Kecha, 25 sentyabr kuni “Navbahor” sobiq yarim himoyachisi Ro‘zim Ahmedov jamoa bosh murabbiyi Ilhom Mo‘minjonov haqida salbiy fikrlarini bildirgan audioyozuv O‘zbekistonning bir nechta ommaviy axborot vositalari va ijtimoiy tarmoqlarda katta shov-shuv keltirib chiqardi.
Futbolchi Ro‘zim Ahmedov audioyozuvda Ilhom Mo‘minjonovni “xaromi”, “iflos” va “isqirt”, “o‘g‘ri” so‘zlari bilan haqorat qilgan. Bundan tashqari, Ahmedov Mo‘minjonov futbolchilarga “Navbahor” muxlislari bilan yaqin bo‘lmaslikni, ular bilan faqatgina salom-xayr qilish kerakligini buyurganini aytgan.
Ro‘zim Ahmedov Ilhom Mo‘minjonov haqida nima degan edi? Videoda eshiting!
“Mo‘minjonov yosh futbolchilarning shartnomasiga maoshini ko‘paytirib yozyapti, bir qismini esa o‘zi o‘zlashtiryapti. U safar o‘yinlarini sotgan. Mo‘minjonov hamma pullarni o‘zlashtirib, ketib qolmoqchi. Murabbiy meni mavsum o‘rtasida haydab yubordi, bolalarimning rizqini qirqdi. U menga bir tiyin pul bermadi, ammo hokimga “hamma bilan to‘liq hisob-kitob qilindi”, deb aytdi. Bu bilan u hokimni ham aldadi.
“Navbahor” kelgach, ikki marta oyog‘im sindi. Ammo meni davolashga qo‘ymagan, oldin mana shu o‘yinda maydonga tush, keyin davolanasan degan. Bilasizmi, ukol qilib, singan oyog‘im bilan o‘ynaganman. Ikkinchi marta oyog‘im singach, operasiyaga bir so‘m pul ham bermasdan xaydab yubordi. Oyog‘imga temir qo‘yilgan. Shunday bo‘lsa-da, muxlislar hokimga murojaat qilib, meni chaqirib olishgandi. Lekin shunda ham maydonga tushirmadi. Yordamchi murabbiylar “Ro‘zimni tushir”, desa ham u rad etib kelgan. Yozda bir necha marta xonasiga chaqirib, meni haydab yubormoqchi bo‘lgan. Meni muxlislar chaqirganini, ular uchun o‘ynayotganimni aytganimdan so‘ng, jahl qilib, “endi butunlay haydalding”, degan”.
Ro‘zim Ahmedovning shov-shuvli va haqoratli intervyusidan biroz vaqt o‘tib, Ilhom Mo‘minjonov “Stadion.uz” internet nashri muxbiri bilan bog‘lanib, futbolchi bilan o‘rtasidagi ziddiyat sabablariga oydinlik kiritib, futbolchining haqoratlari so‘zlariga javob qaytardi.
Demak, “Navbahor” murabbiyi Ilhom Mo‘minjonovning intervyusini yaqin soatlarda “Stadion.uz”da o‘qish va eshitish imkoniga ega bo‘lasiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
