sakkizta jamoa qirg‘iz millati qahramoni Shadban-Botir nomidagi faxriy mukofotga ega chiqish uchun o‘zaro kuch sinashgandi.
Turnir taqvimi o‘ta zich bo‘lib, 5 kunda 5ta o‘yin o‘tkazish talab etilardi. Ammo bu omil shogirdlarimizga xalal bermadi. O‘zbekiston termasi barcha uchrashuvlarda g‘alaba qozonib, birinchi o‘rinni egalladi. Yakunda kubok va oltin medallar biznikilarga nasib qildi.
Darvoqe, o‘sha musobaqaning eng yaxshi to‘purari sifatida termamiz a’zosi Anvar Rajabov tan olingan, «eng foydali futbolchi»ga atalgan sovrin esa Aleksandr Shadringa topshirilgandi».
Bundan tashqari, Sashaga «sehrli tayoqcha» taxallusi ham qo‘yilgandi... «Aleksandr Shadrindagi futbol ko‘nikmalari, uning xarakteri, muvaffaqiyat sari dadil intilishi kelajagi porloq futbolchi bo‘lib yetishishida asosiy omil bo‘lib xizmat qildi», - deydi o‘sha kezlari O‘zbekiston o‘smirlar termasi murabbiylar shtabida ishlagan mutaxassis Anatoliy Loshinin.
PROFESSIONAL FAOLIYATI
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
