Oktyabr futbol uchrashuvlariga boy bo‘ldi. Superligadagi murosasiz o‘yinlar, O‘zbekiston kubogidagi shov-shuvli natijalar, milliy jamoamizning o‘rtoqlik uchrashuvlarini muxlisu mutaxassislar zo‘r qiziqish bilan kuzatishgani bor gap.
Termamiz Ektor Kuper boshchiligida dastlabki g‘alabalarni rasmiylashtirgan bo‘lsa, o‘z tarixida ilk bor kubok finaliga chiqqan AGMK muvaffaqiyatni paysalga solmadi: Farg‘onada o‘tgan hal qiluvchi bahsda «Paxtakor»ni taslim etdi (3:1). Superligada esa yuqori va quyi oltilikdagi klublarning yuqoriga astoydil intilishayotganiga guvoh bo‘ldik.
«InterFutbol» an’anaga muvofiq, oyning eng yaxshilarini aniqlarkan, aynan shu uchrashuvlar qahramonlarini ham yoddan chiqarmadi. Demak, oktyabr laureatlari bilan tanishing.
Futbolchilar orasida birinchi o‘rinni «Lokomotiv» hujumchisi Marat Bikmayev egalladi. Birinchi navbatda, bu forvardning terma jamoadagi o‘yiniga e’tibor qaratsak. KXDR va Qatarga qarshi kechgan o‘rtoqlik uchrashuvlarida aynan Bikmayev eng yaxshi futbolchilardan biri bo‘ldi. Shimoliy koreyaliklar darvozasini ikki marta ishg‘ol qilgan bo‘lsa, Qatarga ham chiroyli gol urdi va bugungi kunda O‘zbekistonning tengsiz hujumchisi ekanligini yana bir bor isbotladi. O‘z navbatida, Marat Superligada ham samaradorlikni yo‘qotmayapti. Oktyabrda 4ta rasmiy uchrashuvda maydonga tushgan forvard 352 daqiqa to‘p surib, 2ta to‘p kiritdi. Shunday ekan, «temiryo‘lchilar» bilan chempionlik maqomini saqlab qolishga juda yaqin turgan Bikmayev haqli ravishda laureatlar safidan o‘rin oldi.
Shota Arveladze ma’lum muddat chap qanot himoyasida boshqa futbolchiga imkoniyat berishi natijasida Farrux Sayfiyev asosiy vaqtini zaxira o‘rindig‘ida o‘tkazgandi. «Nasaf» tarkibida ajoyib o‘yinlar ko‘rsatgan himoyachi «Paxtakor»da ham imkoniyat berishlarini kutdi va mana, ayni payt murabbiy bildirgan ishonchni oqlamoqda. Sayfiyev «sherlar» libosida o‘tkazgan har bir uchrashuvida faol futbolchilardan biri bo‘lib, eng asosiysi, deyarli har bir bahsda o‘z nomiga gol yozdirib qo‘ymoqda. Jumladan, oktyabr oyida ham Farrux sermahsullik ko‘rsatdi va laureatlar reytingida ikkinchi o‘rinni egalladi.
Yuqorida ta’kidlaganimizdek, AGMK shov-shuvli tarzda O‘zbekiston kubogi-2018 sohibiga aylandi. Ehtimol, olmaliqliklar ushbu g‘alaba orqali kuchli oltilikdan chetda qolishgani tasodif ekanini isbotlagandek bo‘lgandirlar? Har holda, bu klub salmoqli yutuqqa erishdi - axir kubok sohibi kelgusi yili o‘tadigan OCHL «pley-off» bosqichida qatnashadi-da! AGMK qo‘lga kiritgan g‘alabalarda jamoa legioneri Yovan Jokichning hissasi katta bo‘lmoqda. Aynan serbiyalik futbolchining «Paxtakor»ga qarshi kechgan O‘zbekiston kubogi finalida qayd etgan «dubl»i yakuniy natijada muhim ahamiyat kasb etdi. Qisqasi, Jokich ham oktyabr oyining eng yaxshi futbolchilariga atalgan ro‘yxatdan o‘rin oldi.
Shuningdek, milliy jamoamizni o‘rtoqlik uchrashuvlarida sardor sifatida boshlab tushgan Odil Ahmedovning jonbozligini ham e’tirof etish joiz. «Shanxay SIPG» bilan Xitoy chempionligi sari katta qadam tashlagan legionerimiz termamiz safida ham haqiqiy yetakchi ekanligini isbotlamoqda. Oktyabr oyida o‘zidan yorqin taassurot qoldirgan boshqa futbolchilar ham bor. Jumladan, Sardor Mirzayev («Lokomotiv»), Jaloliddin Masharipov («Paxtakor»), Oston O‘runov («Navbahor»), Sardor Sobirxo‘jayev («Bunyodkor»), Bobur Abduxoliqov («Nasaf») kabilarni alohida ajratib ko‘rsatish mumkin.
Endi laureat murabbiylar bilan tanishtiramiz.
Pepsi Superliga uchrashuvlariga befarq bo‘lmagan muxlislarning xabarlari bor: shiddatli tezlik olgan «Lokomotiv»ni to‘xtatish hech bir klubga nasib qilmayapti. O‘zbekiston kubogi yarim finalida «Paxtakor»ga imkoniyat boy berilishi bu «temir-yo‘lchilar»ga ijobiy ta’sir qilgan, chog‘i, chempionat bahslarida hech kimni ayashmayapti. Ayniqsa, futbolchilarning bir-birlarini yaxshi tushunib to‘p surishlari muxlislarga xush yoqmoqda. O‘yinning to‘g‘ri tashkil etilishi, tabiiyki, murabbiyga bog‘liq. Demak, o‘z vazifasini a’lo darajada uddalayotgan Andrey Fyodorov okt-yabr oyiga kelib laureatlar reytingining birinchi pog‘onasini egalladi.
AGMKning kubok finalidagi g‘alabasiga hech kim ishonmagandi. Faqatgina Baxtiyor Ashurmatovdan tashqari, albatta. Ushbu mutaxassis o‘ta ahamiyatli uchrashuvda har qanday raqibni yenga olish mumkinligiga shogirdlarini ham ishontirdi va Olmaliq jamoasining tarixiy g‘alabasi asoschilaridan biriga aylandi. Albatta, bunday natijaga erishgan murabbiyni eng yaxshilar ro‘yxatiga kiritmaslik adolatdan bo‘lmaydi. Umid qilamizki, Ashurmatovning e’tirof etilgani AGMKning kelgusidagi g‘alabalariga turtki bo‘ladi.
Iqtisodiy muammolarni boshdan kechirayotgani aytilgan «Nasaf»ning Superliga ikkinchi bosqichida quyi oltilikda ham qiyinchilikka uchrashi taxmin qilingandi. Ammo qarshiliklar o‘zlarini tezda o‘nglab, ushbu oltilikdagi peshqadamlikni «Qizilqum»dan tortib olishga ham ulgurishdi. Albatta, bugungi kunda «Nasaf» tarkibida asosan yoshlar to‘p surishmoqda, ularni g‘alabalar sari undash esa oson emas. «Ajdarlar» bosh murabbiyi Ro‘ziqul Berdiyev bu vazifani sharaf bilan uddalamoqda. Xususan, Qarshi jamoasi kuzning ikkinchi oyida o‘tkazilgan uchrashuvlarning aksariyatida g‘alaba qozonib, kelgusi yil ham elitadagi ishtirokni deyarli naqd qildi.
Futbolchilarning oy davomidagi natijalari
T|r Futbolchi O‘yin Daqiqa Gol
1. Marat Bikmayev 4 352 2
2. Farrux Sayfiyev 4 360 2
3. Yovan Jokich 5 450 2
Futbolchilar
Yanvar
1. Odil Hamrobekov («Nasaf»)
2. Jasur Yaxshiboyev («Paxtakor»)
3. Akrom Komilov («Bunyodkor»)
Fevral
1. Ignatiy Nesterov («Lokomotiv»)
2. Igor Golban («Nasaf»)
3. Ikrom Aliboyev («Lokomotiv»)
Mart
1. Xurshid G‘iyosov («Bunyodkor»)
2. Botirali Ergashev («Navbahor»)
3. Suhrob Nurulloyev («Metallurg»)
Aprel
1. Eldor Suyunov («Paxtakor»)
2. Javlon Ibrohimov («Bunyodkor»)
3. Arslonmurot Amanov («Buxoro»)
May
1. Aziz Turg‘unboyev («Navbahor»)
2. Jaloliddin Masharipov («Paxtakor»)
3. Sardor Sobirxo‘jayev («Bun-yodkor»)
Iyun
Laureatlar aniqlanmagan.
Iyul
1. Marat Bikmayev («Lokomotiv»)
2. Javlon Ibrohimov («Bunyodkor»)
3. Darko Stanoyevich («Navbahor»)
Avgust
1. Ikrom Aliboyev («Lokomotiv»)
2. Jahongir Mehmonov («Navbahor»)
3. Islom Isoqjonov («Metallurg»)
Sentyabr
1. Tiago Bezerra («Paxtakor»)
2. Jasur Hasanov (AGMK)
3. Avaz O‘lmasaliyev («Neftchi»)
Oktyabr
1. Marat Bikmayev («Lokomotiv»)
2. Farrux Sayfiyev («Paxtakor»)
3. Yovan Jokich (AGMK)
------------------------------------------
Murabbiylar
Yanvar
1. Ravshan Haydarov (O‘zbekiston U-23)
2. Ro‘ziqul Berdiyev («Nasaf»)
Fevral
Laureatlar aniqlanmagan.
Mart
1. Mirjalol Qosimov («Bunyodkor»)
2. Andrey Shipilov («Metallurg»)
3. Ilhom Mo‘minjonov («Navbahor»)
Aprel
1. Ulug‘bek Baqoyev («Buxoro»)
2. Sergey Lushan («So‘g‘diyona»)
3. Shota Arveladze («Paxtakor»)
May
1. Ilhom Mo‘minjonov («Navbahor»)
2. Shota Arveladze («Paxtakor»)
3. Mirjalol Qosimov («Bunyodkor»)
Iyun
Laureatlar aniqlanmagan.
Iyul
1. Mirjalol Qosimov («Bunyodkor»)
2. Andrey Fyodorov («Lokomotiv»)
3. Ilhom Mo‘minjonov («Navbahor»)
Avgust
1. Ilhom Mo‘minjonov («Navbahor»)
2. Andrey Shipilov («Metallurg»)
3. Andrey Fyodorov («Lokomotiv»)
Sentyabr
1. Shota Arveladze («Paxtakor»)
2. Baxtiyor Ashurmatov (AGMK)
3. Bahrom Haydarov («Neftchi»)
Oktyabr
1. Andrey Fyodorov («Lokomotiv»)
2. Baxtiyor Ashurmatov (AGMK)
3. Ro‘ziqul Berdiyev («Nasaf»)
Umumiy natija
Murabbiylar
1. Ilhom Mo‘minjonov - 12 ochko
2. Mirjalol Qosimov - 11 ochko
3-4. Shota Arveladze - 9 ochko
3-4. Andrey Fyodorov - 9 ochko
5-6. Andrey Shipilov - 6 ochko
5-6. Baxtiyor Ashurmatov - 6 ochko
7-8. Ravshan Haydarov - 5 ochko
7-8. Ulug‘bek Baqoyev - 5 ochko
9. Ro‘ziqul Berdiyev - 4 ochko
10. Sergey Lushan - 3 ochko
11. Bahrom Haydarov - 1 ochko
Futbolchilar
1. Marat Bikmayev - 10 ochko
2-3. Javlon Ibrohimov - 6 ochko
2-3. Ikrom Aliboyev - 6 ochko
4-9. Odil Hamrobekov - 5 ochko
4-9. Ignatiy Nesterov - 5 ochko
4-9. Xurshid G‘iyosov - 5 ochko
4-9. Eldor Suyunov - 5 ochko
4-9. Aziz Turg‘unboyev - 5 ochko
4-9. Tiago Bezerra - 5 ochko
10-16. Jasur Yaxshiboyev - 3 ochko
10-16. Igor Golban - 3 ochko
10-16. Botirali Ergashev - 3 ochko
10-16. Jaloliddin Masharipov - 3 ochko
10-16. Jahongir Mehmonov - 3 ochko
10-16. Jasur Hasanov - 3 ochko
10-16. Farrux Sayfiyev - 3 ochko
17-24. Akrom Komilov - 1 ochko
17-24. Suhrob Nurulloyev - 1 ochko
17-24. Arslonmurot Amanov - 1 ochko
17-24. Sardor Sobirxo‘jayev - 1 ochko
17-24. Darko Stanoyevich - 1 ochko
17-24. Islom Isoqjonov - 1 ochko
17-24. Avaz O‘lmasaliyev - 1 ochko
17-24. Yovan Jokich - 1 ochko
------------------------------------------------
Izoh: 1-o‘rin - 5 ochko, 2-o‘rin - 3 ochko, 3-o‘rin - 1 ochko.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
