Namanganning “Navbahor” klubi “Paxtakor”ga qarshi o‘yinda tartibni buzgan muxlislarga nisbatan keskin chora ko‘rganini ma’lum qildi.
Unga ko‘ra, 16 sentyabr kuni “Navbahor” “Markaziy” o‘yingohining anjumanlar zalida navbatdan tashqari yig‘ilish o‘tkazilgan. Yig‘ilishda Namangan viloyat futbol assosiasiyasi vise-prezidenti Shamshod Ergashovich Sarikov, Namangan viloyat futbol assosiasiyasi 1-vise-prezidenti Bahrom Muhitdinovich Xolmirzayev, “Navbahor” PFK direktori v.b. Ilhomjon Qodirovich Mirzaboyev, “Navbahor” PFK va “Markaziy” o‘yingoh xodimlari, “Navbahor” Muxlislar bilan ishlash bo‘limi yetakchisi Farhod Umaraliyev, shuningdek, “Navbahor” ishqibozlari ishtirok etdi.
Yig‘ilishda Shamshod Ergashovich so‘zga chiqib, Superliga 23-turi doirasidagi “Navbahor” – “Paxtakor” uchrashuvida ajoyib muxlislik qilishgani, fantastik muhit yaratib berishgani uchun ishqibozlarga o‘z minnatdorchiligini bildirib, uchrashuvning so‘nggi daqiqasida Igor Golban tomonidan urilgan golda muxlislarning ham munosib hissalari borligini alohida ta’kidladi.
Shuningdek, Shamshod Ergashovich o‘z so‘zida guruch kurmaksiz bo‘lmaganidek, muxlislar orasida ham madaniyatsiz, muxlislik etikasiga rioya qilmaydigan ishqibozlar ham borligiga to‘xtalib, kechagi o‘yinning videoyozuvini stadionda o‘rnatilgan kameralar orqali ko‘rib chiqib, tartibsizlikka yo‘l qo‘ygan 27 nafar muxlis shaxsini aniqlab, ularga nisbatan keskin choralar ko‘rilganligi, endi ushbu ishqibozlar “Navbahor”ning joriy mavsum yakunigacha bo‘lgan barcha bahslarida stadionga kiritilmaydigan bo‘lganini ta’kidladi.
Shuningdek, mazkur yig‘ilishda “Navbahor” Muxlislar bilan ishlash bo‘limi yetakchisi Farhod Umaraliyev ham ogohlantirildi. Muxlislar yana shunday tartibsizlikka yo‘l qo‘yadigan bo‘lsa, unga nisbatan ham qat’iy choralar ko‘rilishi belgilandi.
Ushbu yig‘ilishdan kelib chiqib, “Navbahor” jamoasining Superliga birinchi bosqich uy uchrashuvlariga eng ko‘p muxlis tashrif buyurganligi uchun ularga PFLning maxsus sovg‘asi topshirilgani va muxlislar shunga yarasha ishonchni oqlashlari, muxlislik madaniyatini oshirishlari, mehmon jamoa vakillari hamda hakamlarga nisbatan haqoratli so‘zlar ishlatmasliklari, ularni hurmat qilishlari lozimligi ta’kidlandi va ushbu masala bo‘yicha chora-tadbirlar belgilandi.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
