Professional futbol ligasi ishchi guruhi “Metallurg” klubiga tashrifi davomida “Yoshlik” sport majmuasida bo‘ldi.
Mazkur majmuada “Metallurg” futzal klubi o‘zining uy uchrashuvlarini o‘tkazadi. Unda, shuningdek, boshqa sport turlari bo‘yicha ham musobaqalar bo‘lib o‘tadi. Majmua futzal bo‘yicha O‘zbekiston chempionati uchrashuvlarining minimal talablariga javob beradi. “Metallurg” futbol klubi rahbariyatining aytishicha, mavsum avvalida zal qoplamasi ta’mirlangan, uning devorlarida esa birlamchi pardozlash ishlari olib borilgan.
Biroq ayni vaqtga kelib “Yoshlik” sport majmuasining holatida salbiy o‘zgarishlar bor. Kosmetik ta’mirning o‘zi bilangina muammo hal bo‘lib qolmagan. “Metallurg” futzalchilari to‘p suradigan ob’ekt qolgan klublarniki bilan solishtirganda yaxshiroq bo‘lishi mumkin. Biroq PFL talabni nisbiy ko‘rinishda qo‘ymaydi.
2019 yilgi mavsumdan boshlab futzal bo‘yicha O‘zbekiston chempionati o‘yinlariga jiddiy e’tibor qaratiladi va uning formatida, o‘yinlar bo‘lib o‘tadigan oylarda o‘zgarishlar yuz beradi. PFL, shuningdek, futzal bo‘yicha O‘zbekiston chempionati translyasiyalarini yo‘lga qo‘yish borasida “Sport” telekanali bilan hamkorlik qilishni rejalashtirgan. Masalaga shu tomondan yondoshilsa, “Metallurg” futzal klubining uy uchrashuvlarini namoyish etish uchun “Yoshlik” sport majmuasida imkoniyatlar yetarli emas.
Klub rahbariyati TV kameralari joy olishi uchun machtalar o‘rnatilishi borasida og‘zaki va’da berdi. Biroq bu yetarli emas. “Metallurg” futbol klubidagi mavjud kamchiliklar ko‘rsatib o‘tilgan rasmiy xat PFL orqali klubga, klub orqali homiy tashkilotga yetkaziladi. Shuningdek, futzal maydonining puxta ta’mirdan chiqarilishi masalasi nazorat qilinadi. Ayni vaqtdagi holat esa televideniye talablariga javob bermaydi.
“Metallurg” futzal klubining natijalarini esa qoniqarli baholash mumkin. Klubda futzalga alohida e’tibor bor, jamoa chempionatda 4-o‘rinni egallab turibdi. Endigi navbat esa sport ob’ektini tartibga keltirish.
Ma’lumot uchun, 2019 yilgi mavsum uchun talab jiddiy bo‘ladi. Bunda Superliga klublari futzal, ayollar va yoshlar jamoalari to‘p suradigan maydonlarni talab darajasiga yetkazishi shart.
Espanyol
«InterFutbol» газетаси
Холис таҳлилчи блоги
Ҳасанали ота
Ўзбекистон Миллий ахборот агентлиги
Сафарали Сиддиқов
FCB.UZ — бу «Барселона»
Mazmun.uz — барчаси футбол учун
Лутфулло Турсунов
Шуҳрат Шокиржонов
Шерзод Ражабов
Қаҳрамон Асланов
