“Nasaf” Pepsi Superligasining navbatdagi 23-tur uchrashuvini safarda Farg‘onaning “Neftchi” jamoasiga qarshi o‘tkazadi. Jamoalar milliy chempionatdagi o‘zaro 44-uchrashuvida maydonga tushishadi. Uchrashuv 22 sentyabr shanba kuni “Istiqlol” stadionida soat 18:00da boshlanadi.
Pepsi Superligasi-2018. 24-tur
“NEFTCHI“ – “NASAF”
22.09.2018. “Istiqlol” stadioni. 18:00da
Bosh hakam: Jasur Muxtorov
Qanot hakamlari: Doniyor Saylavov, Rishot Nig‘monov
Zaxira hakami: G‘anisher Jo‘rayev
Nazoratchi: Sardor Najafaliyev
Uchrashuv komissari: Baxtiyor Namozov.
Jamoalarning o‘zaro uchrashuvlari tarixidan
Mazkur jamoalar hozirgacha milliy chempionatimizda 43 marta o‘zaro bahs olib borishgan. Bo‘lib o‘tgan uchrashuvlarning 15tasida “Neftchi” jamoasining qo‘li baland kelgan. “Nasaf” esa 18 uchrashuvda g‘alaba qozongan. Qolgan o‘zaro 9 uchrashuvda durang qayd etilgan. To‘plar nisbati bo‘yicha ham ustunlik “Nasaf” tomonida – 49-60.
Esingizda bo‘lsa, “Nasaf” jamoasi o‘z tarixidagi ilk oliy liga uchrashuvini o‘z maydonida aynan “Neftchi” jamoasiga qarshi uchrashuv bilan boshlagan. Ushbu uchrashuv 1997 yilning mart oyida Qarshida bo‘lgan.
Ro‘ziqul Berdiyev qo‘l ostidagi “ajdarlar” farg‘onaliklar bilan bo‘lgan uchrashuvlarda mag‘lubiyatsiz seriyalarini davom ettirib kelishmoqda. “Nasaf” ustozi shu paytgacha shogirdlarini milliy chempionat uchrashuvlarida “Neftchi”ga qarshi o‘n bir marta maydonga olib tushgan. Shu uchrashuvlarning to‘qqiztasida “ajdarlar”ning qo‘li baland kelgan va ikki uchrashuv durang natija bilan yakunlangan.
Farg‘onadagi o‘zaro uchrashuvlar tarixidan
Mazkur jamoalarning Farg‘onadagi ilk uchrashuvi 1997 yil 13 noyabr kuni bo‘lib o‘tgan. Shu paytgacha jamoalar Farg‘onada 22 marta o‘zaro bahs olib borishgan. Ularning 9tasida “Neftchi” jamoasi g‘alabaga erishgan. 4 uchrashuvda “Nasaf” zafar quchgan. Qolgan 9 uchrashuvda durang natijalar qayd etilgan. Farg‘onadagi 22 uchrashuvda darvozalarga jami 49ta to‘p kiritilgan. To‘plar nisbati bo‘yicha ustunlik 29-20 “Neftchi” tomonida.
Farg‘onada o‘tgan so‘nggi besh uchrashuv
01.03.2018. “Neftchi” – “Nasaf” 0:0
13.10.2017. “Neftchi” – “Nasaf” 0:3
21.06.2016. “Neftchi” – “Nasaf” 2:2
23.05.2015. “Neftchi” – “Nasaf” 0:1
27.08.2014. “Neftchi” – “Nasaf” 0:1
Jamoalarga oid yana faktlar
“Neftchi” jamoasi o‘yinchilariga shu paytgacha 54ta sariq kartochka ko‘rsatilgan. “Nasaf” o‘yinchilari esa 28ta sariq kartochka va 2ta qizil kartochka olishgan. G‘olib G‘aybullayevning sariq kartochkalari soni 4taga yetgani uchun, bu uchrashuvda yordam bera olmaydi. “Nasaf” futbolchilari joriy mavsumda raqiblari darvozasiga jami 22ta to‘p kiritishgan, bu 10 nafar futbolchilar tomonidan amalga oshirildi. “Nasaf” to‘purari hozircha Bobir Abduxoliqov bo‘lib turibdi, u shu paytgacha 6ta gol kiritgan. “Neftchi” jamoasi futbolchilari bu mavsumda hozircha 13ta to‘p kiritgan. Bu 11 nafar futbolchi tomonidan amalga oshirildi. Jamoa to‘purari hozircha Sherzod Hakimov sanaladi. U raqiblar darvozasini 3 marta ishg‘ol qilgan.a
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
