Kecha “CAFA U-15 championship” musobaqasining to‘rtinchi tur o‘yinlari bo‘lib o‘tdi. Azamat Abduraimov boshchiligidagi O‘zbekiston U-15 terma jamoasi ushbu turda Eronga qarshi bahs olib bordi. Uchrashuv forslarning kichik hisobdagi g‘alabasi bilan yakuniga yetdi.
Tojikiston U-15 terma jamoasi esa 4-turda Qirg‘izistonni 2:0 hisobida mag‘lub etdi. Afg‘oniston U-15 - Turkmaniston U-15 uchrashuvida esa 3:0 hisobi qayd etildi.
4ta o‘yinda 4ta g‘alabaga erishgan Eron U-15 musobaqa jadvalida birinchi o‘ringa ko‘tarilib oldi. O‘zbekiston o‘smirlar terma jamoasi esa ikkinchi pog‘onada bormoqda.
Endi 30 iyul kuni so‘nggi turda O‘zbekiston terma jamoasi Afg‘onistonga qarshi bahs olib borsa, Tojikiston Eron bilan, Turkmaniston esa Qirg‘iziston bilan kuch sinashadi.