Superliga bahslarida birinchi bosqich yakunlandi. Jamoalar endilikda 6 tadan 2 ta guruhga ajratiladi.
Dastlabki guruh chempionat medallari uchun kurash olib borsa, ikkinchi oltitalik PEPSI Superligada jon saqlab qolish uchun bahs yuritadi. Jamoalar endi o‘z guruhi doirasida uy-safar tizimida jami 10 ta uchrashuv o‘tkazishadi.
“Neftchi” jamoasi darvozaboni Abdumavlon Abdujalilov PFL rasmiy saytiga birinchi bosqich taassurotlari hamda yangi boshlanadigan bosqichdan nimalar kutayotgani haqida so‘zlab berdi.
- PEPSI Superliga bahslari ancha shiddatli tarzda kechyapti. Bunga birinchi bosqichning deyarli barcha uchrashuvlarida guvoh bo‘ldik. Jamoalar har bir o‘yinda imkon qadar ochko yo‘qotmaslikka urinishyapti. Bu yil raqobat oshgani chindan bilinyapti.
Har bir uchrashuvning bayramona tarzda tashkil etilayotgani esa muxlislarni ham, futbolchilarni ham quvontiryapti. Zero o‘yinning ko‘pchilik diqqat-markazida ekanini ko‘rish yoqimli. Qolaversa, uchrashuvlarning TV orqali namoyish etilayotganini ham maqtash kerak. Agar o‘yin TVda namoyish etilsa, maydonda yuz berayotgan voqealarni barcha ko‘radi. Bu orqali shaffoflik ham ta’minlanadi, ortiqcha gap-so‘zlarga chek qo‘yiladi.
Milliy chempionatimizning Superligaga aylantirilgani, o‘yin atrofida amalga oshirilayotgan tashkilotchiliklar stadionlarda muxlislar tashrifi oshishini ta’minlamoqda. Bu juda ijobiy holat. Yaqin yillar ichida ushbu o‘zgarishlarning samarasi yaqqol ko‘rinadi. Umuman olganda, Superliga-2018ning birinchi bosqichidan ijobiy taassurotlar qoldi, deya olaman.
Faqatgina jamoamizning musobaqa jadvali quyi pog‘onasini egallab turgani kishini hafa qilmoqda. To‘g‘risi, jamoamiz so‘nggi o‘rinni egallab, kam ochko jamg‘argan bo‘lsa ham, aslida o‘yinlarni u qadar yomon o‘tkazmadik. Ko‘pincha o‘yinni durang bilan yakunladik. Birinchi bosqich oxiriga kelib esa ancha o‘yinimiz qovusha boshladi.
Ana endi jamoalar ikki guruhga ajratiladi. Superligada qolish uchun kurashadigan jamoalar ochkolariga e’tibor qaratsak, bizdan yuqoriroqda turgan klublar bilan o‘rtamizdagi farq u qadar katta emas. Bu esa hali bizda ham xavfli zonadan uzoqlashishga imkoniyat yetarli ekanini anglatadi.
“Neftchi” jamoasi ikkinchi bosqichni yuqori kayfiyatda o‘tkazib, har bir uchrashuvda chiroyli o‘yin namoyish etishga, muhim ochkolarni qo‘lga kiritib, muxlislarini xursand qilishga urinadi. Men ishonaman, “Neftchi” hali bemalol xavfli zonani tark etadi va musobaqa jadvalida yuqorilaydi, - dedi mahoratli darvozabon.
“Neftchi” jamoasi matbuot xizmati bilan hamkorlikda tayyorlandi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
