Yevropa milliy chempionatlari ayni avj pallasiga kirmoqda, tur ketidan tur, o‘yin ketidan o‘yin. Bu vaqtda bir xillikdan qochish uchun sof futbol mavzusini biroz chetga surib, uning atrofidagi holatlar haqida ham ozgina gapirsak bo‘lar...
Xususan, euro-football.ru sayti muxbirlari Angliya klublari murabbiylari qo‘llariga qarashdi, aniqrog‘i, ayrim mutaxassislarning qanday soat taqishlariga qiziqib ko‘rishdi. Xo‘sh, kim eng qimmatbaho qo‘l taqinchog‘i bilan alohida maqtanishi mumkin?
Xosep Gvardiola. «Manchester Siti»ning oltin mavsumi bosh qahramoni sifatida e’tirof etilgan murabbiy eksklyuziv buyurtma asosida tayyorlangan Richard Mille RM 004 All Gray soatidan foydalanadi.
Ushbu brendning shunga o‘xshash bir dona soati bahosi chamasi 150000 funt (166000 yevro)ga teng.
Joze Mourinyo. Mavsum boshida tanqidlar domiga tushgan «Benazir»ga Hublot Big Bang Unico 45mm Automatic Chronograph Magic Gold soati ma’qul.
Bu masalada Mouga o‘xshashni istagan kishi 15909 funt (17650 yevro)dan voz kechishi kerak. Darvoqe, portugaliyalik murabbiy Hublot kompaniyasi elchisi hisoblanadi.
Maurisio Pochettino. Argentinalik mutaxassis yozda yangi futbolchilar xaridiga ehtiyoj sezgani yo‘q, u shuningdek, Aquatimer Chronograph brendining Expedition Charles Darwin seriyasiga mansub chiroyli qo‘l soatiga ham sodiq qoldi.
Ushbu bejirim aksessuarni 7352 funt (8157 yevro)ga xarid qilish imkoni bor.
Maurisio Sarri. «Chelsi»ning yangi bosh murabbiyi o‘yinlarni yarim tungacha bemalol tahlil qilishi mumkin. Har holda, qo‘lidagi Panerai Luminor Power Reserve soati kechasi atrofga nur sochib turadi.
Italyan murabbiyi ko‘ngil qo‘ygan aksessuar ham uncha arzon emas — 6000 funt (6660 yevro).
Nunu Eshpiritu. Premyer-ligaga qaytgan «Vulverxempton» ustozi keng doirada ancha ommalashgan Tag Heuer soatiga oshufta. Bu qo‘l soatining narxi «atigi» - 1250 funt (1390 yevro).
Aytgancha, portugaliyalik mutaxassis odatda soatini tez-tez almashtirib turadi.
Roy Xojson. Angliyalik faxriy murabbiy bu masalada Joze Mourinyo bilan «sherik». Ya’ni unga ham Hublot mahsuloti ma’qul. To‘g‘ri, Xojson boshqa modelni tanlagan - Big Bang Gold Ceramic.
Unda oltin miqdori ko‘proq, shuning uchun bahosi ham balandroq - 25200 funt (27950 yevro).
Slavisha Yokanovich. Tabiiyki, Rolex brendi chetda qolishi mumkin emas. Deylik, Rolex Explorer II modeli «Fulxem» ustozi qo‘lidan sira tushmaydi.
Dabdabali aksessuarga ega bo‘lishni istaganlar 5950 funt (6600 yevro) ajratishlari kerak.
Eddi Xau. «Bornmut» futbolchilarini yorug‘ yo‘lga boshlayotgan ishtiyoqi baland murabbiy keng funksiyali Apple Watch Series 3dan foydalanadi. Misol uchun, bu soat sport yo‘nalishida juda foydali bo‘lib, uning yordamida mashg‘ulotlar va kun davomidagi faollikni aniqlab borish mumkin.
Asosiysi, Applening bahosi «tishlamaydi» - 329 funt (365 yevro).
David Vagner. «Xaddersfild Taun» ustozi deylik, Eddi Xaudan ham kamtar.
Har holda, u bahosi atigi 100 funt (111 yevro)ga teng Casio G-Shock Alarm soatini taqadi.
Yurgen Klopp. Germaniyalik «to‘polonchi» murabbiyning didi chakki emas. «Liverpul» bilan chempionlikni ko‘zlayotgan Klopp Years Aquatimerning 50 IWC Aquatimer Ceratanium seriyasiga mahliyo.
Narxi - 5500 funt (6100 yevro).
Manuel Pellegrini. «Vest Xem»da ancha qiynalayotgan chililik murabbiy qo‘lida IWC Schaffhausen Pilot~s Watch Mark XVIIIsoati o‘zgacha chiroy ochib turadi.
Bejirim bandi buzoq terisidan tayyorlangan aksessuarni 3690 funt (4095 yevro)ga xarid qilish mumkin.
Marku Silva. «Everton» yo‘lboshchisi 9010 funt (deyarli 10000 yevro) turadigan Cvstos Challenge II Chrono Power Reserve Steelsoatidan foydalanadi. Ushbu qoyilmaqom taqinchoq zanglamaydigan po‘latdan tayyorlangan va titan tugmachalar bilan bezatilgan.
Yorqin ko‘k tusli bandi ham qo‘shimcha ko‘rk bag‘ishlaydi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
