Bugun, 5 sentyabr kuni O‘zbekiston – Suriya o‘rtoqlik uchrashuvi oldidan “Milliy” stadionda matbuot anjumani o‘tkazildi.
Anjumanning birinchi qismida O‘zbeiston milliy terma jamoasi bosh murabbiyi Ektor Kuper ishtirok etib, o‘yin oldidan o‘z fikrlarini bildirib o‘tdi. Uning futbolchilar va Vatan haqida aytgan so‘zlari olqishlarga sabab bo‘ldi.
“22 avgust kuni yig‘inga kirishgan bo‘lsak, birinchi ishni futbolchilarni inson sifatida o‘rganishdan boshladim. O‘zbekiston milliy terma jamoasining oldinngi o‘yinlari bilan tanishdim. Qo‘l ostimda jamlangan futbolchilar bilan mashg‘ulotlar o‘tkazib ularning jismoniy tayyorgarligini kuzatdim. Hozirgi tarkib Suriya va Eron o‘yinlari uchun yig‘ilgan bo‘lib, keyingi o‘yinlarda tarkibga yangi o‘yinchilar ham jalb qilinishi ehtimoldan holi emas.
Terma jamoada mengacha ishlagan barcha murabbiylarning ishini hurmat qilaman. O‘yinchilarimiz texnik jihatdan juda ham yaxshi holatda. Mashg‘ulotlar jarayonida global o‘zgarishlar qilganimizcha yo‘q. Shu sabab ham birinchi o‘yindanoq mo‘’jizalar kutmasligingizni so‘rayman. Terma jamoa o‘yinidagi o‘zgarishlar eng kamida bir oydan so‘ng ko‘zga tashlanishiga umid qilyapman.
O‘yinchi tanlashda eng avvalo jismoniy holatiga e’tibor beraman. O‘z klubida yaxshi to‘p surayotgan barcha o‘yinchilarni kuzatishga harakat qilaman. O‘rtoqlik uchrashuvida qatnashmagan bo‘lsa ham, natija muhim o‘yinlarda klubida o‘zini ko‘rsatayotgan futbolchini terma jamoaga taklif qilishdan cho‘chimayman. Optimal holatdagi barcha o‘yinchilar uchun terma jamoaning eshiklari doimo ochiq.
O‘zbekiston futbol assosiasiyasi tomoniga men tomonimdan qo‘yilgan barcha talablar ijobiy qondirib kelinmoqda. Imkoniyatlarimdan kelib chiqqan holda harakat qilaman va ayrim kamchiliklar yuzaga keladigan bo‘lsa, buni bahona qilib ish uslubimni o‘zgartirmayman. Lekin shu kungacha hech qanday kamchilik kuzatilgani yo‘q.
Futbolchilarga aytadigan eng birinchi gapim, Vataningizni va terma jamoangizni doimo seving!
Biz asta-sekin barcha o‘yinchilarni, Indoneziyadagi Osiyo o‘yinlarida qatnashgan futbolchilarni ham o‘rganamiz va imkoniyatlarini chamalab kerak bo‘lsa terma jamoaga taklif etamiz. Osiyo o‘yinlarida qatnashgan futbolchilarning ayrimlargi terma jamoani kuchaytira olish salohiyatiga ega. Dunyo amaliyotida mashg‘ulotlar jarayoni jurnalistlar uchun 15 daqiqa ochiq bo‘ladi va vaqt tugagach, jurnalistlardan mashg‘ulot jarayonini tark etishlarini so‘raymiz.
Shuningdek, anjumanda milliy terma jamoa sardori Odil Ahmedov ham fikrlarini bildirib o‘tdi.
“Suriyaga qarshi o‘yinda oldimizga qo‘yilgan maqsadga erishish uchun bor imkoniyalarimizni ishga solamiz”.
Ma’lumot o‘rnida, O‘zbekiston – Suriya uchrashuvi ertaga, 6 sentyabr kuni soat 20:00 da “Milliy” stadionda boshlanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
