Barcha nufuzli musobaqalar kabi Rossiya mundiali ham ko‘plab yosh iqtidor sohiblari uchun o‘ziga xos zinapoya vazifasini o‘tashi aniq.
Futbolchilar o‘z mahoratlarini namo-yish etishgani sari xaridor klublar ular orasidan eng saralarini tanlash bilan ovora.
Mana, ko‘plab iqtidorli yigitlar allaqachon grandlar nazariga tushishdi va ayrimlari hattoki, manfaatli takliflarga ega bo‘lishyapti.
1. Irving LOZANO (Meksika) -22 yosh
Ehtimoliy yangi manzili: «Barselona»
Transfer bahosi: 40 mln. yevro
«Chaki»ning nemislar darvozasiga urgan golini meksikalik muxlislar shunday nishonladilarki, seysmologlar o‘sha lahzada zilzilaga xos yer silkinishini qayd etdilar. Xo‘sh, bunday tarixiy voqeadan keyin transferning amalga oshishi muqarrarmi? «Ha, bizga murojaat qilishdi. Lekin hozircha hech narsa aniq emas», - dedi Irvingning otasi «Barselona»ning qiziqishi xususida.
Bundestim ustidan qozonilgan muhim g‘alabaning sababchisi chindan ham, start bellashuvida «asteklar»ning eng faol jangchilaridan biri bo‘ldi. Umuman, iqtidorli yarim himoyachi PSVdagi yorqin o‘yinlari bilanoq ko‘pchilik e’tiboriga tushib ulgurgandi.
Xullas, Lozanoning ta’tildan keyin Gollandiya Ederivizioniga qaytmasligi va La-liga, «A» seriyasi yoki APLning qaysidir nomdor jamoasiga yo‘l olishi ehtimoli baland. Bir yoqda Garet Beyldan rad javobi olgan «Bavariya» ham anchadan buyon yorqin hujumkor yarim himoyachi izlamoqda.
2. Vilfrid N~DIDI (Nigeriya) - 21 yosh
Ehtimoliy yangi manzili: «Liverpul»
Transfer bahosi: 30 mln. yevro
«Superburgutlar»ning 19 yoshli darvozaboni Frensis Uzoxo Islandiya termasiga qarshi o‘yinda o‘ta ishonchli harakat qilgan bo‘lsada, asosan La-liganing o‘rtamiyona jamoalari e’tiborini tortmoqda.
Uning terma jamoadagi safdoshi N~Didi esa hozirning o‘zida «Liverpul» safida «Yuventus»ga o‘tib ketgan Emre Jan o‘rnini to‘ldirishga shay. Vilfrid o‘zini N~Gole Kantega taqqoslayotgani yo‘q.
Ammo «Lester»da o‘ta ishonchli to‘p surdi. Ekspertlar xulosalari tayin: nigeriyalik yigit nafaqat Yurgen Klopp jamoasi, balki boshqa grandlar tarkibini ham bemalol kuchaytirishga qodir.
Deylik, fransiyalik N~Golo mabodo «Chelsi»dan ketishni ixtiyor etsa, Maurisio Sarri nigeriyalik yosh yarim himoyachini qo‘lga kiritish uchun bor imkoniyatini ishga soladi.
3. Nikola MILENKOVICH (Serbiya) - 20 yosh
Ehtimoliy yangi manzili: «Atletiko»
Transfer bahosi: 35 mln. yevro
Italiyaliklarning aytishlariga qaraganda, «Fiorentina»da Jovanni Simeone bilan yonma-yon to‘p suradigan 20 yoshli himoyachi Diyego Simeonega shunchalik yoqib qolganki, u «hindular» rahbariyati oldiga qat’iy talab qo‘ygan: «Nikolani xarid qilish shart». Ayni payt «Atletiko» himoyasida ikki nafar urugvaylik bosh rolni bajarmoqda.
Ularning biri Diyego Godinga e’tiroz yo‘q - «hindular» sardori allaqachon jamoa ramziga aylanib ulgurgan. Xose Mariya Ximenes esa ketish taraddudida. Shunday ekan, Milenkovich dunyoning eng puxta himoya maktabiga ega klub safidan joy olishi hech gap emas.
4. Amin ARIT (Marokash) - 21 yosh
Ehtimoliy yangi manzili: «Bavariya»
Transfer bahosi: 40 mln. yevro
«Shalke» vakili may oyida Bundesliganing eng yaxshi yosh yarim himoyachisi sifatida e’tirof etildi. Mundialning ilk uchrashuvida esa milliy jamoasi Eron termasidan mag‘lubiyatga uchragan bo‘lsada, aynan uni eng yaxshi futbolchi o‘rnida ko‘rishdi. Hattoki, marokashliklarning guruh bosqichidagi omadsizliklari ham Aritga nisbatan qiziqish darajasini pasaytirgani yo‘q.
«Bavariya» esa Gelzenkirxen klubining yorqin kashfiyotlariga «mazaxo‘rak» bo‘lib ulgurgan. Agar myunxenliklar 24 yoshli xorvat Ante Rebich (Argentina termasi darvozasiga urilgan gol va Germaniya kubogi finalidagi «dubl» muallifi)ni sotib ololmasalar, bor e’tiborlarini Aminga qaratishlariga shubha yo‘q.
5. Benjamen PAVAR (Fransiya) - 22 yosh
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Neftchi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
