Superligada o‘tkazilgan navbatdagi tur o‘yinlaridan so‘ng elitani tark etadigan bir klub nomi ma’lum bo‘ldi - «Neftchi»! Shuningdek, o‘z maydonida «Bunyodkor»ni mag‘lub etgan «Navbahor» ham uchinchi o‘rinda qolishga yaqin turibdi. 30-turning sarhisobi avvalgi sonda batafsil berilgandi, bu safar e’tiboringizni shu turning eng yaxshi futbolchilaridan tuzilgan ramziy jamoaga qaratamiz.
DARVOZABON:
Akbar To‘rayev («Navbahor») Tomonlaruchun deyarli olti ochko uchun kechgan bahsda «Navbahor» «Bunyodkor»ni taslim etdi. Mazkur g‘alabaning qo‘lga kiritilishida Namangan jamoasi darvozaboni Akbar To‘rayevning hissasi katta bo‘ldi.
HIMOYACHILAR:
Anzur Ismoilov («Lokomotiv») Murabbiylar ushbu futbolchiga har o‘yinda yuqori ball berishayotgan bo‘lsa, ajabmas. Chunki Anzur Ismoilovdagi foydali ish koeffisiyenti maqtovga loyiq. Xususan, «Buxoro» bilan uchrashuvda ham bu futbolchi ancha faollik ko‘rsatdi.
Davron Hoshimov («Navbahor») «Lochinlar»ning muhim g‘alabasiga munosib ulush qo‘shganlar orasida Davron Hoshimov ham bor. Shu tariqa mahoratli himoyachi terma jamoaning Avstraliya safariga xotirjam tarzda yo‘l oladigan bo‘ldi.
Sardor Qulmatov («So‘g‘diyona») «Jon» saqlash uchun kechgan ahamiyati yuqori bahsda jizzaxliklar Farg‘onadan g‘alaba bilan qaytishdi. «So‘g‘diyona» mudofaa chizig‘ida to‘p surgan Sardor Qulmatov mazkur uchrashuvning eng yaxshi futbolchilaridan biri sifatida e’tirof etildi.
Aleksandr Merzlyakov («Qo‘qon-1912») Qo‘qonliklar joriy mavsum kubok sohibiga aylangan AGMK maydonida ishonchli g‘alabaga erishdilar. Bu o‘yinda qanot himoya va yarim himoyasida tinim bilmagan Aleksandr Merzlyakov ham ramziy termadan joy egalladi.
YARIM HIMOYACHILAR:
A’zam Aliyev («Navbahor») Jamoasi muvaffaqiyati yo‘lida o‘zini aslo ayamaydigan yarim himoyachi «Bun-yodkor» bilan o‘yinda ham yorqin taassurot qoldirib, bugungi kunda «Navbahor» uchun qanchalik muhim o‘yinchi ekanini isbotladi.
Tiago Bezerra («Paxtakor») Braziliyalik legioner bu turda o‘z nomiga navbatdagi golni yozdirib qo‘ydi. Asosiysi, Bezerraning kiritgan to‘pi yakunda «Paxtakor» foydasiga ishladi.
Artur Gevorkyan («Qizilqum») «Nasaf» bilan o‘yinda «Qizilqum» futbolchilari hamjihatlikda harakat qilib, ishonchli g‘alabani tantana qilishdi. Mazkur bellashuvda navoiyliklar yetakchisi Artur Gevorkyan ancha faol bo‘ldi.
Suhrob Berdiyev («Qo‘qon-1912») Bu futbolchi nafaqat muhim gollarni uradi, balki ularni chiroyli tarzda amalga oshiradi. Suhrob Berdiyev AGMKga qarshi kechgan bahsda odatdagidek, «Qo‘qon-1912» safidagi eng yaxshi futbolchilardan biri bo‘ldi.
Sanjar Shoahmedov («Lokomotiv») «Lokomotiv» bu turda o‘z maydonida «Buxoro»dan yirik hisobda ustun keldi. Gollarning biriga mualliflik qilgan «temiryo‘lchilar» «dispetcheri» Sanjar Shoahmedov yana faolligi bilan ajralib turdi.
HUJUMCHI:
Temurxo‘ja Abduxoliqov («Lokomotiv») Shuningdek, «Lokomotiv» safida Temurxo‘ja Abduxoliqovning o‘yini ham ko‘pchilikka manzur bo‘ldi. Uchrashuvni ko‘tarinki kayfiyatda o‘tkazgan mahoratli hujumchi 83-daqiqada o‘z o‘rnini boshqa jamoadoshiga bo‘shatib berdi.
BOSH MURABBIY:
Andrey Kanchelskis («Navbahor») Eng yaqin ta’-qibchi bilan o‘yinga tarkibdagi ko‘plab muammolar bilan yetib kelgan «Navbahor» bir amalladi. Bu o‘rinda, albatta, jamoa ustozi ko‘proq bosh qotirishiga to‘g‘ri keldi. Andrey Kanchelskis raqibdan kelib chiqib, to‘g‘ri taktika tanladi va «lochinlar» o‘z muxlislari ko‘z o‘ngida «Bunyodkor»ni mag‘lubiyatga uchratishdi. Rossiyalik mutaxassis esa bu natija tufayli ramziy terma bosh murabbiyligiga loyiq ko‘rildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
