Fransuzlar xitob qilishmoqda: «Oltin to‘p»ni Rafael Varanga beringlar!» Ularning iddaolari asossiz emas, albatta. Qarang, «Real Madrid»ning 25 yoshli himoyachisi qisqa faoliyati davomida 10ta yirik finalda ishtirok etib, ularning barchasida g‘alaba nashidasini surdi.
Hal qiluvchi o‘yinlarning 4tasi Yevropa CHL va biri jahon chempionati belgisiga ega - bunga nima deysiz? Qolaversa, Rafael shu kunga qadar 16ta nufuzli sovrindan iborat ulkan kolleksiya to‘plashga ulgurdi.
Shunday ajoyib statistikaga e’tibor qaratgan soccer.ru sayti uni sayyoramizdagi eng yaxshi himoyachi sifatida e’tirof etdi.
IBTIDO
Lill shahrida tug‘ilgan Rafael 7 yoshidan e’tiboran futbol bilan professional tarzda shug‘ulluna boshlagan. O‘shanda katta Varan to‘p ortidan yugurib charchamaydigan o‘g‘lini «Xellemyes» futbol to‘garagiga olib borgandi. Yana 2 yildan keyin iqtidorli bolakay «Lans» skautlari e’tiboriga tushadi.
Shu tariqa Rafael bu klub qoshidagi «La Gellet» akademiyasiga ko‘chib o‘tadi. Qahramonimiz 13 yoshga to‘lgach, uni Fransiya futbol federasiyasining iste’dodli bolalar iqtidorini shakllantirish markazi - Lyevinga olib o‘tishadi. Aytish joiz, Varanning yoshligidan turli-tuman qat’iy sinovlarga dosh berishiga to‘g‘ri keladi.
Chunonchi, bo‘yi nisbatan tez o‘sishi natijasida tizzasiga bog‘liq muammolar bo‘y ko‘rsatadi. U shu tufayli ikki marta naq 8 oylik muddatga mashg‘ulotlarni to‘xtatib turishga majbur bo‘ladi - avvaliga o‘ng, keyin chap oyog‘i shikastlanadi.
Futbolchining o‘sha vaqtdagi murabbiylari so‘zlariga qaraganda, qahramonimiz faqat mardonavor xarakteri hisobiga barchasiga chidagan va yana mashg‘ulotlarga qaytgan. Vaholanki, shifokorlar unga futbolni unutishni tavsiya etishgandi. Lyevinda Varan doimiy diqqat markazida bo‘ladi va hattoki, «Ikkinchi Loran Blan» maqomini ham oladi.
Zero, u raqib hujumlarini to‘xtatib qolishda xuddi JCH-98 g‘olibidek sovuqqonlik ko‘rsatardi. Keyinchalik Rafa o‘yinni nozik ilg‘ash xususiyatini o‘zlashtiradi. Bunda qaysidir ma’noda tizzasidagi muammolar «ulushi» ham bor.
Har holda, yigitcha yana shikastlanishdan cho‘chib, yakkakurashlar va to‘qnashuvlardan tiyilib, bunday vaziyatlar yuzaga kelishidan oldin hujumni bartaraf etishga urinardi. Ehtiyotkorona o‘yin uslubi uning professional faoliyati boshida ham ko‘zga tashlangandi. Lekin vaqt o‘tishi bilan Rafael o‘tmishning yoqimsiz xotiralaridan butkul qutuldi.
«LANS»
Varan 15 yoshi-da «Lans»ga qaytadi va futbol ta’limotini shu klubda oxiriga yetkazadi. Muhimi, Rafa yoshlar jamoasida juda erta o‘ynay boshlaydi va darhol uning chin yetakchisi maqomiga ko‘tariladi. 2010 yilning oktyabrida esa, 17 yoshli o‘smir ilk marta asosiy jamoa safida maydonga tushadi.
E’tiborlisi, yangi saviyaga ko‘nikish jarayoni uning uchun og‘riqsiz kechadi. Xullas, Varan bir urinishda tarkibdan mustahkam joy oladi va hali balog‘at yoshiga yetmay turib, «Lans»ni bir necha marta sardorlik bog‘ichi bilan maydonga boshlab tushadi. Ochig‘i, uning o‘sish sur’ati hammani hayratga solgandi.
Rafaelni bolaligidan kuzatib kelayotganlarning ta’kidlashlaricha, u avvalo, tabiiy jismoniy qudrati va buyuk sportchilarni ajratib turuvchi noyob aniqlik xususiyati evaziga katta muvaffaqiyatlarga erishmoqda:
«Bu yigit maydonda ham, uning tashqarisida ham, hamisha eng to‘g‘ri qarorni qabul qiladi - asosiy yutug‘i shu. Umuman, Rafa bolaligidanoq aqlga tayanib harakatlanishi, kamtarinligi va yoshiga nisbatan tezroq ulg‘aygani bilan ajralib turardi».
«REAL»
Kattalar miqyosidagi debyut mavsumidan keyinoq Varan oldida professional faoliyat masalasida birinchi o‘ta jiddiy tanlov ko‘ndalang bo‘ldi. Har holda, yosh himoyachi birdaniga Yevropa futbolining qator grandlari nazariga tushdi.
Xususan, «Manchester Yunayted» uning uchun «Lans»ga 10,5 million yevro taklif qildi, biroq Rafael shoshilmadi va keyinroq «Real» safidan joy oldi. Qizig‘i, madridliklar manchesterliklarga nisbatan kamroq pul to‘lashdi. Gap shundaki, barchasini bitta qo‘ng‘iroq hal qildi.
Aniqrog‘i, o‘sha payt «Qirollik klubi»da prezident maslahatchisi sifatida ishlagan Zayniddin Zidan oraga suqulib, Varanni aynan «qaymoqranglilar» bilan shartnoma tuzishga ko‘ndirdi. Natijada fransiyalik iqtidor Madridga ko‘chib o‘tib, birdaniga 6 yillik bitim ostiga imzo chekdi.
Aytish mumkinki, Zizu shu asnoda sevimli klubining kelajagi va o‘zi uchun katta xizmat qildi. Zero, Rafael keyingi yillarda Zidanning Yevropa Chempionlar Ligasidagi g‘alabali seriyasi «ustun»laridan biriga aylandi.
U bunga qa-dar Joze Mourinyo bilan ishlab, sabr-toqat va bardoshdan saboq oldi, Karlo Anchelotti davriga kelib esa, faoliyatida ilk marta CHL kubogini boshi uzra baland ko‘tardi. Shuningdek, ma’lum muddat Rafael Benites boshqaruvida ham tajriba oshirdi.
Jamoa ruli Zayniddin Zidanga topshirilganidan keyin esa, Varanning chinakam yulduzli davri boshlandi. Tajribali Pepe va Serxio Ramos bilan yelkama-elka turgancha to‘p surgan himoyachi sekin-asta «Real» orqa chizig‘ining muhim bo‘g‘ini bo‘lib oldi. Umuman, uni jamoaning eng ishonchli himoyachisi sifatida ta’riflash mumkin.
Ha, sardor Ramos behisob qahramonlik va jasorat ko‘rsatgan, lekin faqat orqa chiziqdagi qat’iy o‘yin haqida gapirsak, «Madrid»da hamma aynan Rafaelga tayanadi. Yaqinda jahon futboli tojdoriga aylangan Fransiya terma jamoasida ham xuddi shunday.
VARAN VA «OLTIN TO‘P»
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
