Gazetamizning avvalgi sonlarida o‘z pozisiyasiga mos bo‘lmagan raqamlarda to‘p suruvchi futbolchilar haqida maqola chop etilgandi. Bu safar, umuman, millionlar o‘yini uchun o‘ta g‘alati ko‘rinadigan raqamli liboslarda o‘ynaganlar xususida suhbatlashamiz.
FIFA qoidalariga ko‘ra, o‘yinchilar faqat 1dan 99gacha bo‘lgan raqamlarda maydonga tushishlari mumkin. Ammo aksariyat futbolchilarning ushbu qoidani chetlab o‘tishganiga yetarlicha misollar bor.
Buni qarangki, ayrim futbol federasiyalari o‘z o‘yinchilariga mutlaqo noan’anaviy raqamlarda to‘p surishga ruxsat beradi.
0 — HISHOM ZERUALI («Aberdin»), STIV KRONIN («Gelaksi»)
Marokashlik futbolchi «Aberdin»da o‘ynab yurgan kezlari (1999-2000) shunday ekzotik raqamni tanlagan, bunga uning familiyasi, aniqrog‘i, familiyasi tufayli o‘ylab topilgan taxallusi - «Zero» sabab bo‘lgan. To‘g‘ri, FIFA 1dan 99gacha bo‘lgan raqamlarda to‘p surishga ruxsat bergan, ammo Zeruali uchun istisno qo‘llangan.
Hishom Shotlandiyada uzoq qolib ketmadi, vaholanki, u yerdagi birinchi mavsumini yomon o‘tkazmagandi. 2003 yili u qadrdon yurtiga qaytdi va 27 yoshida avtohalokat tufayli vafot etdi. Shuningdek, MLS ishtirokchisi «Los-Anjeles Geleksi» darvozaboni Stiv Kronin ham 2006 yili «0» raqamli futbolkada maydonga tushgan.
45 - MARIO BALOTELLI
Bu forvard butun faoliyatini 45-raqam ostida o‘tkazdi. Umuman, u «9»ni yoqtirardi, ammo «Inter»ning asosiy jamoasida to‘p surayotganida bu raqam band edi. «45»ni tanlashimga sabab, 4}5q9 bo‘ladi», - deya qarorini izohlab bergan Balotelli. U hamon 45-raqamli futbolkada o‘ynamoqda.
58 - XARED BORGETTI, XUAN PABLO RODRIGES, BENJAMIN GALINDO
Meksika chempionatida birdaniga uch futbolchi bir vaqtning o‘zida 58-raqamli libosda musobaqada qatnashishgan. Sababi shundaki, mazkur uchovlon mahalliy radiostansiya bilan tuzilgan reklama shartnomasiga binoan, aynan shunday raqam ostida o‘ynashlari talab etilardi.
67 - VIKTOR VANYAMA («Seltik»)
Keniyalik yarim himoyachi «Seltik»ka kelganida 1967 yildan kelib chiqib raqam tanlagan. O‘shanda «keltlar» Yevropa chempionlar kubogida zafar quchishgandi.
69 - BIKSAN LIZARAZYU («Bavariya»)
Basklik chap qanot himoyachisi «Bavariya»da o‘ynagan kezlari milliy basketbol ligasida taqiqlangan raqamni tanlagandi. Ushbu tanlovga ajoyib tasodif sabab bo‘lgan - Lizarazyu 1969 yili tug‘ilgan, bo‘yi 169 santimetrdan oshmagan, o‘rtacha vazni esa 69 kilogrammni tashkil qilgan.
76, 80, 84 - SHEVCHENKO, RONALDINYO, FLAMINI («Milan»)
So‘nggi paytlarda aksariyat futbolchilarning tug‘ilgan kunlari sharafiga raqam tanlashlari odat tusini olmoqda. Masalan, Andrey Bogdanov «Olimpik»da 90-raqamda to‘p surgan.
Ammo bu boradagi e’tiborli holat «Milan»da kuzatilib, bir transfer mavsumida Andrey Shevchenko, Ronaldinyo va Matye Flamini tarkibga qo‘shilishgandi. Shu tariqa ularning liboslariga tug‘ilgan yillarining so‘nggi ikkita raqami muhrlangandi.
01 - ROJERIO SENI («San-Paulu»), DEREK RIORDAN («Xibernian»)
Rojerio Seni - darvozabonlar orasidagi eng yaxshi to‘purar sifatida futbol tarixiga kirgan. 2007 yildan to faoliyatining oxirgi kunigacha u «01» raqami ostida maydonga tushgan. Xuddi shu sonlarni «Xibernian» yarim himoyachisi Darek Riordanning libosida ham ko‘rish mumkin edi. Farqi, bu futbolchi tushgan vaziyat biroz qiziqarliroq.
U odatda, 10-raqamni yoqtirar, ammo Shotlandiya klubiga kelganida, «o‘nlik» band ekanidan xabar topgan. «1» esa bo‘sh edi. Shu tariqa Riordan rasman 1-raqam ostida ro‘yxatdan o‘tkazilgan, libosiga esa «01» muhrlangan. Ya’ni, teskarisiga «10» bo‘ladi.
618, 700, 800 - ROJERIO SENI («San-Paulu»)
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
